Виртуалды әлемдегі қауіптен баланы қалай қорғаймыз?

​ Технология дамыған заманда мектеп қабырғасындағы дәстүрлі кикілжіңдер цифрлық кеңістікке — әлеуметтік желілер мен мессенджерлерге ауысты. Кибербуллинг — бұл интернет желісінде біреуді әдейі қорлау, қорқыту немесе беделіне нұқсан келтіру. Оның қауіптілігі сол, ол тәулік бойы жалғасуы мүмкін және аудиториясы өте кең. XXI - ғасыр «Технология» ғасры болғандықтан біз өз баламызға смартфон, ноутбуктарды қолдануға тиім салғаніміз әріне құрдастары арасында артқы қатарға тастағанымыз болады.

​Баланың кибербуллингке ұшырағанын қалай байқауға болады?

​ Балаңыз немесе оқушыңыз желідегі қысымнан зардап шегіп жүргенін мына белгілер арқылы білуге болады:

​Смартфон немесе ноутбук қолданғаннан кейін көңіл-күйінің күрт түсуі;

​Әлеуметтік желідегі аккаунттарын кенеттен өшіріп тастауы;

​Ұйқының бұзылуы, мазасыздық және мектепке барудан бас тарту;

​Жеке хабарламаларын жасырып, гаджеттерді тығып ұстауы.

​ Алдын алу шаралары: Мұғалім мен ата-анаға кеңес

​Кибербуллингтің алдын алу — бұл тек тыйым салу емес, баланы цифрлық мәдениетке үйрету.

​ Сенімді қарым-қатынас: Бала кез келген қиындықта сізге келіп айта алатындай жағдай жасаңыз. "Егер біреу тиіссе, телефоныңды тартып аламын" деп қорқыту — қате жол.

​ Жеке деректердің қауіпсіздігі: Оқушыларға құпия сөздерді ешкімге бермеуді, мекенжай мен телефон нөмірін ашық жарияламауды үйрету қажет.

​"Stop-Block-Tell" (Тоқта-Блокта-Айт) ережесі:

​Тоқта: Агрессорға жауап қайтармау, эмоцияға берілмеу.

​Блокта: Қорлаушыны бірден "қара тізімге" жіберу.

​Айт: Болған жағдайды ересектерге (ата-анаға немесе мұғалімге) міндетті түрде хабарлау.

​​ Мектептегі тәрбие сағаттарында кибербуллингтің құқықтық салдары туралы ақпарат беру маңызды. Оқушылар интернеттегі анонимдік — жазасыздық емес екенін түсінуі тиіс.

​ Маңызды: Егер кибербуллинг орын алса, барлық хабарламалар мен суреттердің скриншотын жасап сақтаңыз. Бұл болашақта дәлел ретінде қажет болуы мүмкін.

Дайындаган: Т.Нуров