Заң мен тәртіп – қоғам тұрақтылығының негізі

Заң мен тәртіп – қоғам тұрақтылығының негізі

Қоғамда заң мен тәртіп болмаса, ешбір адам өзін қауіпсіз сезіне алмайды. Әділеттілік орнамайды, мемлекет әлсірейді. Заң мен тәртіпті сақтау — тек құқық қорғау органдарының ғана емес, әрбір азаматтың ортақ жауапкершілігі.

Бүгінгі күні қоғамда жиі кездесетін мәселелердің бірі — азаматтардың құқықтық сауаттылығының төмендігі. Кей адамдар заңға селқос қарайды, оны білмейді немесе елемейді. Сондықтан халықтың, әсіресе жастардың, құқықтық білімін арттыру қажет.

Әр адам өзінің құқығын да, міндетін де жақсы білуі керек. Сонда ғана заң бұзушылықтар азаяды. Бұл – әсіресе жастар үшін өте маңызды. Мектеп қабырғасынан бастап тәртіпке, заңға бағынуға тәрбиелеу қажет.

Заң үстемдігі мен тәртіп — әділеттіліктің бастауы. Егер әр адам әділетсіздікке жол бермей, заңға сай әрекет етсе, қоғам дамып, тыныш өмір қалыптасады.

Қорытындылай келе,заң бәріне ортақ. Әр азамат оны құрметтеп, орындауға міндетті. Заң бар жерде әділет те, тұрақтылық та болады.