«Зиянды әрекетке жол жоқ!» тренинг сабақ

Хаттама №

Тақырыбы: «Зиянды әрекетке жол жоқ!» тренинг сабақ

Мақсаты: Оқушылардың көңіл-кйлерін жақсарту, зиянды әрекетке деген көзқарастарын өзгерту, салауатты өмір салтын ұстануға бағыттау.

Мерзімі: Сәуір айы

Зерттеу контингенті: 7 «В» сынып оқушылары

Қажетті құрал – жабдықтар: Ақ қағаз, маркер, ұзын таяқ.

Тренинг сабақ құрылымы:

1. «Менің есімім» атты жаттығу 

2. «Атомдар мен молекулалар» жаттығуы 

3. «Мен таптым» жаттығуы 

4. «Сурет сал» жаттығуы

5. «Видеоролик» көру

1. «Менің есімім» атты жаттығу 
Барысы: Жаттығу танысу үшін жасалынады- әркім кезекпен өз атын атап, есімінің бас әріпінен басталатын сөз айтады. Мысалы: Сандуғаш сникерс, Әсел әлем т.б. 

2. «Атомдар мен молекулалар» жаттығуы 
Барысы: Жүргізуші «атомдар» деген кезде ойыншылар жеке дара жүреді де 
«молекулалар, бесеуден» немесе «молекулалар, үшеуден» деген кезде, бес 
немесе үш адамнан тез арада топтасады. Кім топқа қосыла алмай қалса, 
айып төлейді: өз өнерін көрсетеді немесе көпшіліктің тілегін орындайды. 

3. «Мен таптым» жаттығуы 
Барысы: Қатысушылар дөңгелене отырып, кезекпен бірден жетіге дейін санайды. 
Жеті санын айтатын адам «Жеті» деудің орнына, орнынан тұрып, «Мен таптым» деп айтуы керек. Кім жаңылысса, сол ойыннан шығады.

4. «Сурет сал» жаттығуы

Барысы: оқушылар зиянды әрекеттердің суретін салып, сол жайлы толығырақ мәлімет беруге тырысуы керек. Осы арқылы оның зиянды екенін түсініп, ол туралы теріс көзқарас қалыптастыруы керек.

5. Видеоролик көру

Барысы: Оқушыларға зиянды әрекеттер туралы видеороликтер көрсетіледі. Осы арқылы олардың адам өміріне зиян екенін нақты факттер арқылы көздерімен көрсету керек.