Волейбол сыры

Волейбол^[1](ағылш. volleyball, volley — «қалқып ұру», ball — «доп») ) — спорт түрі, нақтырақ айтқанда, командалық спорт түрі. Мұнда 2 команда тордың екі жағына бөлініп тұрып, әр команда өздеріне тиесілі арнайы алаңда ойнайды. Ойынның мақсаты - волейбол добын команда өкілдері өздерінің алаңдарына түсіріп алмау керек, керісінше, қарсылас команданың белгіленген алаңына түсіріп, ұпай алу қажет. Егер команда өкілдерінің біреуіне доп тиіп, ол доп аутқа кететін болса, қарсылас командаға ұпай еншіленеді. Сондықтан қарсыласты қателестіру арқылы ұпай алуға болады. Доп белгілі бір команданың алаңында болған кезде, ол командадан тек үш ойыншы ғана допты келесі жаққа асыруға көмек ете алады, яғни, үш реттен артық допқа қол тигізуге болмайды (блок қойған жағдайда ғана төртінші рет допты алаңда ұстауға болады).

Волейболдың ережелерін бекітіп, басқа да волейболға қатысты маңызды істермен айналысатын басты кеңес - Халықаралық волейбол федерациясы, FIVB (ағыл.).

Волейбол - комбинациялық спорт түрі. Волейбол алаңында әрбір спортшы маңызды рөл атқарады. Волейбол ойыншысы биіктікке секіру қабілеті жоғары, реакциясы мықты, командаластарымен еркін түсінесетін, физикалық мүмкіндіктерін соққы жасау кезінде орынды пайдаланатын ойыншы болғаны жөн.

Волейбол ойнаушы адамдардың бұл ойынды ұнатуының басты себептері: салауатты өмір салтын ұстану, ережелерінің оңай болуы және волейбол ойнау үшін көп құралдың қажет болмауы.

Волейболдың бірнеше түрі бар: жағажай волейболы, мини-волейбол, пионербол, саябақтағы (парктегі) волейбол (1998 жылы Токиодағы FIVB кеңесінде бекітілген). Қазақстандағы волейбол

Қазақстанда волейбол 1920–1930 жылдары белсенді түрде таныла бастады, алғашқы волейбол командалары мен шағын жарыстар осы кезеңде қалыптасты. Жекелеген деректерде Қазақстан бойынша алғашқы жарыстың 1926 жылы Қызылорда қаласында өткені айтылады, ал 1928 жылы елде бірінші волейбол клубтарының пайда болғаны белгіленеді.^[2]

КСРО кезеңінде Қазақстан волейболы 20 ғасырдың 60-жылдарында үлкен серпін алды, Октябрь Жарылғапов секілді жаттықтырушылардың құрған «Буревестник» ерлер командасы КСРО чемпионатында және Еуропа чемпиондары кубогында жүлделі нәтижелерге жетті. 1968 жылғы Мексикадағы Олимпия ойындарында КСРО командасы құрамында қазақстандық спортшылар (мысалы, Валерий Кравченко, Олег Антропов, Надежда Смолеева) бронза медалін жеңіп алды, ал 1988 жылы Сеулдағы олимпиадада әйелдер құрамасында Қазақстанды өкілі түрінде қатысқан Ольга Кривошеева , Елена Чебукина, Татьяна Меньшова сияқты волейболшылар басым нәтижелерге жетті.^[3]

Қазіргі кезеңдегі дамуы

Қазақстанда волейболға қызығушылық жоғары деңгейде: көптеген спорт мектептері мен секциялар балалар мен жасөспірімдерге бағытталған, ойын мектепте де, қосымша білім орындарында да ынталы түрде өткізіледі.^[4] Ерлер мен әйелдер арасындағы Ұлттық лига жыл сайын ұйымдастырылып, клубтық жүйені күшейтуге жәрдемдеседі, бұл қазақстандық спортшылар үшін халықаралық турнирлерге дайындалу мүмкіндігін жасайды.^[