"Зиянды заттар зардабы"

Тақырыбы: ЗИЯНДЫ ЗАТТАР ЗАРДАБЫ

8 – сынып

Өткізген: Сынып жетекшісі

Умирзахова Ғалия Ибрагимқызы.

Ашық тәрбие сағатының тақырыбы: Зиянды заттар зардабы

Мақсаты: Оқушылар зиянды заттар туралы білімдерін кеңейтіп,

өзара ой бөлісу, ойлау, қорытындылау қасиеттерін дамытады, өз денсаулығының бағалы байлық екенін түсінеді.

Көрнекіліктер: таратпа материалдар, маркерлер, А3 қағаздары

Ұйымдастыру кезеңі

1. Оқушыларды 1, 2, 3, 4 деп санап төрт топқа бөлеміз.

2. Әр топтың топ басшысы сайланады.

І. Қызығушылықты ояту

Ой қозғау. Қазіргі кезде зияынды заттар өте көп. Қандай зиянды заттарды білеміз?

Топтастыру стратегиясы. Жеке жұмыс, жұппен ой бөліседі, топта қорғайды.

ІІ. Мағынаны ажырату

Кубизм стратегиясы. Әр топқа 1 топ – темекіні, 2 топ – есірткіні, 3 топ – ішімдікті, 4 топ – ЖИТС ауруының 6 жағын қарастырады.

Кубизм стратегиясы

1. Суреттеу. Түрі, түсі, көлемі, портреті

2. Салыстыру. Ұқсастығы, ерекшелігі

3. Талдау. Қалай жасалған, неден жасалған, зерттеу, не болуы мүмкін

4. Таңдау. Талқылау, қарсы пікір айту

5. Қолдану. Бұдан не істеуге болады, қолданысы қалай, қайда қолдануға болады.

6. Бағалау. Жақсы – жаман жағы, келісу не қарсы шығу

Әр топ өздеріне берілген тақырыптары бойынша осы сұрақтарға жауап жазады, ортада қорғайды.

ІІІ. Ой толғаныс

Әлемді шарлау стратегиясы.

Әр топ мүшелерін топ ішінде өздерін санау 1,2,3,4,5. 1 номердегі оқушы – президент, 2 – номердегі оқушы – вице министр, 3 – номердегі оқушы – эколог, 4 – номердегі оқушы дәрігер, 5 – номергі оқушы – тілші болады.

Алдымен топпен өз тақырыптары бойынша топтастырып жоба жазады. Жоба дайын болған соң президенттер орнында қалып қалған топтардан келген қонақтарға өз жобасы жайлы түсінік береді. Қалған топ мүшелері дәл солай басқа топтарға барып жобалары жайлы мәлімет алады. 4 топты айнылып келген соң өз топтарына оралып алған мәліметтерімен бөліседі. Тілші ортада жобаны қорғайды.

Қорытынды. Мұғалім қорыта келе оқушыларға келесі сұрақтарды қояды:

1. Сіздер қандай жаңалық білдіңіздер?

2. Сіздерді не таң қалдырды?

3. Сіздерді не ойландырды?

1. Экстази деген не? (Есірткінің жас балаға арналған түрі. Оны қабылдаған бала шаршағанын білмейді.)

2. Есірткінің қандай түрін білесің? (Анаша, кокаин, апиын, ең көп тарағаны – героин, темекі.)

3. не себептен балалар темекің шеге бастайды? (Отбасындағы адамның, өзіне үлгі тұтатын адамның темекі шегуі атақты компаниялардың жарнамалары әсер етеді.)

4. Салауаттылық сөзінің негізгі мағынасы. (Парасатты, байыпты, ақылды, ойлы, зерделі, сабырлы.)

5. Нашақорлық деген не? (Өлімге апаратын тура жол.)

6. Нашақорлар неден өледі? (Шамадан артық қабылдаудан.)

7. Нашақорлар есірткіге ақшаны қандай жолмен табады? (Өтірік айту, ұрлық, кісі өлтіру, қыз балалар жезөкшелікпен айналысады.)

8. Темекі шеккіш адамның әр апта сайын бір күндік өмірі қысқарады деген рас па? (Рас.)

9. Темекі шегудің зияны жайлы адам неғұрлым көп білсе, қызығуы аз болады деген дұрыс па?

10. Адам ағзасына зиян келтіретін жағдайлар. (Дұрыс тамақтанбау, ішімдік ішу, темекі шегу, нашақорлық.)

11. СПИД деген не? (Жұқпалы індет.)

12. Есірткі дегеніміз не? (Бұл адамның көңіл – күйін, сана – сезімін, мінез – құлқын бұзатын қауіпті, тыйым салынған химиялық зат.)

1. Адам жыл бойы күніне бір қорап темекі шегетін болса, өкпесінде қанша темекі қордасы жиналады? (1 литрге жуық.)

2. Адам үшін никотиннің өлімге жеткізетін мөлшері қандай? (50-100мг немесе 2-3 тамшы, ол күніне 20-25 тал.)

3. «Бәсең темекі шегу» деген термин нені білдіреді? (темекі шекпейтін адамның айналасындағы темекі шегетін адамның темекісінің түтінін жұтуы. Темекі шегетін адамның кесірінен басқа адамның жапа шегуі.)

4. СПИД қалай жұғады? (Шприц, қан, жыныстық қатынас, инфекция жұқтырған анадан босанған кезде баласына беріледі.)

5. СПИД неліктен қорқынышты? (Ауырғаннан кейін ең көбі 5-7 ақ жыл өмір сүреді, ең жаманы емі жоқ.)

Бұл турда әр топқа ортақ сұрақтар беріледі де, ойлануға 5-7 минут уақыт бөлінеді.

1. Нашақорға заң несімен қауіпті?

2. Нашақор адамды суреттеп көрсету. (ол – есірткі басқаратын робот. Ұрлықшы, нашақор, басында еркі жоқ адам. Қоғамда қатерлі, жұмыста тұрақты емес.)

3. Нашақор адаммен сау адамды қалай айыруға болады?

4. Есірткінің кеселін айтып шық.