«Ветеринария саласындағы өзекті мәселелер» атты облыстық ғылыми-теориялық конференция

Конференция жұмысына колледж білім алушылары қатыса алады.

І.Жалпы ережелер

1. Конференцияға Қызылорда облысы мен көрші облыс аймағындағы (онлайн) техникалық және кәсіптік білім беру ұйымдарының білім алушылары арасында өткізіледі.

2. Мақсаты: секторын дамыту жағдайында ветеринария саласындағы неғұрлым талантты студенттерді анықтау, қолдау және тәжірибе алмасу.

Міндеттері:

• Білім алушылардың кәсіби құзіреттіліктерін жетілдіруге ынталандыру;

• Білім алушылардың кәсіби әлеуетін ашу және оқыту мен тәрбиелеудің жаңа нысандарын, әдістерін немесе инновациялық идеяларды қалыптастыру;

Өткізілетін уақыты: 2024 жылдың 29қараша, сағат 15⁰⁰

Өткізілетін орны: И.Әбдікәрімов атындағы Қызылорда аграрлық техникалық жоғары колледжі. Мәжіліс залы

Өткізілу форматы: офлайн және онлайн.

Конференция аясында төмендегі секция жұмыс жасайды:

Секция 1. Ветеринария ғылымдарының өзекті мәселелері;

Конференцияның жұмыс тілдері: қазақ, орыс.

Ғылыми теориялық облыстық конференцияға қатысу тәртібі.

Конференцияға қатысушылар бес беттен аспайтын баяндама (2 қосымша) және өтінімдері (1 қосымша) қоса берілген файлдарын 2024 жылдың 27қарашаға дейін электронды мекен жайына жолдауы тиіс. Хаттың тақырыбы: Конференция-колледж атауы, қатысушының тегі. Хатта екі файл болуы тиіс: бірінші файлдың атауы (мысалы) – «И.Әбдікәрімов атындағы ҚАТЖК. Өтінім. Арыстан М.», екінші файл – «И.Әбдікәрімов атындағы ҚАТЖК. Баяндама. Арыстан М.».

Баяндамаларды бағалау үшін сарапшылар құрылады.

Сөз сөйлеу регламенті 5-7 минут.

Қатысушының баяндамасы PowerPoint презентациясымен сүйемелденуі тиіс.

Конференцияның жұмыс тілдері - қазақ, орыс.

Жұмыстарды бағалау критерийлері:

- зерттеудің өзектілігін негіздеу,

- материалды баяндаудың қисындылығы мен мазмұндылығы,

- өз көзқарастары мен тұжырымдарының болуы,

- сөз сөйлеу регламентін сақтау,

- материалды бейнелеудің көрнекілігі,

- материалды меңгеру дәрежесі.

Қорытынды, қатысушыларды марапаттау.

Үздік еңбектер дипломдар және алғыс хаттармен марапатталады. Студенттер арасындағы ғылыми-теориялық конференцияның барлық қатысушыларға марапат беріледі. Марапатта студенттің тегі, аты, сонымен қатар жетекшінің тегі, аты-жөні көрсетіледі.

Ұйымдастыру комитетінің мекен-жайы:

«И.Әбдікәрімов атындағы Қызылорда аграрлық техникалық жоғары колледжі» Қызылорда қаласы, Жахаев 8.

Байланыс телефоны:

Қосымша №1

Ғылыми теориялық облыстық конференцияға

қатысу өтінімі

Қосымша №2

Баяндаманы ресімдеуге қойылатын талаптар

Шығарманың тақырыбы –ортада, жуан. Келесі жолда автор(лар)ының аты-жөні, курс, оқу орнының атауы, ортасына туралау. Келесі жолда жетекшінің тегі, аты, әкесінің аты, лауазымы, ортасына туралау (үлгіні қараңыз). Бір аралықтан кейін.

Word форматы, Times New Roman шрифті, 14 кегль, жоларалық интервал 1, жиектері - 20 мм. Мәтін ені бойынша дефиссіз пішімделуі керек, абзац басындағы бос жер - 1,25. Көлемі – бес бетке дейін. Пайдаланған ақпарат көздерінің тізімі қажет.