#1 слайд
Публицистика – журналистикадағы шығармашылықтың негізгі түрі

1 слайд

#2 слайд
“ Бүгінгі таңдағы дамыған публицистика бірден пайда бола қойған жоқ. Публицистиканың тууының өзі көне дәуірлердегі адамдардың бір- бірімен ақпарат алмасуынан бастау алады. Сонау ерте замандарда адамдар арасында ақпараттық қажеттілік пайда болды. Бір адам екінші адамға, бір адамдардың тобы екінші адамдар тобына өз ойларын жеткізгісі келді. Бұл алғашқы қауымдық құрылыс кезіндегі тілдің пайда болуымен тікелей байланысты еді. Сөйтіп адамдар санасындағы идеялар, көзқарастар мен ойлар тіл арқылы басқаларға таралып, іс жүзіне аса бастады. Шығу тарихы

2 слайд

#3 слайд
Публицистика – журналистикадағы шығармашылықтың негізгі түрі  Көсемсөздің шығу тарихына үңілетін болсақ, бұл латынның publ і cus – қоғамдық деген сөзінен шыққан. Бір сөзбен айтқанда, публицистика сөзінің этимологиясы “қоғамдық” деген сөзге тікелей қатысты. Публицистика дегеніміз – өмір айнасы, журналистиканың биік шыңы, заман тарихы, дәуір тынысы, өмір шежіресі.

3 слайд

#4 слайд
Нақтырақ айтқанда Публицистика - әдебиет пен журналистиканың қоғамдағы өзекті, өмірде болып жатқан өткір мәселелерді қозғайтын саласы. Публицист сөзі “Публицистика” деп аталатын жанрға қатысты пайда болған. Публицистикамен айналысатын адамды – публицист деп атайды. Публицистика белгілі бір уақыттың, күннің сол дәуірдің саясатымен, философиялық тұрғыда қарастырылатын көзқарастарымен байланыстырады. Көсемсөз халықтың рухын көтеретін ұшқыр да уытты көркем тілмен жазылады, көпшілікті игі іске шақырады, бір мақсатқа жұмылдырады.

4 слайд

#5 слайд
Публицистика да сөз өнерінің үлкен бір саласы. Публицистика – ақиқат өмірдің суреті және оның негізгі арқауы - шындық. Публицистикалық шығармада өмірлік деректер мен құбылыстардың бәрі де бірдей талғаусыз алынбайды, белгілі бір мақсатқа қызмет ететін айғақ-деректер ғана кәдеге жарайды. Қай заман публицистикасы болсын өмір құбылыстары мен оқиғаларын сол дәуірдің әлеуметтік көзқарасы тұрғысынан саралайды. Ғалым Бауыржан Жақыпов қазақ публицистикасының қалыптасу, даму жолдарына арнаған монографиясында публицистикаға былай анықтама береді: “Публицистика да сөз өнерінің үлкен бір саласы. Ол көркем әдебиетпен бірге туып, қалыптасып, өсіп, өркендеп келе жатқан шығармашылықтың ерекше бір тармағы”

5 слайд

#6 слайд
Қазақ зерттеушілерінің ішінде публицистикаға тұңғыш анықтаманы Ахмет Байтұрсынов өзінің “Әдебиет танытқыш” атты еңбегінде берді. Публицистика өмір барлаушысы ғана емес, өмір шындығын, өмірдің өзекті мәселелерін, халықаралық саясат туралы, күнделікті тіршілік құбылыстарын, замана шежіресін жасауға, суреттеуге мейлінше оңтайлы. Өмір шежірелерін публицистика жанрлары арқылы жасау баспасөз, радио, теледидар, кино секілді сан-салалы мүмкіндіктері бар бұқаралық ақпарат құралдары арқылы жүзеге асады.Қазақ зерттеушілерінің анықтамалығы

6 слайд

#7 слайд
Назар аударғандарыңызға рахмет!

7 слайд