Вариатив сағаттардың берілу жағдайы туралы анықтама

... жалпы орта білім беру мектебінің 202...-202... оқу жылының мектепішілік бақылау жоспарына сәйкес наурыз айында вариатив сағаттардың жүргізілу сапасы бақыланды.

2022-2023 оқу жылында «Қазақстан Республикасында бастауыш, негізгі орта, жалпы орта білім берудің үлгілік оқу жоспарларын бекіту туралы» (ҚР МП 2012 жылғы 8 қарашадағы № 500 бұйрығы (1-4 сыныптар да1,2,5-қосымшалар; 5-9 сыныптарда 6,7,10-қосымшалар; 10-11 сыныптарда 58,86,88–қосымшалар (2022 жылдың қазан айынан бастап10-11 сыныптарда 86 және 88-қосымшалар Оқу-ағарту министрінің 2022 жылғы 30 қыркүйегіндегі №412 бұйрығымен жаңартылған) негізінде барлығы 38,5 сағат берілді. Үлгілік оқу жоспарының вариативтік компоненті есебінен бастауыш білім беру деңгейінің оқу пәндері бойынша жүргізілетін элективтік курс тақырыптары ӘНХ ұсынған тақырыптар сыныптағы оқушы қажеттіліктерін ескере отырып таңдалынд: 1-сынып «Тід дамыту», 2-сынып «Математика және логика», 3-сынып «Мәнерлеп оқу, 4-сынып «Математика күнделікті өмірде».

2022-2023 оқу жылында үлгілік оқу жоспарының вариативтік компонентіне 5-11 сыныптардағы «Жаһандық құзыреттер» курсы енгізілді. Жаһандық құзыреттер жаһанданудың қарқынмен дамып келе жатқан ықпалына, жедел әлеуметтік, экономикалық және технологиялық өзгерістерге, сондай-ақ адамдарға, мәдениет пен ұлттарға жаппай әсер ететін басқа да маңызды жаһандық мәселелерге байланысты ерекше мәнге ие болады. Курс жаһандық азаматтық құзыреттіліктеріне ие бәсекеге қабілетті тұлғаны, жергілікті және жаһандық проблемалардың өзара байланыстылығы мен өзара тәуелділігін түсінуді, мәдениетаралық өзара іс-қимыл мәселелерін, әртүрлі көзқарастар мен дүниетанымдарды сыни талдау мен бағалауды, бірегей білім мен идеяларды құру дағдыларын қалыптастыруға бағытталған.

«Жаһандық құзыреттер» курсын келесі педагогтер жүргізеді

10-11 сыныптарда элективті курстар функционалды сауаттылыққа бағытталған. соның ішінде 10 қазақ сыныбында «Оқу сауаттылығы» мен «Математикалық сауаттылық», 10,11 орыс сыныптарында «Математическая грамотность» таңдап алынды.

Вариативтік сағаттар мектептің 2022 жылдың 05 қыркүйегінде № 1-02/55.2 бұйрығымен бекітілген кесте негізінде мерзімінде жүргізіліп келеді. Жоспарға сәйкес Күнделік электронды жүйесінде тақырыптық жоспарлар да мерзімінде толтырылып жүр.

Басшының оқу ісі жөніндегі орынбасары