Заттар және олардың физикалық қасиеттері. Таза заттар және қоспалар. Заттарды бөлу әдістері

Мұғалімнің аты-жөні

Сыныбы

8

3 сабақ

Күні:

Сабақтың тақырыбы:

Заттар және олардың физикалық қасиеттері. Таза заттар және қоспалар. Заттарды бөлу әдістері

Сілтеме

Білім стандарты,   пән бағдарламасы,  «Химия» оқулығы ,Н. Нұрахметов,К.Сарманова, К.Жексембина. 8 сынып оқулығы, Алматы «Мектеп» 2012 жыл.

Жалпы мақсаты

Зат туралы ұғымды қалыптастыру арқылы оның дене ұғымынан айырмашылығы туралы түсінік алады. Заттарды бөлу әдістерімен таныстыру.

Күтілетін нәтиже

Заттардың физикалық қасиеттері туралы, таза заттар және қоспалардың анықтамасын біледі. Біртекті және әртекті қоспаларды бөлудің әдістерін түсінеді.

Біртекті және әртекті қоспалардың ұқсастығы мен айырмашылығын салыстырады.

Негізгі идеялар

Таза заттар бір ғана заттың бөлшектерінен ал қоспалар екі не оданда көп заттардан тұрады. Суда ерімейтін әртекті қоспалар тұндыру арқылы бөлінеді, ал суда еритін заттардан тұратын біртекті қоспалар қайта кристалдану немесе айдау арқылы бөлінеді.

Құрал-жабдықтар:

Интерактивті тақта, 8 сынып электронды оқулық.

Сабақтың түрі

Жаңа білімді игеру сабағы.

Әдіс-тәсілдер

«Химиялық диктант» , жас ерекшеліктеріне байланысты сұрақтар мен тапсырмалар

Сабақ бойынша мұғалім жазбалары

Мұғалімнің іс-әрекеті

а)Оқушылармен амандасып,сыныптағы оқушыларды 3 топқа бөлу.

ә)Сынып құрамын түгелдеп, тақтаға күн ретін жазады.

Кіріспе бөлім

а)Оқушылардан «химиялық диктантты» орындауға нұсқау беріледі.

1.Физика пәні денелерді қарастырса, химия сол денелерді құрайтын заттарды .... (зерттейді)

2.Заттар дегеніміз- .... құраушылар (денелерді)

3.Таныс емес заттың .... білмей тұрып .... татып көруге, ... иіскеуге, .... ұстауға болмайды. (қасиетін, дәмін, иісін, қолмен)

4...... заттарды, олардың қасиеттерін, бір заттан екінші затқа айналуын және айналу кезінде жүретін құбылыстарды зерттейді.

(химия пәні)

5.Химия ғылым ретінде ғасырларда қалыптасып, өзінің басты ұғымдарын ұсынып, заңдарын ашты. (ХІХ-ХХ)

ә)Құмшекер, шақпақ қант, құм мен ағаш үгінділерін көрсетіп, оқушыларға ой тастау.

Негізгі бөлім

а)Тақтаға жаңа сабақтың тақырыбы жазылады.

ә)Тақырып бойынша берілген термин сөздермен жұмыс жасалады.

б)Оқушылар жеке дара мәтінмен танысып шығу тапсырылады.

в)Әр топқа мәтін бөлініп беріледі. (Көрсетілім№1 (1.1))

І-топ: Заттар және олардың қасиеттері

ІІ-топ:Таза заттар және қоспалар

ІІІ-топ: Заттарды бөлу әдістері

г)Эксперименттік бөлім

Топтарға Қоспаларды бөлу әдістеріне тәжірибе көрсету.

Қорытынды бөлім

Өтілген тақырып бойынша оқушылар жұптық жұмыс жасайды. 1.Мыналардың:ауа,оттек,теңіз суы,өзен құмы,мыс қайсысы таза зат,қайсысы заттың қоспа екенін көрсетіңдер .

2.Қоспалар мен химиялық заттар арасында берілген бір артық сөзді көрсет.

а)ауа,түтін,оттек,тұман

ә)Мұнай,спирт,су,ацетон

б)Өзен құмы,қант,темір кені, цемент

3.Сүзу тәсілімен ас тұзын ерітіндіден бөліп алуға бола ма?

4.Қайта кристалдану тәсілі деп неге аталғанын мысалмен түсіндір.

5.Айдау тәсілі неге негізделген?

Сабақ рефлексиясын жасайды.

Сабақтан кейінгі көңіл күйім.

Кейінгі тапсырма: Тақырып бойынша тест тапсырмаларын құрастыру (5 тест)

Үйге тапсырма беру: Заттар және олардың физикалық қасиеттері. Таза заттар және қоспалар. Заттарды бөлу әдістері

Оқушылардың іс-әрекеті

а)Оқушылар 3 топқа бөлініп отырады.

ә)Тақтадан күн ретін көшіріп алады.

Оқушылар берілген тапсырманы жеке орындап шығады. Орындалған жұмысты дайын жауап арқылы тексеріп, өзін-өзі бағалайды. Толық орындаған оқушы жұмысын шапалақ ұру арқылы мадақтау.

ә)Оқушылар көрсетілген заттарға қарап өз ойларын айтады. Таза зат және қоспа ұғымары қалыптасады.

Оқушылар тақырыппен танысып шығады. Тақырып мазмұнын топтық талқылауға салады.

Топ атынан баяндамашы қорғайды, топ жұмысын екі жұлдыз, бір ұсыныс арқылы бағалайды.

Көрсетілген тәжірибе бойынша оқушылар өз ойларын білдіреді.

Оқушылар жұптық жұмысты орындап, бүгінгі сабақтан не түсінгеніне анализ жасайды.

Жұптық жұмысты бір-біріне ауыстыра отырып бағалайды.