«Ынтымақты отбасы»сайысы

«Ынтымақты отбасы»сайысы

Мақсаты:Ата-аналар мен балаларды сайысқа қатыстыра отырып,олардың халық ауыз әдебиеті,салт-дәстүрі туралы білімдерін байқау.Ән-би,қолөнер тәрізді халықтық өнерден танымын анықтау.

Сайыстың барысы:

Жүргізуші:Атамыз қазақ: «Бала-адамның бауыр еті», «Балалы үй-базар»дейді.Өйткені бала өмірдің жалғасы,отбасының жеміс берер гүлі.Отбасы-бұл қоғамның негізгі.Болашақ баланың жақсы азамат болып өсуі,жан-жақты тәрбиелі болуы отбасында берілетін ұлттық тәрбиеге тікелей байланысты.

Құрметті ата-аналар,ұстаздар мен балдырғандар !

Бүгін біздің сыныпта  «Ынтымақты отбасы»сайысы өткізілгелі отыр.Бұл сайысқа 3 отбасы қатысады.

 Сайысымызды бастамас бұрын сіздерді әділ қазылар алқасымен таныстырып өтейін/аты-жөндері аталды/.

 Ал енді, сайысымыздың шартына тоқталайық. «Ынтымақты отбасы»сайысы 5 бөлімнен тұрады.

1.Сұрақтарға жауап беру,яғни жан-жақты білім деңгейін және сөйлеу мәдениеті мен ұлттық тәрбиені меңгеруді байқау.

2.                «Күштілер,ептілер,батылдар»сайысы.

а/ Күш сынасу. «Арқан тартыс».

   ә/Мергендікті сынау. «Асық ату»

б/Әкелер үшін, «Қолкүрес»

3.Өнерпаздар сайысы.

Ән айту,ертегіні кейіптендіру,би билеу,жарнама көрсету.т.б.

Әрбір отбасы мүшесі өз өнерін көрсетуі керек.

4.Қолөнер сайысы.

а/Анасы ою ояды,қызы көмекші болады.

ә/әкесі қамшы өреді,баласы көмекші болады.

5.Ас дайындау.

Белгі берілгенде анасы алыста үстелде тұрған көкөністі тез қапшыққа салып алып келеді,әрі қапшықтағы көкөністібір-бірлеп алып турайды, баласы ыдыстарды дайындап,әдемілеп салады,анасы дәм-тұзын келістіріп,баласы қазыларға алып барады.

Әр топтаң басшысы қалаған сұраын алсын.Сұраққа бірігіп жауап беруге болады.

1-тапсырма

1.Қазақтың қандай ұлттық ойындарын білесіз?тәрбиелік мәніне тоқталыңыз.

2.Құрт қалай жасалады?

3.Жатқа бір жыр айтып беріңіз.Бесік жыры,тұсау кесу,төрт түлік,т.б.

2-тапсырма

 1.Қазақ халқы ертегілерін атаңыз/кемінде 3/.

  2.Мақал-мәтел айтыңыз.

  3.Балаңызды қаншалықты жақсы көретініңізді балаңызға айтып көріңіз.

3-тапсырма

1.Қандай ырымдар мен тыйымдарды білесіз?

2.Киіз үй жиһаздарын атаңыз.

3.Бос қағаз тарыса ұпай алады.

4-тапсырма

 1.Зергерлік бұйымдарды атаңыз.

 2.Бірнеше жұмбақ айтып беріңіз.

Сайыстың қалған бөлімдері де алдын ала дайындық бойынша өтті.Сайыс соңында әділ қазылар алқасы қортынды шығарады.Жеңімпаз отбасына сыйлықтар тапсырылды.