Адалдық сағаты "Адал жанның-ары таза" Серикова Назира Каирбаевна

1 слайд
Шешен кісі сөз бастар , Адал кісі – ел бастар . Жамбыл ЖабаевАқмола облысы Қорғалжын ауданы Амангельді орта мектебі «Адал жанның, ары таза» тақырыбындағы адалдық сағаты Оқушылардың бойына адамгершілік қасиеттерін дарыта отырып, адалдық, әділдік, шынайылық туралы білімін жетілдіру. Жан-жақты білімге тоқтала отырып, ой-санасын кеңейту. Үлкенге құрмет, кішіге ізет көрсете жүріп, өзіне деген құрметін арттыруға тәрбиелеу. МАҚСАТЫ Тарих пәнінің мұғалімі: Серикова Назира Каирбаевна

1 слайд

2 слайд
АДАЛДЫҚТЫҢ ТАРИХИ ТҰРҒЫДАН МАҢЫЗДЫЛЫҒЫ Бүгінгі Адалдық, Парасаттылық, Әділдік және Сенім құндылықтарын насихаттау мақсатында Сіздерге арнайы адалдық сағатын ұйымдастырып отырмыз. Жалпы, бұл қасиетті ұғымдар қазақ болмысына жат емес.Осы құндылықтардың арқасында туыстас тайпалар бірігіп, Қазақ хандығының негізі қаланды. Ұлан-асыр жеріміз, төл мәдениетіміз, тарихымыз сақталып, бізге аманат етіп тапсырылды. Ғасырлар бойы қазақ хандарының билігін, елдің тұтастығын сақтаған Қасымханның қасқа жолы, Есімханның ескі жолы және Тәукеханның Жеті жарғысы да осы құндылықтармен түбірлес. Қазақ қоғамында қылмыс пен жаза, әрекет пен айыптау мәселелерінің әділдігі, Отанға және отбасыға деген адалдық, жаратушыға деген сенім. Осы қасиеттерді бойына сіңіре білген талай тарихи тұлғаларымыз адалдыққа сүйене отырып, әділ шешім қабылдай білген. Бұрыннан келе жатқан адамдық қасиеттерімізді жоғалтып алмай, бойымызға сіңіріп алайық.

2 слайд

3 слайд
АДАЛДЫҚТЫҢ ОТБАСЫЛЫҚ МАҢЫЗДЫЛЫҒЫ Әрбір бала дүниеге келгенде ақылды, парасатты, саналы болып туылмайды. Адам бойына жақсы-жаман қасиеттер жүре дариды. Тек ол қасиеттерді қабылдау немесе қабылдамау адамның отбасылық тәрбиесіне , қоршаған ортасына байланысты. Әр адам өз өмірінің қожасы. Сондықтан, алдағы уақытта өмірлік жолын таңдарда адаспауы керек. Себебі, бала ата-анасының айнасы.

3 слайд

4 слайд
АДАЛДЫҚТЫҢ БІЛІМ БЕРУДЕГІ МАҢЫЗДЫЛЫҒЫ Әр сабақата, әр пәнде ұлы ғұламалардың сөздерін тілге тиек ете отырып, тақырыпты толықтай ашуға тырысамыз. Ертеден қазақтың адалдық жайында өзіндік пайым-түсінігі туралы Ұлы  Абай : «Алдау қоспай, адал еңбегін сатқан, қолы өнерлі қазақтың әулиесі сол», - дейді.  Адамгершілік  мектептегі бойына сіңірген тәрбиесіне, біліміне, адал еңбектенуге байланысты қалыптасып, адамның жеке басы мен моральдық тұлғасын сипаттайды. Шәкәрім  қажы  адалдық  турасында: Мақтан үшін мал жима, жан үшін жи,  Ғибадат  пен пен адалдық ар үшін жи, - деп, бақыттың өзі адалдыққа негізделетінін айта келіп, адалдықтың ар біліміне қатысына да ерекше көңіл бөледі. Адалдық қорғау қажеттігін, ол үшін адам бойындағы асыл қасиеттердің бірлікте болуын ашып көрсетеді.

4 слайд

5 слайд
АДАЛ ДЫҚТЫҢ ИСЛАМДАҒЫ МАҢЫЗЫ Саналы ғұмырында адал жолмен мал табу, қоғамға, Отанға адал қызмет ету - Алла Тағаланың адам баласына жүктеген міндеттерінің бірі. Ауырдың үстімен, жеңілдің астымен тер төкпестен,  алдап- арбау, түрлі қулық-сұмдық жолдармен тапқан дүниенің қайырлы болмасы белгілі. Шын мәнінде, кімде-кім бала-шағасын, отбасын адал жолмен асырау мақсатында шынайы еңбек етсе оның мерейі тасып, ырысы асатындығы сөзсіз. Бұл жөнінде Алла Тағала қасиетті Құранда да жазған

5 слайд

6 слайд
АДАЛДЫҚТЫҢ ҚҰҚЫҚТЫҚ ТҰРҒЫДАН МАҢЫЗДЫЛЫҒЫ Жемқорлық – індет, оның алдын алу міндет.Себебі ол, мемлекет пен қоғамның тұрақтылығына, елдің қауіпсіздігіне қауіп төндіріп, жүргізіліп жатқан экономикалық және әлеуметтік реформаларға кедергі келтіреді. Осы орайда, қызметін адалдықпен атқарған адам заң алдыңда, оған сенген ел алдында ары таза болады. Жаңадан сайланған Ел Президенті Қасым-Жомарт Кемелұлы да өзінің сайлауалды бағдарламасында жемқорлықтың түп-тамыры жойылғанша күрес жүргізілетінін жеткізді. Осылайша, сыбайлас жемқорлыққа қарсы күрес мемлекет саясатының басым бағыттарының бірі ретінде айқындалды.

6 слайд

7 слайд
Құрметті оқушылар!!! Адалдық жайлы бір мысалды келтірейін. Ертеректе ел ішінде Әйтімбет деген сөзге шешен адам өмір сүріпті. Бір күні замандастары әңгіме-дүкен құрып отырған шақта оған: – Осы достықтың неше түрі болады?, - деп сауал тастаған екен. Сонда Әйтімбет: – Достықтың екі түрі болады. Бірі – адал достық, екіншісі – амал достық, – деп жауап қайтарыпты. Замандастары тағы да:  – Енді осы екі достықты қалай ажыратамыз? – деп сұрапты. Әйтімбет ойланбастан:  – Адал достық – өмірлік нұсқа болады, амал достықтың өрісі қысқа болады, – депті. Сондықтан да, оқушылар, бойларыңда адалдық қасиеті жоғары болсын. Сонда ғана айналадағы адамдар да сендерге адал, әрі болашақтарың да жарқын болады. Жалпы, адалдықтың биік шыңы – ол парасаттылық.

7 слайд

8 слайд
Адамның өсіп-өнуі уақытпен тығыз байланысты. Бірақ, өзгеруі, бойына жақсы немесе жаман қасиетті сіңіруі өзіне байланысты. Барлығымыз, бір-бірімізге жақсы ниетімізді көрсетіп, жылы лебізімізбен бөлісіп отырайық. Бүгін, достыққа адал болсаңдар, есейгенде достарыңның көп болатынына сенімді болыңдар.

8 слайд

9 слайд
Адалдық өмірінде керек нәрсе, Ол да гүлдеп, нұрланар көңіл бөлсе, Халыққа өз пайдасын тигізе алмай, Адам боп, өзін-өзі меңгермесе.

9 слайд

10 слайд
Адалдықтың негізгі белгілері

10 слайд

11 слайд
Құрметті оқушылар, бүгін бізге берілген Адалдық сабағымыз өз соңына жетті. Әрдайым есте ұстаңдар: Өзіне - өзі сенімділік туа біткен қасиет емес, демек, оны адам өзінің бойында дамытуы тиіс. Сенім - жетістіктің кілті, ал сол кілт өздеріңнің әрқайсыңның қолыңда  

11 слайд