Заманауи қоғамдағы отбасы мен мектеп тәрбиесінің ынтымақтастығы

13.11.2018 ж

Сынып жетекші: Нұрмұхан Бибігүл

Коучинг-сессияның тақырыбы:

Заманауи қоғамдағы отбасы мен мектеп тәриесінің ынтымақтастығы

Мақсаты:                     

Қазіргі заман ата-анасы мен бала арасындағы қарым-қатынас ерекшеліктерін ашу;

Жаңа заман балаларын тәрбиелеуде ата-ананың мәдени деңгейін көтеруге ықпал ету;

Міндеттері:

1.Оқушыларды өмірлік жетістіктерге жетуге ұмтылдыру.

2.Оқушылардың оқуға деген қызығушылығын арттыру

3. Оқу-тәрбие үрдісінде мектеп пен ата-ананың тығыз байланысын  үйлесімді жүргізу.

Күтілетін нәтиже:

Оқушының тұлғалық қасиеттерін қалыптастыруда ата-ананың міндетін, ұстаздық жауапкершілікті түсінеді.

Ата-ананың мектепке, мұғалімге деген сенімі күшейеді.

Мектеп пен ата-ана ынтымақтастығынан тәрбиелі, білімді, ұлтжанды жаңа заманға сай тұлға дамып қалыптасады.

Түйінді идея:

 «Адамға ең бірінші білім емес, рухани тәрбие берілуі керек. Тәрбиесіз берілген білім адамзаттың қас жауы, ол келешекте оның барлық өміріне апат әкеледі»

Әбу Насыр Әл-Фараби

Сілтеме

ҚР Ата Заңы 27- бап, 2-тармағындағы «Балаларына қамқорлық жасау және оларды тәрбиелеу – ата-ананың құқығы, әрі парызы»

Ресурстар

А-3,А-4 қағазы, маркер, стикер, интерактивті тақта, құмсағат, қоңырау, «Бәйтерек» отбасы ағашы т.б.

Дереккөздері

Бейнежазба, слайдтар

Тапсырмалар

Сұрақтарға жауап беру, постер қорғау,

Кезеңдері

Уақыты:

Кіріспе -1 мин

«Ақ жол» тренингі

(3мин)

Ой шақыру. (3 мин)

«Ертеңге қалдырма» тәмсілі

Баланың өмірге бейімделуіне мектеп, ұстаз және ата-ананың орны бөлек. Заманауи қоғамда тұлға қалыптастыруда оқыту мен тәрбиелеуде жарасымдылық мектеп пен ата-ана, әлеуметтік орта бірлесіп жұмыс істеген жағдайда үйлесімділік табады.

Ендеше бүгінгі коучингімізді «Ақ жол» тренингімен бастайық.Ортаға ата-аналар, мұғалімдер ақ мата бетіне салынған жолмен дискіні жүргізіп шығады. Диск жолдан шықпауы керек. Бұдан біздің ұйымшыл, бірауыз, бір жеңнен қол, бір жағадан бас шығаратын бірілігіміз көрінеді. Осылай бүгінгі шарамызды да бірлікте өткіземіз деген пікірдеміз.

Бір данышпан қария өте нашар жатқан ауру адамның қалін сұрай келеді. Қария ауру адамға, оның туған –туысқандарына жылы сөздер айтып, көңілдерін жұбатады. Бір кезде оның көзі бөлменің бұрышында тұрған сандыққа түседі де:

-Мына сандықта не бар? - деп сұрайды.

-Әкемнің кимеген киімдері ғой, - дейді сонда қызы. –Әкем айрықша бір күндері кием деп салып қойған, енді міне, сандықта шіріп жатыр ....

Талқылау сұрақтары:

1. 1.Бұл кішкентай оқиғадан не түсіндіңіздер?

2. 2. Өз ақиқатымызды тұншықтырып қоюымыз қажет пе?

3. 3. Адамзат баласы мақсатын жүзеге асыру үшін не істеу керек?

4. Сандықты есіңнен шығарма. Егер сенің жүрегіңде жақсы ойлар, жақсы тілектер, игі мақсат болса, дәл қазір жарыққа шығар, пайдалан. Ертеңге қалдырма, әйтпесе, сандықтағы киім сияқты ол да өз маңызын жояды.

-Сіздердің сандықтарыңызда не жатыр?

Практикалықжұмыс. Топта жұмыс жасау

(7 мин)

Ой жалғау тренингі

1- топ Тәрбие. / ата-ана/

2-топ Білім. /мұғалімдер/

3-топ Болашақ. /оқушылар/

1. 11-сыныпты бітірер кезде: «Бұл баланың білім сапасы неге төмен? Әрине мұғалім кінәлі....» (ата-ана)

2. «Адамды адам қылған не нәрсе? Ата-ана ма? Қоғам ба? Мектеп пе?» -деген сұраққа әркім әрқалай жауап беріп жатады. Ал сіздерше ? (оқушы)

3. ЖаҺандану үдерісі көптеген отбасыларының жағдайына әсер етуде. Қазіргі жасөспірімдер арасында түрлі қылмыс түрі көбеюде. Саналы адам болу үшін қандай қажеттілік керек екенін ұмыттық. Мұны әу баста кім қадағалау керек еді. (мұғалім)

Бағалау

«Екі жұлдыз, бір тілек»

Шығармашылық жұмыс

7-10 мин

1. «Отбасылық құндылық ағашы» (топпен жұмыс)

2. Ата-ана мен мұғалімге хат жазады. (оқушылар)

3. Қарындаштың 5 қасиеті. Бұл сыни ойлауға арналған тапсырмадағы астарлы ойды топ мүшелері  өздері ой түйіп айтады. Қызылмен көрсетілген сөздер көрсетілмейді.

(мұғалім)

Бағалау

Көрермендер бағасы

Кері байланыс

(2 мин

 «Тілек шамы»

Отбасы, ұшқан ұя – жылылықтың, жылулықтың мекені. «Отбасы» атауының мәніне терең үңілер болсақ, оттың да үлкен маңызы бар екенін сеземіз. Сондықтан оттың басы, ошағымыздың түтіні түзу болу үшін «Тілек шамы» жаттығуын бір-бірімізге тілек айта отырып жүргізейік. Бір-бірімізге мына шамды бере отырып, бүгінгі кездесуден алған әсерлеріңізбен бөлісіп, тренинг барысында айта алмай қалған ойларыңыз болса, айтып кетулеріңізге болады.

-Бүгінгі коучингтен қандай ой түйдіңіз? -                         

-Айтылған мәселелердің сізге пайдасы бар ма?

    «Орындық» тренингі  

/Ата-ана, мұғалім, оқушы , жұртшылық/

Қорытынды:

(2мин)

Бала – кең әлемдегі ең пәк, ең таза, асыл жан. Оның ойының тазалығы, арының тазалығы оны қоршаған ортаға байланысты болмақ. Бала осы ортаны қалай қабылдап, танып білсе, оның алдынан кең әлемнің есігі де солай ашылмақ.
Сондықтан, қымбатты ата-аналар, ұстаздар! Баланың өзіндік «Менін» қалыптастыру, адамгершілік-рухани әлеуетін көтеру, қазіргі заман талабына сай өзіндік ой-көзқарасы қалыптасқан жеке тұлға тәрбиелеп шығару мектеп пен отбасының тәрбиесі ұштасып, ортақ бір мүддеге бағытталғанда ғана жан-жақты, толыққанды жүзеге асады