зертханаға саяхат

Жамбыл облысы. Тараз қаласы

Жамбыл облысы әкімдігінің білім басқармасы

Тараз қаласының білім бөлімі №12 бөбекжай-бақшасының тәрбиешісі

Олжатаева Калдыкул Балтабаевна

Зертханаға саяхат

Мақсаты:

1. Бала өзін жайлы, қорғалған күйде сезініп, шығармашылық белсенділік танытатын табиғи стимулдық орта қалыптастыру.
2. Танымдық және психикалық процестерді дамыту; түйсікті (форманы, түсті, тұтас түйсік), есті, зейінді, қиялды, кеңістіктік түсінікті, қолдардың
ұсақ моторикаларын дамыту.
3. Ауызша және ауызша емес әдіс тәсілдерді қолдана отырып, тәжірибелік қарым — қатынастық біліктіліктер мен дағдыларды жетілдіру.
4. Қиялды, көрнекі – бейнелік ойлауды, сөздік — логикалық ойлауды, көрнекі іс — әрекеттік ойлауды, шығармашылық және сын тұрғысынан ойлауды дамыту, балаларды белсенді іс — әрекетке және зейіннің шоғырлануына тәрбиелеу.

Міндеттері:
1. Танымдық сезімдерін дамыту (зейін, жады, қиял, қабылдау)
2. Интеллектуалдық ортаны қалыптастыру – ойлай білу, көрнекі — шынайылық, көрнекі — бейнелік, сөздік — логикалық, шығармашылық ойлау.
3. Эмоционалдық және коммуникативтік ортаны (қарым — қатынастың табысты ағымына қажетті, ауызша және ауызша емес құралдарды қолдана отырып) дамыту.

Шаттық шеңбер

Қуанамын мен де

Қуанасың сен де

Қуанамыз, бәріміз ,арайлап атқан күнге

Тосын сәт

Есік қағылып топқа күзетші біздің тобымызға сәлемдеме келгенін айтып алып келеді.

Сәлемдемеде хат болады.

Сәлеметсіңдер ме балалар. Мен бас зерттеушімін. Сендерді өзімнің зертханама қонаққа шақырамын. Мына қорапта сендерге арнап дайындаған заттарым бар. Бұл зат сендерге зертханаға келгенде керек болады. ( құм салынған шелек)

Тәрбиеші: балалар олай болса біз бас зерттеушінің зертханасына баруға жолға шығайық. Жолға шыққанда мұқият болайық.Кедір-бүдір тасты жол.

Зертханаға келеді.

Әр бала орындарына келіп жайғасады.қолдарындағы шелектерін үстел шетіне қояды

Зерттеу іс- тәжірибесі

Қауіпсіздік ережесі: құмды ауызға салуға болмайды, шашуға болмайды, бір-біріне кедергі жасамау, құмға керекті заттарды ұқыпты қолдану,қолды сулы матамен сүртіп отыру

Тәрбиеші: Ыдыстағы құмды зерттеу Ыдыстағы құмды ұлғайтқышпен (лупа) зерттеу. Құм неден тұрады? Құм түйіршіктен тұра ды. Құмның түсі қандай? Қоңыр, ашық қоңыр.

Құрғақ және сулы құм

Мақсаты: көз қозғалысын, жіктелу үрдісін, қиялын дамыту

Жабдықтар: Құмжәшік, миниатюрлы қалыптар.

Дымқыл құмда өрнектер, жолақтар анық көрінеді, оларды жіктеу ойындарында пайдалануға болады. Мысалы, толқынды жол бойымен адамдар жүреді, түзу жолмен машиналар жүреді, ал дуалда құстар отырады — бала қажетті қалыпты немесе суретті таңдап және көрсетілген жолаққа қояды. Соңында «Кім, қайда, не үшін және болды?», сюжетті дамытып және шағын ертегі шығару. Дымқыл құмда анық жүздерді салуға болады, балаларды адам сезімін: қуаныш, мұң, ашу, қорқыныш, таңдануды графикалық белгілеуге үйрету.

Тәрбиеші: сол қолмен құрғақ құм, оң қолмен сулы құм. Кезек кезек ауыстырып ұстап көріңдер. Шелектегі формамен бірінші құрғақ құммен жасайды. Екінші сулы құммен жасайды.

-Стақандағы суға қасықпен құм салады. Араластырады. Айтады. Сұраққа жауап береді.

Сергіту сәті

Біз құм қиыршықтарымыз, біз құм қиыршықтарымыз

Айналуға қарсы емеспіз

Біз құм қиыршықтарымыз, біз құм қиыршықтарымыз

Күндіз- түні билейтінбіз

Бәріміз бір шеңберге тұрайық

Құм болып жиналайық

Құм түрлерімен танысу

Тәрбиеші: үстел үстіндегі ыдыстарға келеді. Кинетикалық немесе тірі құм

Ұстап көреді. Формамен тақтайша үстіне мүсін жасайды. Қол сүртеді.

Квацты құм .

бұл құм жылтырайды. Өте ұсақ болғандықтан бұл құммен сурет салуға болады. Олай болса балалар құммен сурет салуға арналған үстелімізге жақындайық. Құммен сурет салуға аранлған құмды кварцты құм дейді. Ендеше балалар құммен сурет салайық.

Ыдыстағы құм.

Бұл құм балабақшада ойын алаңдарында кездеседі. Қане ұстап көрейік. Ірі құм. Бұл құммен карточкада берілген тапсырмалар арқылы сызықтар салайық.

Тәрбиеші:

Жарайсыңдар балалар. бүгін біз қандай құмдармен таныстық. Тірі құмның түстері көп . зертханада өте қызық болды. Көңіл күйлерің қалай? Керемет!олай болса біз балабақшамызға қайтайық.