«№16 орта мектеп гимназиясы» КММ

Ата-аналарға арналған семинар тренинг:

«Заманауи бала өміріндегі интернет пен әлеуметтік желінің орны»

6 А сынып жетекшісі: Ботантаева К.А.

2024-2025 оқу жыл

Тақырыбы: «Заманауи бала өміріндегі интернет пен әлеуметтік желінің орны»

Мақсаты: Интернеттің зиянды және пайдалы тұстарын ажырату. Оны дұрыс пайдалану жолдарын қарастыру

Барысы:

І. Ұйымдастыру кезеңі

1. Сәлемдесу

Мейірімді жүрекпен,
Ақпейілді тілекпен,
Амандасып алайық,
Бір жадырап қалайық!

Дүниедегі құбылыстың мәнін де,
Интернеттің, жаңалықтың бәрін де
Мүмкін емес информатикасыз түсіну,
Компьютер дүние кілті бүгін де,-демекші, заман талабына сай әрбір адам компьютер мен интернеттің қыр сырын білгенге не жетсін.

Мұғалім: — Құрметті ата-аналар!Бүгінгі "Отбасым-тірегім,мектебім- мақтанышым" ата-аналар онкүндігінің жоспары аясында 6 сынып ата аналар арасында "Заманауи бала өміріндегі интернет пен әлеуметтік желінің орны" тақырыбындағы семинарға хош келіпсіздер!

Бүгінгі семинар тренингіміз

І. Амандасу
ІІ. Топқа бөлу
ІІІ. Тақырыпты ашу

ІV. Топтық жұмыс
V. Қорытынды сөз
VІ Кері байланыс

І. Амандасу

Ата -аналар музыкамен кубикті айналдыру арқылы түскен әлеуметтік желінің суретіне қарай іс қимыл жасайды

Орнында айналады Шапалақтайды -

Қол бұлғайды - Билейді -

Қол беріп амандасады - Аяқпен тарсылдатады -

Семинарды жақсы көңіл күймен бастады.

II. Топқа бөлу.

Ата аналарды 4 топқа бөлдік

1. топ WhatsApp

2. топ Tiktok

3. топ YouTube

4. топ Instagram

III. Тақырыпты ашу

Қазіргі өскелең ұрпақты "желіге тәуелді ұрпақ" деп жиі айтады. Көптеген балалар интернет пен әлеуметтік желілерге қол жеткізе алады және оларды ойын үшін, достарымен, отбасымен және бейтаныс адамдармен қарым-қатынас жасау үшін, оқуға, ақпарат іздеу үшін, ойын-сауық үшін пайдаланады.

Интернет пен әлеуметтік желілер жас ұрпаққа дұрыс әсер етуі де, кері әсер етуі де мүмкін. Электрондық коммуникация құралдарын (бұдан әрі - ЭКҚ) пайдаланудың тиімді жағы қарым-қатынас жасап, қолдауды түйсінуі мүмкін, достықты сезініп, әлеуметтік құзыреттілікті қалыптастырып, хабардарлықты арттыруы мүмкін және басқа да аспектілердің болуы мүмкін.

Әлеуметтік желілерді артық пайдалану ұйқысыздыққа әкеліп, мазасыздандырады, агрессивті мінез-құлық пайда болып, басқа да проблемалардың пайда болу мүмкіндігін тудырады. Сонымен қатар, жасөспірімдердің түрлі медиа желілерге кіруі кибербуллинг деп аталатын интернет арқылы ізіне түсу/қорқыту қаупін арттырады.

ІV. Топтық жұмыс. Әр топқа тапсырмалар берілді. сол бойынша постер жасап, қорғауға уақыт берілді

1. топ WhatsApp - пайдасы

2. топ Tiktok - зияны

3. топ YouTube - тиімді пайдалану жолдары

4. топ Instagram – қауіпсіздігі

WhatsApp, TikTok, Instagram сияқты әлеуметтік желілердің адам өміріндегі орны мен әсерін талқылайды. Топтық жұмыс форматында интернет қауіпсіздігі, оның оң және теріс жақтары жайлы пікір алмасып, маңызды қорытындылар жасайды.

V. Қорытынды сөз

Баланың интернеттегі қауіпсіздігін қалай қамтамасыз етуге болады?

Ата-ана бақылауы мен шектеулер

Ата-ана бақылауы - баланың интернетті, түрлі қосымшалар мен контентті пайдалануын тексеруге және бақылауға арналған құралдар мен бағдарламалар.

Қандай функцияларды қосуға болады?

жағымсыз сайттар мен қосымшаларды бұғаттау;

кілт сөздермен іздеу тапсырмаларын сүзгіден өткізу;

интернеттегі уақытты шектеу баланың онлайн белсенділігін бақылау;

әлеуметтік желілер мен хат алмасуды бақылау спам, вирус және алаяқтық әрекеттерден қорғау құрылғының (баланың) геолокациясы.

Баланың интернеттегі қауіпсіздігін қамтамасыз ету жолдары

Әлеуметтік желідегі алғашқы аккаунт

1. Балаңыздың жеке және үй құрылғыларындағы ата-ана бақылауы сервисін пайдаланыңыз.

2.Әлеуметтік желі нормалары мен ережелерін елеусіз қалдырмаңыз. Танымал платформалардың көпшілігінде 13 жастан бастап қана тіркелуге рұқсат етілген.

3.Егер балаңыз әлеуметтік желіні қолдана бастаса, оның аккаунтын өз есептік жазбаңызға байлаңыз. Бұл оның аккаунтының, жеке хабарламаларының баптауларын реттеуге, геобелгілерді алып тастауға көмектеседі.

4.Жасөспіріммен оның онлайн өмірі жайлы әңгімелесіңіз. Оның қандай сайттарға кіретінін, қандай ойындар ойнайтынын, кіммен қандай платформаларда сөйлесетінін біліңіз.

5.Балаңызға онлайн абыройдың не екенін және жосықсыз белсенділіктің қалайша цифрлық ортада жағымсыз із қалдыратынын түсіндіріңіз.

6.Онлайн этикеттің маңыздылығын түсіндіріңіз. Буллинг, қорлайтын, намысқа тиетін хабарламалар, өсек-аяң шынайы өмірде де мәселе туындатуы мүмкін.

7.Сыни ойлау мен медиасауатты дамытуға көмектесіңіз. Фейктер мен айла-шарғыларды ажыратуды үйретіңіз.

8. Желіде кейбір адамдар фейк профильмен отыратынын хабардар етіңіз. Балаңызға сіздің рұқсатыңызсыз ешбір виртуалды танысымен кездесуге болмайтынын түсіндіріңіз.

9. Онлайндағы жеке өмір ұғымын түсіндіріңіз. Өзі туралы және басқа адамдар туралы жеке мәліметтерді жариялауға болмайтынын айтыңыз.

Ашық қарым-қатынас пен сенім

Қауіпсіз интернет ережелері

Пайдалы онлайн ресурстарды ұсыну
VІ Кері байланыс

Ата-аналардан «Бес қадам» әдісі арқылы кері байланыс алу. Әр аттаған қадам сайын интернеттің , әлеуметтік желінің пайдасы мен зияны туралы айту