Зорлық-зомбылықсыз балалық шақ» «Табиғат аясындағы демалысқа қалай дайындалу керек?»

Сынып жетекші:

Күні:

20.01.2025

Сынып: 4

Сабақтың тақырыбы:

«Зорлық-зомбылықсыз балалық шақ»

«Табиғат аясындағы демалысқа қалай дайындалу керек?»

Мақсаты

 Оқушыларға адам құқығы мен бала құқықтары туралы ақпарат беру.

 Қиын жағдайларда көмек сұрау дағдыларын дамыту

 Зорлық-зомбылыққа төзбеушілік көзқарасын қалыптастыру.

 Табиғат аясындағы демалыс кезінде қауіпсіздік ережелерін үйрету.

. Балалар мен ата-аналарды табиғатқа шығуға дайындықтың негізгі кезеңдерімен таныстыру.

 Қауіпті жағдайлардың алдын алу үшін қажетті дағдыларды қалыптастыру.

Сабақтың кезеңі/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

Сәлемдесу:

Армысыздар, қымбатты оқушылар! Сіздерді көргеніме қуаныштымын!

Барлықтарыңыздың жүздеріңізден күлімсіреу көрініп тұр! Керемет!

Оқушылар жұдырық түйістіру арқылы бір біріне достық ықыластарын білдіреді.

Көңілді әуен

Сабақтың ортасы

Сабақтың мақсатын түсіндіру.

Кіріспе бөлім:

Мұғалім:

«Әр баланың бақытты, қауіпсіз балалық шағы болуы тиіс. Бүгін біз зорлық-зомбылық деген не екенін, оның қандай түрлері бар екенін және одан қалай сақтануға болатынын талқылаймыз.»

Оқушылардан сұрақ қою:

«Зорлық-зомбылық дегенді қалай түсінесіздер?»

«Балалар қандай құқықтарға ие?»

Негізгі бөлім:

1) Баяндама:

Бала құқықтары туралы негізгі мәліметтер:

БҰҰ Бала құқықтары туралы конвенция.

Балалардың өмір сүру, білім алу, қорғау құқықтары.

Тақырыпты талдау:

Зорлық-зомбылық түрлері:

Физикалық

Психологиялық

Экономикалық

Жыныстық

Әр түріне мысал келтіріп түсіндіру.

Жағдайлық тапсырмалар:

Оқушыларды топқа бөліп, жағдайларды талдау:

«Егер сені біреу қорқытса, не істейсің?»

«Досың зорлық-зомбылыққа ұшыраса, оған қалай көмектесесің?»

«Қиын жағдайға тап болсаң, кімге хабарласасың?»

Бейнеролик көру:

Тақырыпқа сай қысқа бейнеролик көрсетіп, оны талқылау.

Оқушылар сұрақтарға жауап береді

Оқушылар сурет салып, тапсырмаларды орындайды.

Оқушылар бірін -бірі бағалайды

Ақ қағаз, фломастерлер

Қорытынды:

Балалардан сабақты қорытындылау сұрақтары:

«Зорлық-зомбылықсыз өмір сүру үшін не істеуіміз керек?»

«Көмекке жүгінудің қандай жолдарын білесіздер?»

Мұғалім:

«Әрқайсымыз қоғамның бір бөлшегіміз. Зорлық-зомбылыққа төзбеушілік – тек қана өзіміз үшін емес, айналамыздағы адамдар үшінде маңызды. Барлық қиындықта сіздерге көмекке келетін үлкендер бар екенін ұмытпаңыздар.»

Рефлексия:

Оқушыларға «Зорлық-зомбылықсыз әлемді қалай елестетесің?» деген сұрақ қойып, өз ойларын қағазға түсіруін сұрау (сурет немесе жазбаша

Сабақтың соңында:

Қауіпсіздік пен көмек көрсету қызметтерінің телефондары:

150 – Сенім телефоны

111 – Балалар мен жасөспірімдерге арналған қолдау орталығы.

Қорытынды нәтижесі:

Оқушылар зорлық-зомбылық туралы ақпарат алып, қиын жағдайда қалай әрекет ету керектігін үйренді

Оқушыларға сыйлықтар тарату

Ақ қағаз

Қауіпсіздік сабағы

10 мин

Сабақтың тақырыбы , мақсатымен таныстыру:

Қысқаша кіріспе:

«Табиғат аясында демалу өте пайдалы және көңілді. Бірақ, қауіпсіздік ережелерін білмесек, демалыс орнына қауіпті жағдайларға тап болуымыз мүмкін. Бүгін біз табиғат аясындағы демалысқа қалай дұрыс дайындалу керектігін және өзімізді қалай қорғау қажеттігін талқылаймыз.»

Кіріспе бөлім:

Табиғат аясындағы демалыстың пайдасы:

Дене шынығуы және психологиялық демалу.

Қоршаған ортаға жақын болу және оны қорғау дағдыларын қалыптастыру.

Сұрақ:

«Сіз соңғы рет табиғатқа қашан шықтыңыз? Қандай жағдайлар сізге қиындық тудырды?»

Негізгі бөлім:

1) Табиғатқа шығу үшін дайындық кезеңдері:

Жоспарлау:

Қайда барасыз, қанша уақытқа, кіммен барасыз?

Метеорологиялық болжамды тексеру.

Жол сөмкесін дайындау:

Қажетті заттар:

Киім: ауа райына сай ыңғайлы және жылы киімдер.

Тамақ пен су.

Дәрі-дәрмек қобдишасы.

Компас, карта немесе GPS.

Шам (фонарь) және қосымша батареялар.

Қосымша құралдар: от жағуға арналған құрал, пышақ, арқан, суға арналған сүзгі.

Коммуникация:

Жақындарыңызға қайда баратыныңызды айту.

Телефонның зарядын толықтыру және қосымша қуаттау құрылғысын алу.

Табиғат аясында қауіпсіздік ережелері:

Орманда:

Жолдан шықпау, белгіленген соқпақтармен жүру.

Бейтаныс өсімдіктер мен саңырауқұлақтарды жинамау.

Өзіңізбен бірге су мен тамақтың жеткілікті мөлшерін алу.

Жәндіктерден қорғану үшін репеллент қолдану.

Өзен-көл жағасында:

Қатты ағысы бар жерлерде жүзбеу.

Балаларды су жағасында қараусыз қалдырмау.

Құтқару жилетін пайдалану.

Тау немесе шөлейт жерде:

Қатты күннен қорғану: бас киім және күннен қорғайтын крем қолдану.

Биіктікте сақтықпен жүру.

Қауіп туындаған жағдайда:

Жолдан адассаңыз:

Қорықпаңыз, тұрған жеріңізді анықтауға тырысыңыз.

Карта немесе компас пайдаланыңыз.

Төтенше жағдайлар қызметіне хабарласыңыз (112).

Жарақат алған жағдайда:

Алғашқы көмек көрсетіңіз немесе жақын адамдардан көмек сұраңыз.

Дәрі қобдишасын пайдаланыңыз.

Жабайы жануарлармен кездесу:

Сабырлы болыңыз, жануарды қорқытпауға тырысыңыз.

Жануарға жақындамаңыз және оны мазаламаңыз.

Практикалық бөлім:

Жол сөмкесін дұрыс жинау:

Қатысушылармен бірге сөмкені жинау жаттығуын өткізу.

Жағдайлық тапсырмалар:

«Егер сіз орманда адассаңыз, не істейсіз?»

«Кенеге тап болсаңыз, қалай әрекет етесіз?»

Қорытынды бөлім:

Мұғалімнің қорытынды сөзі:

«Табиғат аясындағы демалыс бізге үлкен ләззат сыйлайды. Бірақ, қауіпсіздік ережелерін сақтау – ең маңыздысы. Алдын ала дайындалып, барлық қауіпсіздік шараларын қолдансаңыз, табиғатта өткізген уақытыңыз тек жағымды әсерлермен есіңізде қалады.»

Қатысушылардан кері байланыс сұрау:

«Бүгінгі сабақта қандай пайдалы ақпарат алдыңыз?»

«Табиғатқа шыққанда тағы қандай шаралар қолданасыз?»

Қосымша ақпарат

Төтенше жағдайлар қызметінің нөмірі: 112

Қазақстанда танымал демалыс орындары мен олардағы қауіпсіздік талаптары туралы ақпарат.

Табиғатты қорғау туралы кеңестер.

Нәтиже:

Қатысушылар табиғат аясындағы демалысқа дұрыс дайындалу және қауіпсіздік шараларын сақтау дағдыларын меңгереді. Қауіпті жағдайлардың алдын алу мәдениеті қалыптасады.

Оқушылар сұрақтарға жауап беру арқылы тақырыпты түсінеді.

Әр оқушы шешімдерін таныстырады

Оқушылар өз ойларын бөліседі.

Презентация

Жазбаша нұсқаулықтар, қауіпсіздік ережелері жазылған плакаттар.

Табиғатта қолданылатын құрал-жабдықтардың макеттері немесе суреттері (жол сөмкесі, шатыр, фонарь, дәрі-дәрмек қорабы).

Слайдтар мен бейнероликтер

Қауіпсіздік ережелері жазылған ақпараттық материалдар.

Сабақтың соңы

Оқушылар біз бүгін сіздермен қоғамдасғы өте өзекті екі тақырыппен таныстық, ой бөлісіп, пікір алмастық. Бүгінгі сынып сағатынан алған білімдеріңіз өмірлік азық болады деп тілеймін .

Барлығы бүгінгі сабақта алған әсерлерімен бөліседі.

Бүгінгі сабаққа белсенді қатысқан оқушыларға алғыс білдіріп, мадақтау.