Визуалды бағдарламалау. Delphi ортасы

Визуалды бағдарламалау. Delphi ортасы

Delphi ортасы - бағдарламашы жұмысының өте жоғары тиімділігін қамтамасыз ететін орта. Delphi тіліндегі қолданбалы бағдарламалар немесе қосымшалар IDE(Integrated Development Environment) - дамып отыратын құрылымдық ортада орындалады. Delphi - дің IDE ортасы көптерезелік жүйе деп саналады.

Delphi ортасын іске қосу үшін: Бастау - Барлық бағдарламалар - Borland Delphi – Delphi командаларын орындау қажет. Іске қосылғаннан кейін ортаның жұмысын басқаратын негізгі 5 терезе шығады.

1. Басты терезе(Project1);

2. Объектілер инспекторы терезесі(Object Inspector);

3. Пішіндер құрастырушысының терезесі(Form1);

4. Код редакторы терезесі(Unit1.pas);

5. Объектілер тізімін қарау терезесі(Object TreeView);

Код редакторы терезесі

    Басты терезе

Объектілер инспекторы терезесі

Объектілер тізімін қарау терезесі

Пішіндер құрастырушысының терезесі

Басты терезе

Басты терезе бағдарламаның жобасын құрудағы жұмыстарды басқарады және Delphi ортасы іске қосылып тұрғанда міндетті түрде экранның жоғары бөлігінде орналасады.

Бұл терезеде Delphi - дің басты меню жүйесі, пиктограммалық – командалық батырмалар мен компоненттер палитрасы орналасқан.

Меню жүйесі

Компоненттер палитрасы

Пиктограммалық – командалық батырмалар

Объектілер инспекторы терезесі

Объектілер инспекторы терезесі екі бүктемеден тұрады:

Properties(қасиеттер) және Events(оқиғалар)

Қасиеттер

Оқиғалар

Қасиеттер қарапайым және күрделі болып бөлінеді: батырмасын басқанда қарапайым қасиеттің мүмкін болатын мәндерінің тізімі ашылады. батырмасын басу, ондағы көрсетілген қасиеттің мәнін активті жасайды, бұдан жолдың оң жақ шетінде (...) үш нүкте батырмасы пайда балады.Үш нүкте (...) батырмасын белгілеу күрделі қасиеттің мәнін тағайындайтын сұқбат терезесін экранға шығарады. Компоненттің күрделі қасиеттер құрамына бірнеше мәндер тізімі кіреді

Объектілер инспекторы терезесінің жоғарғы жағында пішінның атауы және пішінде орналасқан барлық компоненттердің ашылатын тізімі орналасады.

Пішіндер(форма) құрастырушысының терезесі

Пішіндер құрастырушысының немесе пішін терезесі - болашақ бағдарламаның Windows ортасындағы жобасы. Басында бұл терезе бос болады. Әдетте, терезенің жұмыс алаңы нүктелік координаталық тормен толтырылған, ол пішіндегі компоненттердің орналасуын реттеу қызметін атқарады.

Код редакторы терезесі

Код редакторы терезесі бағдарлама мәтінін құруға және оны түзетуге арналған.

Delphi іске қосылғанда бағдарлама кодының терезесі Windows ортасының бос терезесінің бастапқы кодынан тұрады. Жаңа пішінның кодына Delphi ортасы бұл қатарларды автоматты түрде қояды. Жобаны құру барысында осы кодқа қажетті өзгерістер енгізіледі.

Объектілер тізімін қарау терезесі

Объектілер тізімін қарау терезесі белсенді пішінде орналасқан жекелеген компоненттер арасындағы байланысты көрнекі кескіндеуге арналған. Бұл терезедегі кез келген компонентті шерткенде, пішін терезесіндегі сәйкес компонентті белсенді етеді және Объектілер инспекторы терезесінде бұл компоненттің қасиеттерін көрсетеді.