Қысқа мерзімді жоспарлар

Оқу сабағының жоспары №

Веб-беттерде мәліметтер қорымен байланыс

(сабақтың тақырыбы)

Модуль /пән атауы ЖББП 8 Информатика

Педагог ____________ дайындады

20_ жылғы "___" ____________

1. Жалпы мәліметтер

Курс, топ __________________

Сабақтың түрі практикалық

Өткізу формасы: жаңа білімді, дағдыларды бекіту сабағы

2. Мақсаты:

- Веб-беттер мен мәліметтер қоры арасындағы байланысты түсіндіру

- HTML және серверлік скрипт (PHP) арқылы деректер қорымен жұмыс жасауды көрсету

- Мәліметтер қорынан дерек алу, енгізу, өңдеу тәсілдерін үйрету

Міндеттері:

-PHP тілінде деректерді өңдеп, мәліметтер қорына жазу

-SQL сұранысы арқылы деректерді таңдау және шығару

-Веб-бет пен деректер қоры арасындағы байланысты көрсету арқылы практикалық жұмыс жасау

3. Күтілетін нәтижелер

-Веб-парақ пен деректер қорының байланысын түсіндіреді

-Қарапайым SQL сұраныс жазуды меңгереді

-Мәліметтер қорынан дерек алатын немесе енгізетін веб-парақ жасай алады

4. Қажетті ресурстар

Оқулық, компьютер, дәптер

5. Сабақтың барысы

1. Ұйымдастыру бөлімі (5 мин)

-амандасу

-аудитория дайындығын тексеру

-студенттерді түгендеу

2. Білімді бақылау (5 мин)

Сұрақтарға жауап беріңдер.

-SQL дегеніміз не?

-SELECT сұранысы не үшін қолданылады?

-Конструкторлық режим деген не?

-SQL-де мәліметтерді сұрыптау үшін қандай оператор қолданылады?

Білімді бағалау критерийлері:

-Негізгі ұғымдарды біледі
– Деректер құрылымы мен байланысын түсінеді
– Сұраныс түрлерін ажырата алады

3. Жаңасын баяндау әдісі. Веб-беттер – бұл интернетте қолданушыға ақпарат көрсететін HTML құжаттар. Қазіргі заманғы сайттар тек ақпарат көрсетіп қана қоймай, қолданушы енгізген деректермен де жұмыс істейді. Мұндай жағдайда веб-бет пен мәліметтер қорының өзара байланысы қажет болады.

Мәліметтер қоры (МҚ) – құрылымды түрде сақталған деректер жиыны. Ол қолданушылар туралы ақпаратты, тапсырыстарды, өнім тізімін, пікірлерді және тағы басқа мәліметтерді сақтауға мүмкіндік береді.

Веб-бет пен мәліметтер қоры көбінесе PHP және MySQL сияқты технологиялар арқылы біріктіріледі. HTML бетте қолданушы арнайы форма толтырады (мысалы, аты мен телефон нөмірі). Бұл мәлімет PHP скрипті арқылы серверге жіберіледі, ал сервер оны MySQL деректер қорына сақтайды немесе одан дерек алады.Мысалы, қолданушы енгізген деректерді экранға шығару үшін PHP скрипт MySQL-ден ақпарат алады да, оны HTML бетте көрсетеді. Осылайша веб-сайт пен мәліметтер қоры арасында нақты байланыс орнайды.

Бұл байланыс сайтты интерактивті және ыңғайлы етеді: пайдаланушылар тіркеле алады, тапсырыс жасай алады, деректерді көре алады. Яғни, веб-бет тек көрініс бермей, мәліметпен жұмыс істей бастайды.

Топқа бөлу:

1-топ – HTML құрылымшылары

2-топ – PHP бағдарламалаушылар

3-топ – SQL шеберлері

Білімді бағалау критерийлері:

-Жүйелі жұмыс жасайды
– Компоненттер арасындағы байланысты көрсетеді
– Кодтың дұрыстығын түсіндіреді

5.Материалды бекіту Жеке жұмыс. Деңгейленген есептер шығару (15 мин)

1-деңгей (жеңіл):
HTML форма құрып, келесі өрістерді қос:
– Аты-жөні, email, пікір
– Submit батырмасын орнатып, форма көрінісін дайында

2-деңгей (орташа):
PHP скрипті жазыңыз, ол формадан келіп түскен мәліметті MySQL кестесіне жазады
– mysqli_connect, INSERT INTO қолдану

3-деңгей (күрделі):
Пайдаланушы енгізген мәліметтерді кестеден шығарып көрсететін бет жасаңыз
– SELECT * FROM
– HTML кесте түрінде шығару
– Мәліметтерді сұрыптау

Бағалау критерийлері:
– Форма мен код дұрыс құрылды
– Қосылу сәтті жүзеге асты
– Мәліметтер сақталып, көрсетілді

6. Сабақтың қорытындысын шығару Бағалау парағы бойынша (5 мин)

Рефлексия: «Көңіл-күй»

Студенттерге үш түсті белгілер беріледі.

Қызыл түс – «Мен тапсырманы орындай алмадым, көңіл-күйім жоқ»

Көк түс - «Көңіл-күйім жақсы, сыныптастарымның көмегімен тапсырманы орындадым.»

Жасыл түс – «Мен бәрін жақсы орындадым деп ойлаймын: менің көңіл–күйім тамаша.»

Сабақ соңында әр тапсырманың бағалау критериилері бойынша жалпы баллдық жүйемен бағалау

7. Үй тапсырмасы. (1 мин)

Веб-форма мен мәліметтер қорымен байланысты қарапайым жоба жасау

HTML + PHP + MySQL қолдану

Қосымша: SQL сұраныстарымен жұмыс істеуді қайталау