"Ыбырай Алтынсарин - Ұлы ұстаз!"

Тобыл қаласы «мектеп-гимназиясы» КММ

Қазақ тілі мен әдебиеті пәнінің мұғалімі

Сомтемирова Шынар Тойкеновна

«Кел , балалар, оқылық,

Оқығанды көңілге,

Ықыласпен тоқылық.

Ы.Алтынсарин

«Ыбырай Алтынсарин – Ұлы ұстаз!»

Ыбырай Алтынсарин қазақ халқының аса көрнекті ағартушы-педагогы, жазушы, этнограф, фольклоршы, қоғам қайраткері.

Ұлы даланың тұңғыш ұстазы жасаған еңбектері мен мәдение мұрасын таныстыру үшін Ыбырай Алтынсариннің мұражайы «Айналайын» шағын орталығының балаларына onlin режимде көрсетілді.

Елімізде жыл сайын «Алтынсарин оқулары» өткізіліп жүр. Біздің мектептен қатысқан ең кіші оқушымыз - шағын орталықтың тәрбиеленушісі.

Халқымызда «Тәрбие – тал бесіктен» деген әдемі мақал бар. Мөлдір бұлақтай бүлдіршіндер көзбен көргендерін көңілге түйіп , рухани тәрбие алсын деген мақсатпен Ы. Алтынсариннің шығармаларына негізделген , «Алтынсарин әлемі» атты көрме ұсынылды.

Қазақ балалар әдебиетінің атасы Ыбырай Алтынсариннің шығармалары мектеп бағдарламасы бойынша барлық сыныптарда бар. Ұлы ұстаздың балаларға арнап жазған «Бір уыс мақта» , «Таза бұлақ» «Асан мен Үсен», «Әке мен бала» , «Асыл шөп» тағы басқа әңгімелер мен өлеңдерін оқып өскен жеткіншек ұрпақ адал еңбек жасау, қамқорлық , жақсылық жасау , табиғатты қорғау сипатындағы адамгершілік қасиеттерді бойына молынан жинап өседі деген үмітіміз бар.

«Ақыл жастан, асыл тастан» деген даналық сөз - баланы жас кезден дұрыс бағыттау, Отанға және ата-анасына қайырымды , мейірімді болуға рухани тәрбие бере білуге шақырады. Ақылды жас болуы үшін ақылды орта болуы маңызды. Бүгінгі жас – Тәуелсіз еліміздің ертеңгі жарқын болашағы.