#1 слайд
Ардагер ұстаз! Рамазанов Жұмабек 1953 жылы 1 ақпанда Көкжайдақ ауылында дүниеге келген. Талдықорған Педагогикалық университетінің «Дене шынықтыру және спорт» мамандығын бітіріп, 1975-2015 ж.ж. аралығында «Абай атындағы» орта мектепте, «Жаңатілеу» орта мектебінде ұстаздық қызмет атқарып, дене шынықтыру пәнінің мұғалімі болды. 2011 жылы Қазақстан Республикасының Білім министрінің «Алтынсарин» төсбелгісімен марапатталды, Алматы облысының туризм, дене шынықтыру және спорт басқармасы грамотасы «ҚР тәуелсіздігінің 20 жылдығына орай, Алматы облысында дене шынықтыру және спортты дамытуда жас ұрпақты салауатты өмір салтын ұстануға тәрбиелеуде атқарған зор еңбегі үшін», Аудан әкімінің «Құрмет грамотасы». Алматы облысы «Нұр Отан» халықтық Демократиялық партиясының «Құрмет грамотасы», 2013 жылы ҚР Спорт және туризм министрлігінің дене шынықтыру және спортты дамытуға қоскан үлесі үшін «Құрмет белгісі» медалімен марапатталды. Рамазанов Жұмабек құрметті де ұлағатты ұстаз зейнеткерлікке шыққанша ұстаздық қызметін абыроймен атқарады.

1 слайд

#2 слайд

2 слайд

#3 слайд
1978-1979 жылдары оның командасы допты хоккейден облыста Ақсу ауданының намысын қорғап, жеңістің ең биік тұғырынан көрінді. Ұзақ жылдарғы тамшылап төгілген тер, жұмсалған күш жігер Жұмабекке зор абырой мен атақ әперді. Командасы бірнеше мәрте аудан, облыс чемпионы болумен қатар, өзі «Ең үздік ойыншы», «Ардагер жаттықтырушы» атанды. Жұбайы Сарби Ешенқызы зейнеткер, алтын алқа иегері. Екі қыз, бес ұл тәрбиелеп өсірген ардақты ата-ана. Қадірлі де, аяулы, қымбатты ата мен әже! Осы балаларынан 18 немере 2 шөбере тәрбиелеп өсіруде. Балаларының барлығы да еңбек етуде.

3 слайд

#4 слайд
Зейнеткер ұстаз – құрметті еңбек демалысында болса да қысқы спорт ойыны шаңғыны да бағындыруда. Атап айтатын болсақ 2021, 2022 жылдары Алматы облыстық 60-70 жас аралығындағы Нарынқол ауданында, 2023 жылы Сарқан ауданында, 2024 жылы Талдықорған қаласында өткен Қысқы денсаулық фестиваліне қатысып, спортпен шұғылданудың, қажырлы еңбегінің арқасында Шаңғы жарысынан жүлделі II орындарды иеленіп жүр.

4 слайд

#5 слайд
Тәрбиелеген оқушылары: Сарқытова Жадыра стол теннисінен үш дүркін облыс чепионы, республикалық жарыстардың жүлдегері атанған. Талғатова Ақпейіл 2010 жылы I ауыл жасөспірімдерінің республикалық спорт ойындарында жеңіл атлетикадан жүлделі 2 орын алған. 2009 жылы Облыстық ауыл жасөспірімдер арасындағы спартакиадасында волейболшы Талғат Абсатаров «Үздік шабуылшы» атанған. Қазіргі таңда «Алматы облысының білім басқармасы» мемлкеттік мекемесінің «Дене тәрбиесі, спорт, алғашқы әскери дайындығы және қосымша білім берудің ғылыми – тәжірбиелік орталығы» коммуналдық мемлекеттік мекемесінде әдіскер қызметін атқаруда. 2000-2001 жылдары туылған мектеп жасөспірімдер арасында қыздар командасы Талдықорған қаласында өткен облыстық чемпионатында 2 орынды жеңіп алған. 2001-2002 жылдары туылған мектеп жасөспірімдер арасында ұлдар командасы Сарқан ауданында өткен облыстық чемпионатында 3 орынды жеңіп алған.

5 слайд

#6 слайд

6 слайд