#1 слайд
Бастауыш мектепте қазақ тілі пәнінің мазмұны мен оқу мақсаттарының жүйесі Әдістері:«Insert»стратег иясы, «SWOT» талдау,«Миға шабуыл»,«ББҮ» стратегиясы

1 слайд

#2 слайд
«Қазақ тілі» пәнін оқытудың мақсаты - қоғамдық ортада қазақ тілінде қарым-қатынас жасау мүмкіндіктерін қамтамасыз ететін коммуникативтік дағдылардың негізін қалыптастыру және тілдік нормаларды қолдануға, сауатты жазуға үйрету.

2 слайд

#3 слайд
Қойылған мақсатқа жету үшін бірнеше міндеттер шешіледі. Олар: 1)тілдік дағдыларын (айтылым, тыңдалым, оқылым, жазылым) дамыту; 2)қазақ тіліндегі сөздік қорын үздіксіз дамыту әдістерін меңгерту; 3)тұрмыста, қоғамдық орындарда, мәдени орталарда қазақ тілінде қарым-қатынас жасау қабілеттері мен дағдыларын дамыту;   4)қазақ тілінде меңгерген білім, білік, дағдыларын күнделікті өмірде өз бетінше қолдануға дағдыландыру; 5)шығармашылықпен жұмыс істеуге, сын тұрғысынан ойлау қабілеттерін дамыту.

3 слайд

#4 слайд
Осы міндеттер оқыту қазақ тілінде емес мектептің бастауыш сыныптарында мынадай аспектілер негізінде шешілуі көзделеді: 1)оқытудың коммуникативтік аспектісі. Қазақ тілін оқытуды қазақша қарым-қатынас жасау арқылы  ұйымдастыру. Қазақ тілі сабақтарын қазақ тілі туралы емес, қазақ тілінде өткізу міндеті басты орынға қойылады. Грамматикадан – сөйлеуге емес, сөйлесе отырып, грамматиканы меңгеру жолы ұсталады; 2)оқытудың функционалдылық аспектісі мазмұннан – формаға және оның  функциясына бағытталуымен ерекшеленеді. Оқушы белгілі бір сөйлеу міндеттерін шешуде, құптауда, күмәндануда, сұрауда, хабарлауда, бұйыруда осыған қажетті сөздер мен грамматикалық формаларды меңгереді. Сөйлеу, сөйлесу, жазу үдерісінде олар өзара ажырамайтын бірлікте қарастырылады; 3)оқытуды қазақ тілі мен қазақ мәдениетінің байланысы негізінде ұйымдастыру  аспектісі, біріншіден, қазақ тілін қазақ халқының бай мәдениетінің құндылығы ретінде оқыту; екіншіден, қазақ тілін еліміздегі көп ұлттың мәдениетін жинақтаушы, орталықтандырушы фактор ретінде, мәдениеттер диалогінің бастауы ретінде оқыту міндеттері шешіледі.

4 слайд

#5 слайд
Осы міндеттер оқыту қазақ тілінде емес мектептің бастауыш сыныптарында мынадай аспектілер негізінде шешілуі көзделеді: 4)оқытудың жағдаяттылық аспектісі. Қазақша сөйлеу, әңгімелесу, қарым-қатынас жасау белгілі бір экстралингвистикалық факторларға, яғни қазақша сөйлеу/сөйлесу әрекеттері өтетін орнына, уақытына, сөйлесетін адамдарға, олардың арналымына, жасына, тілдік және жалпы дамуына, айналысатын кәсібіне, әлеуметтік мәртебесіне, қызығушылығына байланысты өтеді. Осы көрсетілген мәселелер шартты түрде кім, кімге, неліктен, не үшін, қашан, қалай және не туралы айтады деген сияқты жинақталған коммуникативтік/сөйлеу жағдаяттары берілген тапсырмалар жүйесінде ұсынылады; 5) түпнұсқа материалдар негізінде оқыту аспектісі. Оқу үдерісіне арнайы бейімделмеген түпнұсқа материалдар (телехабарлар, жарнамалар, жапсырмалар, түрлі нұсқаулар мен кестелер) тыңдалым, айтылым, оқылым, жазылым дағдыларын қалыптастыру мақсатында қолданылады;

5 слайд

#6 слайд
Оқу жүктемесінің көлемі Оқу жүктемесінің көлемі: 1)2-сынып – аптасына 4 сағат, оқу жылында – 144 сағат; 2)3-сынып – аптасына 4 сағат, оқу жылында – 144 сағат; 3) 4-сынып – аптасына 4 сағат, оқу жылында – 144 сағатты құрайды.

6 слайд

#7 слайд
Әдіс дегеніміз не? Әдіс – оқу-тәрбие жұмыстарының алдында тұрған міндеттерді дұрыс орындау үшін мұғалім мен оқушылардың бірлесіп жұмыс істеу үшін қолданатын тәсілдері. Әдіс арқылы мақсатқа жету үшін істелетін жұмыстар ретке келтіріледі. Оқыту әдістері танымға қызығушылық туғызып, оқушының ақыл-ойын дамытады, ізденуге, жаңа білімді түсінуге ықпал етеді. Оқытуда ең басты нәрсе – оқушылардың танымдық жұмыстары. Оқыту әдістері ең анық фактілерді білуді қамтамасыз етеді, теория мен тәжірибенің арасын жақындатады.

7 слайд

#8 слайд
Әдіс ұғымы Ж.Б.Қоянбаев, Р.М. Қоянбаевтің «Педагогика оқулығында» оқыту әдістері - бұл мұғалім мен оқушылардың оқу-тәрбие міндеттерін ойдағыдай шешуге бағытталған өзара байланысты іс- әрекетінің тәсілдері деген анықтама берілген. Г.М.Коджаспирова, А.Ю. Коджаспировтың «Педагогикалық сөздігінде» оқыту әдісі – білім мазмұнын меңгеруді, оқушылардың ақыл-ой күштері мен қабілеттерін дамытуды, олардың өзбетімен білім алу және өзбетімен оқу құралдарын игеруді  қамтамасыз етуге бағытталған мұғалімдер мен оқушылардың өзара байланысты, бірізді әрекеттерінің жүйесі деген анықтама берілген. Ж.Әбиевтің және т.б. авторлардың «Педагогика» оқулығында  «Оқыту процесінде оқушыларға ғылым негізіндеріне сай терең де, тиянақты білім беру, оларды адамгершілік рухта тәрбиелеу және дамыту міндеттерін шешудегі мұғалімнің басшылық ету тәсілдері, амалдары мен құралдарының біртұтастығын оқыту әдістері» деп қарастырады.

8 слайд

#9 слайд
Тәсіл дегеніміз не? Тәсіл – оқыту әдісінің элементі. Жоспарды хабарлау, оқушылардың зейінін сабаққа аудару, оқушылардың мұғалім көрсеткен іс-қимылдарды қайталауы, ақыл-ой жұмыстары тәсілге жатады. Тәсіл оқу материалын түсінуге үлес қосады.Оқыту тәсілдерінің түрлері:• ой, зейін, ес, қабылдау, қиялды жақсарту тәсілдері;• мәселелі жағдаят тудыруға көмектесетін тәсілдер;• оқушылардың сезімдеріне әсер ететін тәсілдер; • жеке оқушылар арасындағы қарым- қатынасты басқарутәсілдері.

9 слайд

#10 слайд
Оқытудың белсенді әдістері – бұл ең алдымен студент пен оқытушының қарым- қатынасы тікелей жүзеге  асатын сұқбаттасып оқыту; танымдық әрекеттің арнайы ұйымдастыру формасы.   Ол   толық   айқындалған   және   мақсатын   алдын   ала болжауға болатын оқыту түрі. Сабақтағы интерактивтік әрекет өзара түсіністікке, өзара әрекетке, қатысушылардың әрқайсысына қажет міндетті бірлесіп шешуге алып келетін қарым-қатынас. Оқытудың белсенді әдістері - нәтижесінде оқыту әрекеті барысында білім алушылардың мотивациялық, интеллектуалдық, эмоционалдық және басқа да жақтарынан жетістіктерге жетуді сезіну ситуациясын тудыра алатын, студентке педагогикалық әсерлі танымдық қарым- қатынас құруға кепілдік беретін, оқытушы мен студенттің іс-әрекетін ұйымдастыру тәсілдері.

10 слайд

#11 слайд
Белсенді оқыту әдістерінің арықшылықтары: Әртүрлі оқыту стилін тану; ◆ Студенттердің өзіндік стилін үйренуге ынталандыру; ◆ Оқушылардың оқуға деген қызығушылығын арттыру; ◆ Мотивация; ◆ Қатысу; ◆ Оқушыларға өз ойларын/пікірлерін білдіруге мүмкіндік беру; ◆ Өз дағдыларын жаттықтыру (жазбаша рефлексия жасау, сұрақтар құрастыру); ◆ Топтық жұмыс динамикасын жақсарту; ◆ Сезіну; ◆ Салыстыру; ◆ Doodle механикалық түрде сызу; ◆ Қорытындылау; ◆ Өзін-өзі бағалау;

11 слайд

#12 слайд
«Миға шабуыл» стратегиясы Миға шабуыл әдісін 1941жылы А.Ф.Осборн ұсынған болатын. Алғашқы кезде жарнамалық бизнесте қолданылған бұл әдіс адамның шығармашылық ойлауына қозғау салу мақсатын көздеген болатын. Бұл ұжымдық талқылау, мәселенің шешімін іздеуде қолданылатын тиімді әдіс. Қандайда бір проблеманы әр мүшенің пікірін еркін тыңдау арқылы шешу. Миға шабуыл стратегиясының өзіндік ережесін сақтап, дұрыс пайдаланса оқушының стандарты емес шығармашыл ойлауын жақсы дамытады. Мұғалім топ құрады да, қандай да бір проблеманың шешімін табуды өтінесіз (айтасыз). Барлық оқушылар өз пікірлерін айта бастағанда, ешкім оның ойын бөліп, өз пікірін айта алмайды және бағаланбайды. Іс – тәжірибеден байқағанда бірнеше минут ішінде көптеген пікірлер яғни шешімдер табуға болады. Бұл жерде пікірдің көптігі мақсат емес, ол тек нақты саналы шешім қабылдауға негіз болады.

12 слайд

#13 слайд
Қағидасы: – Ұсынылған пікір бағаланбайды, сыналмайды -Жұмыс пікірдің сапасына емес санына бағытталған (неғұрлым пікір көп  болса, соғұрлым нақты шешім қабылдауға таңдау болады). – Барлық пікірлер «бір ауыз сөзбен» жазылып отырғаны жақсы. – Белгіленген уақыт сақталуы тиіс.

13 слайд

#14 слайд
ББҮ әдісі Оқушылар 3 графикті толтыру керек.«Білемін» бөліміне бұл сабақтан бұрын да таныс болған ақпаратын жазады,«Білгім келеді» бөліміне тақырыпта айтылмаған,бірақ білгісі келетін ақпаратты жазады,«үйрендім» бөліміне сабақта алған ақпаратын жазады.

14 слайд

#15 слайд
«Insert» әдісі Insert — оқу және жазба арқылы сыни тұрғыдан ойлауды дамыту әдісі, мәтінмен, жаңа ақпаратпен жұмыс жасағанда қолданылады. Бұл әдістемеде көбінесе тиімді оқу технологиясы деп аталады.Сабақта «Insert» әдісін қолдану әдісі1. Оқушылар мәтінді арнайы белгішелермен белгілеп оқиды: V — Мен бұл ақпаратты білемін; + — бұл мен үшін жаңа ақпарат; — — Мен басқаша ойладым, бұл менің білгеніме қарама-қайшы; ? — Мен мұны түсінбедім, бізге нақтылау түсіндірулер қажет. Бұл әдісті американдық ғалымдар Д. Воган мен Т. Эстес әзірледі, содан кейін оны сыни ойлау технологиясының негізін қалаушылардың бірі С. Темпл, К. Меридит және Д. Стил толықтырды.

15 слайд

#16 слайд
Insert әдісін қашан қолданамыз ? Insert әдісін жаңа білімді игеру сабақтарына, түзету сабағына немесе жаңа білім мен дағдыларды жаңарту сабағына жақсы сәйкес келеді.Әдіс студенттен пассивті емес, мұқият оқуды талап етеді. Егер бұрын ол мәтіндегі түсініксіз сәттерді жіберіп алған болса, онда Insert әдісі сізге назар аударуға, мәтіннің әр жолын мұқият қарап оқуға сұрайды. Теориялық материалдың үлкен көлемінде өңдеу қажет болған кезде Insert өте тиімді.

16 слайд

#17 слайд
Swot-талдауы Swot –тақырыпқа деген көзқарасты анықтау үшін жүйелі ойлауға негізделген сараптамалық әдіс. Strengths-күшті жақтары; Weaknesses-әлсіз тұстары; Opportunities-мүмкіндіктер; Threats-қауіптер.

17 слайд

#18 слайд
Swot-талдауы Мақсаты:оқушының бір мәселе бойынша ойлау,талдау,салыстыру қабілетін дамыту; Тиімділігі:сабақты қорытындылау барысында және кері байланыс беруге қолданылады. Қолданылуы: бұл әдісті қолдану барысында мәселенің жағымды,жағымсыз жақтарына сараптама беріледі,мүмкіндіктері бағаланып,қауіп-қатерлері туралы нақты дәлелдер келтіріледі.

18 слайд

#19 слайд
Қорытынды Қорыта келе осы әдіс-тәсілдерді қолдану нәтижесі: • Оқушы тұлғасының танымдық қабілеттерін дамытуға;• Оқуға жағымды қызығушылық қалыптастыруға; • Белсенді сөздік қорын, ауызша және жазбаша тілін ұстартуға; • Тұлғаның қиындықтарға даяр  болу және оны білу, қарым – қатынас, ойын, танымдық, өзін- өзі бекіту  қажеттіліктерін қанағаттандыруға ықпал етеді.

19 слайд

#20 слайд
Назарларыңызға рахмет

20 слайд