Виет теоремасына есептер шығару

Сынып: 8

Пән: алгебра.

Сабақ тақырыбы: Виет теоремасы тақырыбына есептер шығару.

Сабақтың типі: бекіту сабағы.

Сабақтың мақсаты: Виет теоремасын пайдаланып, келтірілген

квадрат теңдеудің түбірлерін табуға және Виет теоремасына кері теореманы пайдаланып, квадрат теңдеу құруға үйрету.

Дамытушылық мақсаты: 1. Алған білімдерін әртүрлі жағдайда қолдана білуге дағдыландыру.

2. Белсенділігін көтеруге, ойлау қабілетін  арттыруға, өз ойын жүйелеуге, тез шешім қабылдауға ұқсастықты, қарама-қайшылықты байқауға дағдыландыру.

Тәрбиелік мақсаты: Оқушылардың білімге деген қызығушылығын  арттыру. Ұжым намысын қорғай білетін, шығармашылық қабілеті дамыған тұлға тәрбиелеу.

Көрнекілігі: 1. Квадрат теңдеулердің түбірлерін табу формулалары.

2. Әр түрлі деңгейлік тапсырмалар жазылған үлестірмелер.

3. «Сөре және мәре» ойынынан керекті анықтамалар, формулалар.

4. Плакаттар.

Сабақтың барысы:

І. Ұйымдастыру.

Сыныпты 4-4-тен топқа бөлемін. Топ басшысы сайланады. Бағалау парағы таратылып беріледі.

І кезең: «Қызығушылықты ояту»

Крассворд шешеді.

Тапсырма: Егер дұрыс сөздерді тапса, онда француз математигінің фамилиясы шығады.

Сұрақтар:

1.     ах+вх+с=0, (a=0) теңдеуі қалай аталады? (квадрат)

2.     Квадрат теңдеудің түбірлерінің формуласындағы түбір астындағы өрнек? (дискриминант)

3.     Квадрат теңдеудегі а және в. (коэффициент)

4.     Квадрат теңдеудің дербес түрі? (толымсыз)

Тарихи дерек (математик Франсуа Виет) туралы айту.

ІІ. Өткен материалды еске түсіру.

формулалар мен анықтамалар қиылып таратылады, басы бір топқа, соңы екінші топқа беріледі. Олар құрастырып оқиды.

ІІІ. Мағынаны ажырату.

Оқушыларға әр деңгейдегі үлестірме таратылады.

1-ші жеке жұмыс.

2-ші жұптасады.

3-ші топтасады.

Тапсырмаларын бір-біріне түсіндіреді. (Әр топтан оқушылар есепті тақтада шығарады)

Тапсырма:

1.     Теңдеудің түбірлерінің қосындысы мен көбейтіндісін тап:

2x-2x-2=0;  3x+4x-6=0;   x+6x+8=0.

2.     Виет теоремасын пайдаланып теңдеудің түбірін тап:

x-x-6=0;     x-5x+6=0;    x+4x-12=0.

     3. Белгілі түбірлері бойынша квадрат теңдеу құрастыр:

         А) 1,5 және -2

         Б) -1 және 3

         В) 1 және 2

         Г) 0 және 5

     4. Теңдеуді шеш:

          а) 3(x-2)-x=2x

          б) 3x+3/2=1-x/4

          в) (x-3)=1

          г) (x-1)(x+2)+3x=10

IV.Кітаппен жұмыс.

      №154, 155, 156. №159

V.Сабақты бекіту.

1.     «Иә» немесе «Жоқ». «Кім дұрыс жауабын табады?»

Қатесін айтып дәлелдейді.

2.     Қандай жағдайда Виет теоремасы және оған кері теорема қолданылады?

VI.Үйге тапсырма: № 160, 162

VII.Бағалау.