Мектепалды даярлық «Көгершін» тобына арналған

Ұйымдастырылған оқу қызметінің конспектісі №9

Өткізу күні: 20.09.2021 ж.

Тәрбиеші: Дюмбаева А.В.

Білім беру саласы: «Денсаулық»

Бөлімі: Дене шынықтыру

Өтпелі тақырып: «Бірге еңбектенеміз»

Тақырыбы: Заттардан аттап жүруде тепе-теңдік сақтау.

Мақсаты: Сапқа тұру, шашырап жүгіру, сапта өз орнын таба жүгіру, белгілі қашықтыққа жүгіруге жаттықтыру. Заттардан аттап жүруде тепе-теңдік сақтау. Секіртпемен еркін секіруге үйрету. Ептілікті, жылдамдықты дамыту. Салауатты өмір салтын ұстануға тәрбиелеу.

Ресурстармен қамтамасыз ету: гимнастикалық орындық, шығыршық

БИЛИНГВАЛЬДЫ КОМПОНЕНТ: жүгіру-бегать, секіру-прыгать

Ұйымдастырылған оқу қызметінің барысы:

1. Ұйымдастырушылық кезеңі:
Шынықсаң шымыр боласың,
Сауығып айдай толасың.
Спортты серік ете біл,
Жақсы азамат боласың

2. Негізгі бөлімі:

төмендегі тапсырмаларды орындатады:

Балалар ең алдымен бой жазып алайық.

Қозғалмалы бой жазу жаттығулары
- Қолды жоғары ұстап аяқ ұшымен жүру.
- Екі қол белде өкшемен жүру
- Екі қол белде аяқтың ішкі және сыртқы қырымен жүру.
- Бір қалыпты деңіл жүгіру.

Жалпы дамыту жаттығулар:

1. «Таспалар қайда?» Б.қ.: аяқ сәл алшақ, қол таспамен артта. таспамен қолды алға созып, «міне» деп, қолды қайта артқа тығу. 6 рет.

2. «Таспалар желбірейді». Б.қ.:аяқ сәл алшақ, қол таспамен төмен. Қолды шетке созып, жоғары көтеру, таспаларды ырғалту, қолды шетке созу арқылы төмен түсіру. 5 рет.

3. «Бұрылу». Б.қ.: Тізерлеп тұру, қол таспамен төмен. Таспамен қолды оңға бұр, бұрылу, таспаға қарау; бастапқы қалыпқа оралу; таспамен қолды солға бұру, бұрылу, таспаға қарау. Бастапқы қалыпқа оралу. 5 рет.

4. «Таспамен бұлға». Б.қ.: Тізерлеп тұру, қол таспамен артта. Оңға бұрылу, оң қолдағы таспамен бұлғау, бастапқы қалыпқа қалыпқа оралу; сол қолдағы таспамен бұлғау , бастапқы қалыпқа оралу. 5 рет.

5. «Еңкею». Б.қ.: аяқ иық деңгейінде алшақ, қол таспамен төмен. Қолды шетке созып, алға қарай еңкею; бастапқы қалыпқа оралу. 5рет.

6. «Жел таспамен ойнайды» еркін қимыл. «Жел ақырын-ақырын соғады» (таспаға ақырын үрлеу), «Жел қатты», «Жел одан да қатты -қатты соғады». 10рет.

Негізгі қимыл-қозғалыс жаттығулары:

• Сапқа, қатарға тұру, бастаушыға қарап түзелу.

• Адымдап, бүгілген тізені жоғары көтере жүру.

• Шектеулі зат үстімен жүрген кезде тепе-теңдік сақтап жүру

• Қысқа секіртпемен секіру (демалу үзілістері бар 2–3 реттен 10 секіру)

• Секіртпені білекпен және иықпен айналдыруға, денені тік ұстауға, аяқтың ұшымен секіру,

• секіртпені айналдыру мен секіруді үйлестіруге үйрету.

• Жұппен жүріс қарқынын және ырғағын үйлестіру, қимылдың бағытын сақтау, жүру мен жүгіру

• Тұрақты тепе-теңдікті сақтауЕңкейтілген тақтай үстімен қырынан жүру

• Еңкейтілген тақтай үстімен денені тік және тепе-теңдік сақтап жүру.

• Өкшеден аяқтың ұшына ауыса, қысқа адым және кең адыммен шашырап жүгіру;

Қимылды ойын: «Аттар»

Шарты:Балалар екі бірдей топқа бөлінеді. Біреулері – аттар болады, басқалары – шабарман болады. /Шабарманның қолында -ауыздық/. Аланның басқа жағында- аттар жайылатын жер, бұнда аттар тұрады, басқа жағында шабармендар. Тәрбиеші: «Шабармандар, тұрыңдар, тезірек аттарды дайындаңдар!»- дегенде шабармандараттан түсіп, аттарды жайылымға жіберіп, өздерінің орындарына барады. «Шабармандар, аттарыңды ұстаңдар»,- дегенде әрқайсысы өздерінің аттарын ұстайды. «Аттарыңды ат қораға апарыңдар»,- дегенде апарады. Ойын 3-4 рет қайталанады. 

3. Қорытынды:

Тыныс алу жаттығуы: «Балапандар» жаттығуы: аяқты сәл алшақ қойып, алға қарай еңкею, «қанаттарын» (шынтақтан бүгулі қолды) артқа апару. Кішкене адыммен жүгіріп, « шип- шип- шип» деу. 20-30 секунд қимыл-қозғалысы аз ойындар ойнатылады.
Балаларды мадақтау