внеклассное мероприятие

Жеңіс! Иілмеген ақ бастар

Иілсін сенің алдыңда

Жеңіс! Бүгілмеген тізелер

Бүгілсін сенің алдыңда

Жеңіс! Иемін, иеміз басты

Төгеміз ағылған өкініш, жасты

Сен Жеңіс! 70 – те алыпсын

Жеңімпаз ержүрек халықсың.

Ол соғыстан қайтқан жоқ

Жүр ғой әлі қанды майдан жорықта,

Қарсы тұрып, зомбылыққа зорлыққа,

Жау келер деп сарбаз барда қорықпа.

Жарқын мейрам – Ұлы Жеңіс жылдағы

Оралмаған жауынгерсіз толық па?!

Ол соғыстан қайтқан жоқ.

Ерліктері сақталады ел есінде.

Көз жасыңды төгесің сен несіне?

Қыршын кетті дегенге сенесің бе ?!

Аңыз болып ақиық жырға айналды,

Жүзіп жүр ғой тарихтың кемесінде.

Ол соғыстан қайтқан жоқ.

Түскен де емес жау қолына, тұтқынға,

Сұм соғыс – ау, талай жанды жұттың ба?

Содан көрген пайдаң бар ма, ұттың ба?

Ер тұлғасы ескерткіш боп сомдалып,

Қалқанына айналды елдің, ұқтың ба!

Ол соғыстан қайтқан жоқ.

Ел бейбітін қарумен тұр күзетіп,

Тапжылмайды қыс та келсе, күз өтіп

Аяз қарып, аяғынан сыз өтіп,

Ұрпақтарын ұлылыққа жетелеп,

Мәңгі тұрар тыныштықты күзетіп.

Ол соғыстан қайтқан жоқ.

Беймәлім емес есімі, белгісі.

Жеріміздің жазиралы кеңдігі,

Еліміздің егеменді, теңдігі

Келмес те еді Жеңіс туын қадаған,

Болмаса егер сол сарбаздың ерлігі.

Ерлерді ұмытса ел, сел ұмытпас,

Ерлерді ұмытса ел, жел ұмытпас

Ел үшін жанын қиып, жауды қуған

Ерлерді ұмытса ел, шөл ұмытпас.

Ерлерді ұмытса ел, бел ұмытпас

Ел үшін төккен ерлер қанын жұтқан,

Ерлерді ұмытса ел, жер ұмытпас

Арқаның селі, желі, көлі, белі

Ерлерді ұмытпаса, ел де ұмытпас!