Дәулеткерей Бектас

6«Д» сыныбы

Әл-Фараби атындағы №21 мамандандырылған гимназия

Ақтөбе қаласы;

Заң және тәртіп сақтау үшін не істеу керек?

Заң мен тәртіп-қоғамның бейбіт өмір сүрудің басты тірегі. Егер өмірде заң мен тәртіп болмаса, адамдар өз білгенін істеп, бір-біріне зиян келтіруі мүмкін. Әрбір адам заңға бағынуға және тәртіп сақтауға міндетті. Ал заң мен тәртіп сақтау үшін не істеу қажет?

Біріншіден, әр адам қоғамдық орындарда өзін-өзі cыпайы ұстау қажет. Себебі сыпайылық дегеніміз-әдеп сақтау. Ал әдеп сақталған жерде қоғамда тәртіп те сақталады, заң да орындалады. Ендеше, адам бойында бұл асыл қасиет те заң мен тәртіпті сақтауға көмегін тигізеді деп есептеймін.

Екіншіден, адам өз ісіне жауапкершілікпен қарап, дұрыс пен бұрысты ажырата білуі қажет. Мысалы, мектепке оқушылар уақытында келіп, кешікпеуі қажет, мектептің ережесіне бағынып, мұғалімді тыңдауы керек. Бұл да тәртіп сақтаудың бір түрі. Демек, «Тәртіпке бағынған құл болмайды, тәртіпсіз ел болмайды» демекші, біз де ережеге бағынсақ, өмірде тәртіпсіздіктің алдын аламыз.

Тоқсан ауыз сөздің тобықтай түйіні, адамдардың тыныш өмір сүруінің тәртібін сақтайтын ережелерді сақтап жүрейік!