«Үздік сынып жетекшісі – 2017» байқауы

«Үздік сынып жетекшісі – 2017» байқауы

Еңсесі биік егеменді еліміздің адалдықты ту еткен алғыр ойлы, адал азамат ұл – қыздарына саналы тәрбие, сапалы білім беруде талмай еңбек етіп жүрген сынып жетекшілерінің шығармашылығын байқау мақсатында Жақсыбай негізгі орта мектебінде мектепішілік «Үздік сынып жетекшісі – 2017 » байқауы өтті. Қазіргі қоғамдағы тәрбиенің рөлін арттыру, тәрбие үрдісін жетілдіру, тәрбие субъектілерінің құзырлылығын дамыту да байқаудың мақсаты болды.

Мектепішілік «Үздік сынып жетекшісі – 2017 » байқауының ашылу құрметінің алғы сөзін мектеп директоры Сариева Лида Жандетқызы ашты.

Сайыс кезеңдері:

1. «Мен сынып жетекшісімін» атты тақырыпта өздерін таныстырады.

2. Менің сыныбым өзгеше. Бейне – роликтер байқауы (слайд – шоу)

3. Ашық тәрбие сағаты

4. Жедел сұрақтар сайысы

5. Өз өнерін көрсету (қол өнер, сурет, ән, би)

6. Қорытынды

Сайысқа қатысушы сынып жетекшілері ашық тәрбие сағаттарын беріп, өз портфолиоларын дайындаған еді. Сайыстың соңғы турына да жоғары дайындықпен келген.

Бала бойына тәлім – тәрбиенің асыл қазынасын құйып жүргендерін дәлелдеуге тырысқан сынып жетекшілері өздерін барлық қырынан танытты.

Сайыс қорытындысы бойынша сөз кезегін тәрбие ісінің меңгерушісі Шолпан Қойшығұлқызы атап айтқан еді. Нәтижесінде:

«Үздік сынып жетекшісі – 2017 » аталымын 7 сыныбының жетекшісі Амангелдиева Фарзана Амангелдіқызы алды.

«Шығармашыл ұстаз» аталымын 8 сынып жетекшісі Есқали Маржан Ізімғалиқызы ие болды. «Өнерлі ұстаз» аталымы 9 сынып жетекшісі Оразова Нұрсәуле Жақанқызы марапатталды.

ХХІ ғасыр – Білім ғасыры. Ендеше ғасырдың сайысынан қалмайық. Еңсесі биік егеменді еліміздің адалдықты ту еткен алғыр ойлы, адал азамат ұл - қыздарына саналы тәрбие, сапалы білім беруде шаршамай, талмай еңбек етіп, еңбектеріңіздің жемісін көре беріңіздер, жаңа жетістіктерге , жоғары белестерге жетулеріңізге тілектеспін.

Жақсыбай негізгі орта мектебі

Сынып бірлестік жетекшісі: Жангалиева Рысгүл Алдабергенқызы