Ықпалдастыру сабағы "Өмір ағашы - Бәйтерек"

Сабақтың мақсаты: Табиғат пен адам үшін ағаштың атқаратынын түсіндіре отырып, қиянат жасамау құндылығынын мәнін ашу.

Сабақтың міндеттері:

1.Өмір ағашы – Бәйтерек жайлы түсінік беру.

2.Оқушылардың шығармашылық қабілеттерін дамыту.

3.Табиғатқа жауапкершілікпен қарауға, ешқашан зиян шектірмеуге, қамқорлық көрсете білуге тәрбиелеу.

Ресурстар: (кітап, дәптер, үнтаспа, бейнебаяндар)

Сабақтың барысы:

Сыртқы интеграция (Өзін-өзі тану сабағының әдістемелік тәсілдерін қолдану)

1Ұйымдастыру кезеңі: 5 Т (тәртіп, талап, тыныштық, тазалық, татулық

Тыныштық сәті №2 Демалу жаттығулары

Мұғалім тыныштық сәтін тыныс алу жаттағуынан бастайды.

• Сіздерден аяқ –қолыңызды айқастырмай, түзу отыруыңызды өтінемін. Қазір біз тыныс алу жаттығуын жасаймыз. Тыныс алуға зейін қойған кезде, біздің ақылымыз демалады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Қане, дайындалайық, балалар. Арқамызды тіктейміз..., қолдарыңызды тізеге қоюға болады.

Адамның жай күйінде дем алғанын көрсетіп көрейік: Дем аламыз, дем шығарамыз (4 рет);

Дәйексөз «Ағаш – өмір тынысы»

Сұрақтар:

-Дәйексөздің мағынсын қалай түсінесіңдер

Ішкі нтеграция (жалпыадамзаттық құндылықтарды сабақ мазмұнына интеграциялау)

Оқиғаны әңгімелеу

Бәйтерек жайлы аңыз

Бәйтерек — үш әлемді байланыстырушы дәнекер ретінде әспеттелінеді. Орта дүниені — адам, жоғарғы дүниені — қарақұс, төменгі дүниені — жылан-айдаһар көрсетеді. Қазақ ертегілерде кейіпкер жерасты әлеміне тап болады және ұзаққа созылған сапар кезінде үлкен ағашқа жолығады, ол жерде ағашқа өрмелеп бара жатқан жыланды өлтіріп, Самұрықтың балапандарын айдаһардан құтқарып қалады. Осы ерлігі үшін Алып Қарақұс кейіпкерді жер бетіне алып шығады.

Ертегіде Самұрық кұсы осылайша мінезделінеді. Кейіпкер жыланды өлтірген соң Байтеректің түбіне демалып отырады. «Сол кезде күнбатыс жақтан бір қара бұлт шығыпты. Қатты дауыл жерді шаңдатты.

– Бұл не? – деп сұрады (Жарты – Төстік)? Сонда екі балапан айтты:

- Бұл біздің анамыздың қанатының екпінді желі, — деді.

Күн нөсер жауын құйып – құйып жібереді.

- Бұл қалай? – дегенде, балапан айтты:

- Анамыздың көз жасы. Жылда-жылда бала тапсам да, бірі ілеспей койды деп жылағаны – деді. Құс ашылып қар жауды, жапалақ – жапалақ.

- Бұл не – деді.

– Анамыздың қуанып, қарқ-қарқ күлгені, — деді.

Құскеліп ағаш басына қонғанда, үйдін жуандығындай ағаш иіліп жерге тиді дейді». Бұл теректің басы аспанмен, түп тамыры жер астымен жалғасқан. Ол көзге көрінбейтін киелі ағаш. Бәйтерек мазмұны бірде зәүлім ағашы көзге елестетсе, екіншісінде мықты, зор күшті үшіншісінде, ғарыш пен жер арасындағы тылсым байланысты бейнелейді. Сондай-ақ ол тіршілік иелеріне тірек, сүйеніш, қорған, пана деген, ұғымды да білдіреді.

Құндылық терегі

Шығармашылық жұмыс:

«Бәйтерек» сурет салу.

Видео «Бәйтерекке саяхат»

Ескерту

Мақалды 1 рет қыздар, 1 рет ұлдар қайталайды, сосын барлығы қайталап оқып шығып, дәптерлеріне жазып алады.

Үй тапсырмасын беру:

«Ағаштың адамға пайдасы»

Бағалау.

Соңғы тыныштық сәтi. (2 минут)

Мұғалім:

- Балалар бәріміз көзімізді жұмып, тыныштық әлеміне енейік. Бүгінгі сабақтан алған жақсы әсерлерімізді есімізге алып, жүрегімізге орналастырайық. Сіздерге көп рахмет! Сау болыңыздар

Баяу музыка ойнап тұрады