Сөздерді дұрыс айту.

Тақырыбы:

Күні:

Сынып:

«З» дыбысына саяхат

11/12/2025ж Логопед: В.С. Байназарова

4«б»

Сабақ мақсаты

З дыбысын жеке, буындарда, сөздерде, сөйлемдерде машықтандыру.

Фонематикалық естуін, артикуляцияның қимыл-қозғалысын, ұсақ моториканы, сөйлеу тілін, дұрыс тыныстауын, ойлау, есте сақтау қабілетін,зейінін әртүрлі ойындар, жаттығулар, тапсырмалар арқылы дамыту және түзету.

Ұқыпты болуға тәрбиелеу

Оқушыларды оқыту мақсаттары, критерилері

Артикуляциялық жаттығуларды орындайды. Ұсақ моторикаға арналған жаттығуларды орындайды.

Құндылықтарды дарыту

Дұрыс сөйлеуге, өзін сабақта дүрыс ұстауға тәрбиелеу.

Пәнаралық байланыс

Қазақ тілі, сауат ашу, тіл дамыту.

Көрнекіліктер, ресурстар

Айна, артикуляциялық додокоэдр, суреттер, әріптер, ноутбук. кубик

Жоспарланған уақыт есебі

Жоспарланған жаттығу түрлері

Сабақтың басы

I.Ұйымдастыру кезеңі.

а. Смайликтен өз көңіл күйін көрсету

II.Артикуляциялық жаттығулар:

а. « Жылан»

б. «Сылақшы»

в. «Шарбақ»

г. «Ат шауып келеді»

д. «Саңырауқулақ»

ж. «Кесе»

IV.Фонематикалық естуін дамыту.

«Не қандай дыбыс шығарады?» ойыны.

Қоңыз қандай дыбыс шығарады? З-з-з

Ара қандай дыбыс шығарады? З-з-з

Маса қандай дыбыс шығарады? З-з-з

Сабақтың ортасы

VI.Сабақтың тақырыбы: Маса бүгін біздің сабағымыздың тақырыбын өзімен бірге алып келіпті «З» дыбысына саяхат

Балалар, “З” дыбысын айтқан кезде Ерін жымиып тұрады. Тістердің арасы шамамен 1 мм ашық. Тілдің ұшы төменгі тістерге тіреліп тұрады. Дауыс желбезегі жұмыс жасайды. Тамақта діріл сезіледі. Суық жел шығады.

Маса оқиғасы

Ертеде бір маса болыпты. Оны адамдар "ызыңбай" деп атайды екен. Себебі, ол түнде адамдардың мазасын алып, ұйықтатпайды екен. Әбден мазаларын алған масаны адамдар қуып жібермекші болады. Маса адамдардан қашып келе жатып, үлкен бір ғимаратқа жасырынып қалады. Сөйтсе ол кітапханаға кіріпті. Ол жерде түнде адамдар болмайды екен. Ал маса түнде жалғыздықтан қатты қорқады екен. Содан маса қорқып, ызыңдап "Зззззз" деп жылай бастайды.

Маса не істейді? Ызыңдайды.

Қалай ызыңдайды екен? Ззз...

Осы кезде кітапттарың арасынан ызыңдаған дыбыс не екен деп әріптер шыға бастайды. Әріптер де әртүрлі дыбыстар шығарады екен. Сол дыбыстардан маса қатты қорқып кетеді. Қорқып тұрған масаға әріптер келеді. Олар өте мейірімді екен. Олар өлең айтқанды жақсы көреді екен. Масаны жұбатып, өздерімен ән айтуға шақырады. Сөйтіп өзінің ызыңдаған әнін сала бастайды. Масаның әніне дауысты әріптер де қосылып, бірге ән айтады. Олардың әндерін біз де қайталайық :

ЗА-ЗА-ЗА ,ЗӘ-ЗӘ-ЗӘ, ЗУ-ЗУ-ЗУ, ЗЕ-ЗЕ-ЗЕ,

ЗЫ-ЗЫ-ЗЫ ЗІ-ЗІ-ЗІ ЗО-ЗО-ЗО ЗҰ-ЗҰ-ЗҰ

Буын ұйқас

За-за-за өзен суы таза

• Зе-зе-зе тазаладым терезе

• Зы-зы-зы ауылда көп қозы

• Зу-зу-зу қарындашпен жазу

• Аз-аз-аз - келді міне жаз

• Әз-әз-әз - балалардың бәрі мәз

Балалар қандай жүк көлік түрінде з дыбысы кездеседі?

Камаз. Ендеше біз камазбен саяхат жасап, атамыздың ауылына барамыз.

Сергіту сәті «Жүргізуші»

Атамыздың сендерге ұсынатын ойыы "Дыбысты тап" деп аталады

Ойын барысы: «З» дыбыстары бар суреттерді орналастырамыз. Суреттердің атауын айтып, дыбыстың орнын анықтап, сөз басында ,ортасында, соңында кездесетін сөздерде машықтандыру.

Мұз қандай? (суық)

Камзолдың түсі қандай? (Күлгін)

Сиырдың төлі? (Бұзау)

Зебра түсі қандай?(ала)

Зымыранмен қайда ұшады? (Ғарышқа)

Ендеше зымыранды пайдаланып тыныс алу жаттығуын жасап

«З» Ғаламшарына ұшамыз.

«З» Ғаламшарының тапсырмалары.

• «Мәреге тез жет»

Ойын барысы:Кубикті лақтырып қанша сан түссе, сонша жүріс жасап, суреттегі сөздерді, дыбыстарды дұрыс айтыу. Мәреге кім бірінші жетсе сол жеңімпаз.

• «З» әріпін жіппен жазу.

Сабақтың соңы

VII.Сабақты қортындылау

Бүгін сабақта не істедік?

Біз зымыранмен қайда ұштық?

Қандай ойын ойнадық?

Рефлексия: «Ауа райы»

Күн – Сабақ қатты ұнады болды.

Жаңбыр – Сабақ түсінікті болды.

Найза,ай - Әл де түсінгім келеді.