«Волонтер болу деген нені білдіреді? Волонтер болу үшін не істеу керек?»

Шағын әңгіме «Волонтер болу деген нені білдіреді? Волонтер болу үшін не істеу керек?»

Ерікті ( волонтер) - латынның "voluntarius" сөзінен шыққан, адамның өз еркімен, өзінің есебі арқылы қоғамдық жұмыстарға белсенді араласушы деген сөз.

Қоғамда волонтерлердің орны ерекше. Өйткені еріктілер жасаған көмектеріне, жақсылықтарына ақы алмайды. Керісінше, егде жастағы адамдарға, мұқтаж жандарға қол ұшын береді. Бір сөзбен айтқанда "еріктілер " адамгершіліктің туын көтерген белсенді топ. Сонымен, қазіргі уақытта еріктіліктің де өзіндік бағыттары бар: әлеуметтік, мәдени, спорттық, экологиялық, корпоративті, қайырымдылық. Қазіргі еріктілер физикалық, моральдық жағынан ғана емес, қаржылық жағынан да көмектесуге тырысады. Әрине, еріктілер үйді тазартуда, таңғы ас, түскі ас немесе кешкі ас дайындауда көмектеседі.

Волонтерлардың шығу тарихына келетін болсақ: тарихқа дейінгі кезеңде қоғамда ауылдық жерлерде өмір сүру үшін адамдар бірлесіп өнім жинаған, үй, жол жөндеген. Бұл қозғалыс Еуропада бірінші дүниежүзілік соғыстан кейін алғаш рет пайда болды. КСРО-да пионер ұйымдары мен комсомол еріктіліктің дамуымен айналысқан. Осылайша, әлемнің түкпірінен пайда бола басталды. Ал біздің Қазақстанда Тәуелсіздік алғаннан кейін, дамыды. Соңғы жылдары көптеген еріктілер ұйымдар құрыла басталды. Жалпы Қазақстанда көптеген еріктілер ұйымдары бар. Солардың ішінде Батыс Қазақстан облысы бойынша, мысалы Волонтерларды қолдау орталығы, "Батыс Қамқор", "Клуб 28 петель","Самғау" тобы және т.б. Сонымен қатар оқушыларға мектеп жанынан құрылған еріктілер ұжымы бар. Мысалы айтатын болсам, өзім оқыған мектебім де "Жас ұлан "атты еріктілер ұжымы бар.

Ерікті болу сізге не береді? деген сұраққа менің жауабым : үлкен тәжірибе жинау, жаңа адамдармен таныстық, өзіңді дамытасың, қосымша біліміңді кеңейтесің, мысалы болашақ "әлеуметтік жұмыс" мамандығым бойынша тәжірибе жинақтаймын және адамдардың сізге деген алғысы.

Ерікті болу үшін не істеу керек? Ең әуелі өзіңіздің ішкі қалауыңыз бойынша, шын көмектесемін деген ниет. Қазіргі таңда ерікті болам деген адамға мүмкіндік бар. Батыс Қазақстан облысы бойынша volunteer07.kz сайт бар. Ол сайттың ішінде "стань волонтером" деген тетікті басып, оның ішінде өзіңіздің жеке мәліметтерді тіркеп жазасыз. Сонымен қатар еріктінің көмегі қажет болған жағдайда осы сайтқа жүгіне аласыз.