"Үзілген жапырақтар" мақала

Үзілген жапырақтар

Күз мезгілі. Дала сары бояуға боялғандай, әп-әдемі. Маған күз мезгілі өте қатты ұнайды. Сондықтан мен күз мезгілінде уақытымды құр босқа жібергім келмейді. Көбіне, саябаққа шығып серуендегенді жақсы көремін.

Сондай бір күні мен саябақта серуендеп келе жаттым. Көңіл-күйім өте керемет болды. Кенет үлкен ағаштың жанында тұрған баланы көрдім. Бала ағашқа бар жан-тәнімен қарап тұр. Қолында кішкене қуыршақ бар екен. Ағашқа қарасам діңгегі өте қалың, жапырақтары көп, әрі сап-сары екен. Бірақ, бір мұңайтатыны жапырақтары әр минут, секунд өткен сайын үзіліп түсіп жатыр. Мен әлгі баланың қасына жақындап бардым. Жанарына қарасам өте қатты ренжулі, бір мұңы бар адам секілді. Мен оны сөзге тартқым келіп:

-Балақай, бұл жерде неге тұрсың? Неге бұл ағашқа сонша тесіліп қарап тұрсың? Я, мен саған сұрақ қойып тұрмын, бірақ сол сұрақтың жауабын өзімде білемін ғой. Ағаш өте әдемі, я. Күз мезгілі сағанда ұнай ма? Маған да өте қатты ұнайды, - деп көңілді дауыспен әңгімемді жалғастырып жатырмын. Бала маған:

-Жоқ, әпкетай, маған күз мүлдем ұнамайды. Бұл ағашта, оның жапырақтары да ұнамайды, - деді. Мен таңқалған күйде:

-Неге? - деген сұрақ қойдым. Ол:

-Себебі, бұл ағаштың жапырақтары үзіліп түскен сайын менің ең жақын адамдарым менің жанымнан басқа жаққа кетіп жатыр. Бірінші төсек тартып жатқан анам, одан соң кішкентай қарындасым. Ал әкемнің маған бөлер уақыты жоқ. Өйткені, оның үлкен ғимараты бар. Сол ғимаратта көптеген жұмыстар істейді. Жұмысшылар мен болмасам жұмыстарын дұрыс атқармайды –дейді әкем. Ал мен күнде осы ағаштың жанына келіп, жапырақтарынан үзіліп түспеуін сұраймын. Жалғыз әкемнен айырылғым келмейді және бұл ағаштан мені анам мен қарындасымның жанына апаруын сұраймын. Қарындасым қуыршақпен ойнағанды жақсы көреді. Ал ол кетерде қуыршағын ұмытып кетіпті, әрі оларды қатты сағындым, - деп мені қалай құшақтап жылағанын сезбей қалдым.Өзімнің де көзімнен жас шығып кетті.

Осы күннен бастап күз келгенде жапырақтар тек қана жақсылық үшін үзілсе екен деп тілеймін.

Бастауыш сынып мұғалімі

Өмірзақова Махаббат Мұхтарқызы