Ыбырай –даланың дара ұстазы,дана ұстазы.

Сабақтың тақырыбы : Ыбырай –даланың дара ұстазы,дана ұстазы.

Сабақтың мақсаты

1)Ыбырай шығармалары арқылы оқушылардың бойына адамгершілік қасиеттерді сіңіру.

2)Оқушылардың ғылыми көзқарасын арттыру.

3)Оқушылардың пікіріне сыйластықпен қарау.

Сабақтың көрнекілігі :Суреттер, бүктеме қағаздар.

Сабақтың түрі : Сайыс сабақ

Жүргізуші:Құрметті ұстаздар мен оқушылар бүгінгі «Ыбырай-даланың дара ұстазы,дана ұстазы» атты сайысымызды ашуға рұқсат етіңіздер.

Жүргізуші :

Бүгінгі сайысымызға қатысушы «Жас қанат»және «Қыран»топтарының басшыларын ортаға шақырайық.

Жүргізуші: Әділдікпен баға берер бұл сайысқа,

Әділдікпен қара қылды жаруға.

Әділқазы алқаларын сайлайық,

Жеңген топты таңдап бүгін алуға.

Жүргізуші: Алдымен екі топтың білімін, шешендік шеберлігін байқап баға беруші әділқазылар алқасымен таныс болыңыздар.

1.Ақбаева Айсұлу

2.Джаналиева Малика

3.Құлмырзаева Клара

Жүргізуші: Ал, ендеше сайысымыздың шарттарымен таныс болыңыздар.

1.Таныстыру.Сайысқа қатысудағы мақсаты.

2.Ақынның өлеңдерін мәнерлеп жатқа айту.

3.Еңбекпен табылған дәм тәтті»деп аталады.Ақынның әнгімелерінен көрініс көрсетеді.

4Біле білген білімді» деп аталады.Сұрақ-жауап.

5.Бүктеме сайыс.

Жүргізуші: Ал,ендеше сайысымызды бастайық.Қай топ бірінші бастайтынын анықтап алу үшін жеребе тастаймыз.

Жүргізуші: Құлақтан кіріп бойды алар,

Жақсы ән мен тәтті күй.

Көңілге түрлі ой салар,

Әнді сүйсең менше сүй.

Жүргізуші: Кезекті әнге берейік

Жүргізуші :Ыбырай Алтынсарин –бар саналы ғұмырын туған халқын өнер білімді,жаңа заманның өркениетті, мәдениетті елдерініңқатарына қосу жолына арнаған көрнекті тұлға.

Жүргізуші : Ал ендігі кезекті таныстыруға берейік.

Жүргізуші: Түн жарықта ұйқымды ашатұғын

Сүйкімдісің бишілер, сүйкімдісің

Ән шығарып тамаша жыр жаздырған

Бәлкім сенің болар-ау сиқыр күшің.

Жүргізуші : Қазақ биі.

Жүргізуші: Оқысаңдар, балалар

Шамнан шырақ жағылар.

Тілегеннің алдынан

Іздемей-ақ табылар.

Жүргізуші:Ақын бір жағынан жастарды оқу-білімге үндесе,екіншіден өмірдің бар қызығы байлықта деп ойлайтын надандарға тиістіріп жазады.

Ал, ендігі кезекте ақынның өлеңдерін мәнерлеп жатқа айту.

Жүргізуші: Аса тұрып ғажайып келбетіңе

Аққудайын асасың келбетіңе

Ақ сүтінен ананың айналайын

Сендей баланы әкелген жер бетіне

Жүргізуші: «Желсіз түнде жарық ай» әнін тарту етеміз.

Жүргізуші: Еңбекті сүю және қадірлеу-Ыбырай әңгімелерінің негізгі тақырыбы.Оны жазушышағын әңгімелерде үгіт,өсиеттүрінде берсе,кей шығармаларында халықтың қоғамдық санасын тәрбиелейтін реалистік суреттер арқылы бейнелейді

Жүргізуші: Кезекті көрініске берейік.

Жүргізуші: Бишілер әдемі ғой ,әдемі

Әдемілік әсемдіктің әлемі

Көрерменге дос жаранға қуаныш

Мың бұралған бишілердің селемі

Жүргізуші : Алдарыңызда «Қазақ биі»

Жүргізуші: Біле білген білімді зерек дейміз,

Білімімен ел- жұрттан ерек дейміз.

Елге қызмет ететін оқушылар,

Оқу оқып,білім қуған керек дейміз.

Жүргізуші: Ал, ендігі кезек «Біле білген білімді»деп аталады.

Өнер-білім бәрі де,

Оқуменен табылар,-деп ендігі кезекті бүктеме сайысқа берейік.

Жүргізуші:

Мен өлеңге сыйғыза алам Ыбырайды,

Жыр құдайы жоғарыдан қарайды.

Көлеңкелі кеудесіне қазақтың,

Шымырлаған шуақ болып тарайды.

Өлең- жырдың көктеткен боз тақырын,

Анық басып, жүрдің байқап ақырын.

Қазақ бүгін көтереді көгіне

Халық үшін қан жылаған ақынның.

Жүргізуші: Құрметті бүгінгі кештің қонақтары ақиық ақын Ырырайға арналған сайысымызды аяқтаймыз.Көңіл қойып тыңдағандарыңызға көп рахмет.