1 - мамыр Қазақстан бірлігі күніне слайд

1 слайд
Инста: mugalim_platformasy

2 слайд
Қазақстан халқының бірлігі күні  — Қазақстанда жыл сайын тойланатын мереке. Мереке 1996 жылдан бастап тойланады. 1995 жылдың 18 қазанында Қазақстан президенті Нұрсұлтан Әбішұлы Назарбаевтің жарлығы бойынша 1 мамыр — Қазақстан халқының бірлігі күні деп жарияланды.

3 слайд
Кеңес заманында 1 мамыр жұмысшылардың өз құқықтары үшін күресін дәріптеу мақсатында, жұмысшылардың халықаралық ынтымақтастық күні ретінде аталып өтті және бұл күні барлық жұмысшыларға құрмет көрсетілді.

4 слайд
1 мамыр неліктен Бірлік күні деп аталады? Тәуелсіз Қазақстанда еңбекшілердің ынтымақтастығы мерекесі жаңа сипатқа ие болды. Ол елдің тарихи ерекшелігін — оның көпұлтты құрамын көрсететін, бейбіт елде ұлттар мен ұлыстар татулық пен бірлікте өмір сүре әрі дами алатындығын насихаттайтын айтулы күнге айнала білді.

5 слайд
1995 жылы ҚР ел президенті басшылық ететін, әлемнің басқа бірде бір елінде кездеспейтін, Қазақстан халқы Ассамблеясы сынды теңдессіз ұйым құрылды. Ол жалпықазақстандық бірлік моделін қалыптастыруда маңызды рөл атқарады және ұлттық мәселеде мемлекеттік саясатты іске асыра отырып, қоғамда тұрақтылықты қамтамасыз етеді.

6 слайд
Қазақстан халқы Ассамблеясы этносаралық қатынастар саласындағы барлық құрылымдардың жұмысын, оның ішінде еліміздің барлық өңірлеріндегі көптеген этномәдени бірлестіктерді дамыту жұмысын үйлестіреді. Мұндай мәдени орталықтар еліміздің барлық қалалары мен елдімекендеріндегі Қазақстан халқының бірлігі күніне орай өтетін салтанатты іс-шаралардың басты ұйымдастырушылары болып табылады.

7 слайд
Қазақстанда 1 мамырды қалай атап өтеді? Мерекеге дайындық алдын-ала басталады – әр қала немесе ауыл тұрғындары тұрғылықты жерін ретке келтіріп, жолдар мен тротуарларды, саябақтар мен аулаларды қыстан кейін тазалайды, ағаштар мен жол жиектерін ағартады, көшелерге мерекелік көрініс береді.

8 слайд
Сондай-ақ мерекеге қатысты елде қалыптасқан ерекше дәстүрлер де бар:  1 мамыр күні ертемен ҚР Президенті аталған жалпыхалықтық мерекемен барлық ел тұрғындарын құттықтайды.  Салтанатты шара еліміздің түкпір-түкпірінен келген талантты жұлдыздар мен шығармашылық ұжымдар қатысатын мерекелік концертпен жалғады Бұл күні елдің түкпір-түкпірінде түрлі мерекелік іс-шаралар, жәрмеңкелер өтеді, балаларға арналған ойын алаңдары жұмыс істеп, байқаулар мен шерулер ұйымдастырылады.  Түрлі этностардың мәдени орталықтары көрмелер, байқаулар, фестивальдар өткізеді, өздерінің ұлттық шағын музейлерін ашады. Бұл қазақстандықтарға өзге ұлттардың мәдениеті, әдет-ғұрыптары және салт- дәстүрлерімен таныстыруға мүмкіндік береді.

9 слайд
1 мамырда не істеуге болады? Еліміздің кез келген тұрғыны концерттер мен конкурстарға, спорттық жарыстарға, жеңіл атлетика марафондарына қатыса алады. Жастар үшін би кештері ұйымдастырылады. Жалпы ел тұрғындары үшін Халықтар бірлігі күнінің берері мол. Бұл күн тұтас қазақ елі мен ондағы этностардың бірлігін айғақтайтын күн. Ендеше айтулы мейрамды жақындарыңызбен бірге көңілді әрі мағыналы өткізеді деген сенімдеміз.

10 слайд
Назарларыңызға рахмет!!!