"Заңды орындау қоғамның дамуына қалай әсер етеді?"

Заңды орындау қоғамның дамуына қалай әсер етеді?

Жалпы заң дегеніміз қоғамда тәртіп орнату үшін арналған жазбалар. Заңның болуы адамзаттың дамуына әсері бар екені анық. Сондықтан әрбір жан заңға бағынуы шарт.

Біріншіден, заңды орындау арқылы ол өзін жақсы жолға түсуге итермелейді. Себебі, заңда жамандық жазылмайды. Ал егер, заңды сақтаудан бас тартып, бұзатын болса, аса қатал жазалар қабылданады. Қазіргі таңда заң бұзушылар саны күннен күнге артып келеді. Бұның өзі ертеңгі күні елеулі мәселеге айналуы мүмкін.

Екіншіден, заңды білетін, бағынатын адам өзін ақтап шыға алатыны анық. Яғни заңды оқу арқылы адам өзін сауаттандырады. Заңның пайда болу тарихына үңілсек: Баяғыда біздің ұлы ханымыз Тәуке хан мен қасындағы дана, ақылгөй үш би бірігіп, «Жеті жарғы» атты заңдар жинағын шығарған болатын. Яғни олар бұл шешімге бекерден бекер келмеді. Халық заңды қажет етеді. Осы заманда қарап отырсақ, жаңалықтардан қаншама құқықбұзушылықтар орын алуда. Менің пікірім бойынша, «Тәртіпке бас иген құл болмайды», «Тәртіп жеңістің алғашқы нысаны». Әрбір қазақ тұрғыны тәртіпті сақтайтын болса, біздің еліміз бейбіт өмір сүреді. Тіпті тәртіпке байланысты «Құқықбұзушылыққа жол жоқ» атты жоба ұйымдастыруға болады.

Қорытындылай келе, заңды орындау қоғамның дамуына әсер етеді. Заң мінсіз қоғамның пайда болуына ықпалын тигізеді. Сол себепті заңды ұстанған жөн.