Ұзын -қысқа (ұйымдастырылған оқу қызметі)

№14 «Айбөбек» бөбекжай-бақшасының тәрбиешісі: Джаманбаева Динара Сериковна

Талдықорған қаласы

Тақырыбы : «Ұзын-қысқа»

Мақсаты: «Ұзын-қысқа» ұғымдарымен таныстыру, беттестіру бетіне қою әдісі арқылы ұзындықты салыстыруды үйрету, сондай-ақ заттармен тәжірибелік әрекет барысында ұзындық туралы білімді қолдана білуге үйрету,қашықтықтан заттарды ұзындықтары бойынша салыстыруды, көз мөлшерді дамыту, саусақтың ұсақ бұлшықеттерінің қозғалысын жетілдіру. Ұқыптылыққа тәрбиелеу.

Көрнекіліктер: үлестірмелі материалдар, әр түрлі суреттер ұзын-қысқаға байланысты.

Қажетті құрал-жабдықтар: ұзындықты беттестіріп салыстыруға арналған жолақша жолдар, ұзыны-жасыл және қысқасы-көк, әр балаға әр түрлі ұзындықтағы ленталар, әр балаға жолдардың түсіндей үйдің суреті бейнеленген ә данадан карточкалар.

Әдіс-тәсілдер: көрсету,қайталау, сұрақ-жауап,ойын.

Сөздік-жұмыс: Ұзын,қысқа,үй-дом, жол-дорого.

Балалар, қараңдаршы, бізге бүгін қонақтар келіпті, кәне барлығымыз орнымыздан тұрып, ортаға шаттық шеңберіне шығайық.

Шаттық шеңбері: Күн болып жанайық,

Мөлдір су болып ашылайық,

Терең-терең демалып,

Бір тынығып алайық.

-Балалар, қазір жылдың қай мезгілі?

-Көктем мезгілі.

-Көктем мезгілінде қандай өзгерістер болады?

-Күн жылиды, құстар ұшып келеді, ағаштар бүршік жарады, гүлдер гүлдейді, адамдар жеңіл киінеді.

Тосын сәт: Есік қағылып, музыка әуенімен түлкі келеді, қолында қорапшасы болады.Түлкі балалармен амандасады.Сәлеметсіңдер ме, балалар?

Сәлеметсіз бе!

Түлкі: Балалар мен түлкімін! Мен сендерге құр қол келгенім жоқ.Мына қолымдағы қорапшаның ішінде, сендерге алып келген тапсырмаларым бар, сол тапсырмаларымды дұрыс орындасаңдар мен сендерге сыйлық беремін.

Тәрбиеші: Кәне, балалар,түлкінің тапсырмаларын орындамас бұрын қорапшаның ішіндегі бізге көрсетіп тұрған жолақшаның түстерін атайық.

-Қызыл,жасыл, сары.

- Барлығы қанша жолақша болды?

- Бір,екі, үш.Дұрыс айтасыңдар балалар!

Түлкі: Бірінші жолақшаның тапсырмасын көрейік. Барлығымыз теледидарға қарайықшы.

-Мынау кімдердің суреті?

-Балалардың суреті.

-Мына суретте қай баланың бойы ұзын, қай баланың бойы қысқа?

-Кәне кім айтады?

-Ұзын бала

-Ал мына баланың бойы ше?

-Қысқа

Енді екінші жолақшаның тапсырмаларын қарайық?Балалар мына суретке назар аударайықшы.Мынау нелер?

-Қоян кірпі.

-Қоянның неше құлағы бар?

-Қоянның екі құлағы бар?

-Ал кірпінің неше құлағы бар?

-Кірпіде екі құлақ бар.

-Кірпінің құлағы ұзын ба, әлде қоянның құлағы ұзын ба?

-Қоянның құлағы ұзын.

Дұрыс айтасыңдар, балалар қоянның құлағы ұзын екен.Жарайсыңдар, балалар.

-Балалар шаршап қалған шығарсыңдар, кәне орнымыздан тұрып бір сергіп алайық:

Орнымыздан тұрамыз,

Қолды белге қоямыз.

Бұрыламыз оңға бір,

Бұрыламыз солға бір.

Біздер тату боламыз,

Гүл-гүл жайнап жанамыз.

-Жарайсыңдар, енді орнымызға отырып үшінші жолақшаны көрейік.Бұл жолақшаның ішінде түлкі сендерге ойын дайындапты.

Ойын: «Кім жылдам»

Қорытындылау: Балаларды мадақтап, оларға жұлдызша таратылып берілді.