1-сыныпқа сабақ беру ережелері

1 слайд
«1-сыныпқа сабақ беру ережелері» Дайындаған: Кенжебаева А.В Тексерген: Батырбекова А.Н

2 слайд
«Бүгінгі бала- ертеңгі   елдің   болашағы »

3 слайд
Мектепте оқу - бала өміріндегі әр түрлі жүктемесі бар ең маңызды кезеңге жатады: бала өміріндегі әлеуметтік -психологиялық өзгерістер - жаңа қарым-қатынастар, жаңа міндеттер, «оқушының» жаңа әлеуметтік рөлі. Оқушы болу баланы саналы түрде өзінің орнын, мұғалімнің позициясын, қарым-қатынастағы белгіленген ара қашықтықты, осы қарым- қатынастар құрылатын ережелерді талап етеді.

4 слайд
Оқу жұмысын ойдағыдай жүргізу үшін балалардың жас ерекшеліктері мен жеке ерекшеліктерін,олардың зейін, қабылдау, ес, ойлау, қиял ерекшеліктерін, сезім, ерігі мен жеке қасиеттерін жақсы білу керек!

5 слайд
Балалардың мектепке тез бейімделуіне, мұғалім де көптеген үлес қосады. Сонымен қатар мұғалім ,сабақ беру кезінде бірқатар ережелерді ұстанғаны дұрыс.

6 слайд
«1-сыныпқа сабақ беру ережелері»  Оқытудың мазмұны оқушылардың жас ерекшеліктеріне сай болуы тиіс. Алайда оқылатын материал үнемі оңай, жеңіл – желпі болмауы керек. Оқыту процесінде шамасы жететін қиыншылықтарды өз күштерімен жойып отыруға оқушыларды мәжбүрлеген жөн.

7 слайд
 Материалды оқушыға ұғындыру, оларды білім алуға дағдыландыру көп жағдайда оқыту тәсілдеріне байланысты. Мұғалімнің күнделікті сабақ беру барысында түрлі тәсілдерді өзгертіп қолданып отыруы да аса маңызды рөл атқарады. «1-сыныпқа сабақ беру ережелері»

8 слайд
«1-сыныпқа сабақ беру ережелері»  Сабақ барысында қолданылатын көрнекіліктердің шамадан тыс болуы,баланың сабаққа деген қызығушылығын төмендетіп,ойың басқа жаққа аудартады.Нәтижесінде бала сабаққа немқұрайлылық танытады

9 слайд
«1-сыныпқа сабақ беру ережелері»  Көрнекіліктер мен тақтаға ілінген сабақ тақырыптарының бір түсте,біркелкі болуы маңызды. Егер тақтаға сабақ тақырыбы жазылатын болса, әріптер өлшемі бірдей болып, бір сызық бойында, түзу етіліп жабыстырылуы да маңызды рөл атқарады

10 слайд
«1-сыныпқа сабақ беру ережелері»  Сабақ беру барысында көрнекіліктерді ойын ретінде пайдалануға болады.Оның барлығы сабақтың нақты мақсатына байланыстырылып беріледі. Бірақ,ескеретін жайт, оқушыларға бірден бірнеше көрнекілік ұсынуға болмайды!

11 слайд
Оқушылар жазу ережесін сақтап отырғанда ғана дұрыс жазуға үйрене алады.Жазуға негізінен мынадай талаптар қойылады:  Әріпті дұрыс жазу,дәптердің көлденең сызығынан ауытқымау  Әріптердің элементтерін жазғанда ұзынды-қысқалы етпей, тегіс, бірдей жазу  Әріптердің бірін оңға,бірін солға қисайтпай, барлық әріпті бірдей, оңға қарай, сәл көлбете жазу  Әріптердің,сондай-ақ сөздердің арасындағы қашықтықты бірқалыпты сақтап отыру  Бірте-бірте жазу қарқынын тездете түсу

12 слайд
Жазуға кірісерде алғашқы күннен бастап орындалуға тиісті гигиеналық талаптар:  Дәптер партаның үстіне, баланың кеудесінің қақ ортасына тура келетіндей болып, сәл көлбеу қойылады.  Бала басын оңға не солға, иықтарын,кеудесін алға не артқа қисайтпай, аяқтарын қатар қойып,алдына түзу қарап отырады. Бұл олардың омыртқалары ,көкірегі дұрыс жетілу үшін қажет.

13 слайд
Жазуға кірісерде алғашқы күннен бастап орындалуға тиісті гигиеналық талаптар:  Балалар табандарын еденге еркін басып отырады.Тізені қатты бүкпей,бір аяқты екінші аяқтың үстіне қоймай, аяқтарын я алға,я сыртқа сілтемей отырғаны дұрыс.  Партаға көкіректі тіремеу керек. Өйткені бұл тынысты тарылтады, жаңа өсіп келе жатқан кеудені бұзады.

14 слайд
Бүгін кіп – кішкене бала – ертең  азамат. Азамат – Отанның тірегі. Олай болса,  ұстаз  ел  іргесін  бекітетін  болашақ  иелерін  тәрбиелеуші.

15 слайд
Ақырын  жүріп , анық  бас , Еңбегің  кетпес  далаға. Ұстаздық  еткен  жалықпас Үйретуден  балаға.