Ықшамды сабақ жоспары

Сабақтың тақырыбы:

Сабақта «Ойлаудың алты қалпағы» әдісі арқылы оқушыны сыни ойлауға үйрету.

Коуч:

Кабдошева Алмагүл Серікқызы

Сабақтың мақсаты:

Қатысушыларға сын тұрғысынан ойлаудың ақпараттық құзыреттілігі туралы айта отырып, қатысушының ақпаратпен өздігінен жұмыс істей алуына, сыни тұрғыдан бағалауына, оны өз сабағында қолдана білуіне үйрету.

Күтілетін нәтиже:

Сабақ үдерісінде қатысушыларды басымдылыққа сыни көзбен қарауға, басымдылық бойынша өз көзқарасына рефлексия жасауына ойлаудың алты қалпағы бойынша үйренеді

Оқу нәтижесі:

Мұғалімдер өз сабақтарында сын тұрғысынан ойлауды дамытудың тәсілдерін әзірлейді

Түйінді идеялар:

Сын тұрғысынан ойлау, тәжірибе, толғану және пайымдау нәтижесінде алынған ақпаратты ұғыну, бағалау, талдау және синтездеуде қолданылатын әдіс, ол әрекет жасауға түрткі болуы да мүмкін

Ресурстар:

Ойлаудың алты қалпағы, постерлер, маркелер, стикерлер

Топқа бөліну.

Түрлі-түсті қағаздар таратылады, сол бойынша қалпақтардың түсіне сәйкес топқа бөлінеді.

Тренинг:

«Ыстық ықыласпен жылы жүректен»

Қатысушылар таратылған түрлі-түсті қағаздардан қайшыны пайдаланбай жүрекше қиып алуы тиіс.

Жүрекшелерге тілектерін жазады, себетке салып араластыру.

Кезекпен тілектер алынып оқылады. Ең жақсы жазылған тілекке қошемет көрсетіледі

Қызығушылықты ояту

«Сіздің ойыңыз?...

Клиникалық аурухананың бас дәрігері сізден ақыл сұраса, сіз не айтар едіңіз?

Оның алдында бірнеше жүрегін ауыстыратын төмендегі ауру адамдардың өмірі тұр. Ал ауыфстырып салатын жүрек біреу ғана. Сіз кімге көмек берер едіңіз? Не себепті? Неге?

Олар:

1. 5 жасар қыз бала.

2. 48 жастағы әйел адам.

3. Он баланың анасы.

4. Жақсы құрылысшы бірақ Қазақстан азаматы емес.

5. Отбасы жоқ, бірақ еліміздегі жетімдер үйінің демеушісі.

6. Он бес жастағы вундеркинд бала.

Сіздер дәрігерге қандай көмек бересіздер? Кімге сау жүректі салуға кеңес бере едіңіз?

-сіздер тапсырманы орындағанда қандай қиындықтар туындады?

• Сыни ойлау туралы сіз қандай ой түйдіңіз?

Топта талқылайды

Әр топ өз ойларын айтады.

«Ойлаудың 6 қалпағы» бойынша талдап шығады.