Уалиева Айжан Кумаровна

Тақырыбы: Жіптік курс

Мақсаты : Қызмет алушылар арасындағы қарым – қатынастарын нығайту, жағымсыз көңіл күйлерінен арылту. Күш қуат жинату, өзін еркін сезінуге көмектесу, өзара түсіністік дағдыларын қалыптастыру, топпен жұмыс барысында мейірімділік атмосферасын орнату.

Жаттығу барысы: бұл тренинг ұжымды командамен жұмыс істей білуге, топ арасынан көшбасшыны анықтауға мүмкіндік береді. Әрбір жаттығу қатысушылардың қиындықтардан қандай шешім табатынын,тапқырлығын сынап көру үшін жасалған. Жаттығудың қорытындысында қатысушы ойын барысында жасаған шешімін қарап, оның жақсы немесе бұрыс жақтарын өлшеп, болашақта дұрыс шешім қабылдауға көмектеседі , тиімді әсерлерге үйретеді. Қатысушыларға ең маңыздысы- ойын барысында ықыласпен жетістіктерін қолдау. Бұл сезім адамды жігерлендіреді , алдына қойған мақсаттарына жеткіздіреді. Бұл өте пайдалы және тиімді тренинг. Бұл тренингте сіздер жіптің көмегімен , қарындашты шырын бөтелкесіне салуларыныз қажет. Әр адамның қолында жіптің бір ұшы қалу керек. Топқа ойлануға уақыт беріледі. Жаттығу кезінде сөйлеуге тиым салынады. Егер қарындаш жерге түсіп кеткен жағыдайда қайта жалғастырады. Ойын жаттығуы аяқталғаннан кейін қатысушылар талдау жасап өз ойларын айтады.