#1 слайд
Қазақстанның Ресей империясына қосылуы

1 слайд

#2 слайд
ХІХ ғасырдың екінші жартысында Ресейде капиталистік қатынастар қарқынды даму үстінде болды. Сауда- саттықтың, өнеркәсіптің дамуы жақсы деңгейге жетті. Ресейлік тауарларды өткізудің жаңа көзіне, арзан шикізатпен жұмыс күшіне деген қажеттілік туындады.

2 слайд

#3 слайд
Осыған орай Ресей империясы жедел түрде Қазақстанның оңтүстік, оңтүстік-шығыс өңірлерін отарлауды жылдамдатты. Сонымен қатар Англияның Қазақстан мен Орта Азия өңірлеріне деген қызығушылығының артуы Ресейдің сыртқы саясатында белсенділік танытуына себепкер болған еді.

3 слайд

#4 слайд
ХІХ ғасырдың бас кезінде Ұлы жүзде хандық билік болмады. 1818 жылы Ұлы жүз қазақтарының бір бөлігі патша үкіметіне өздерін Ресей империясының қол астына алуын сұрап, өтініштерін білдірді. 1824 жылы Ұлы жүздің 165000 ер адамы Ресейдің бодандығына өтті. Бірақ елдегі ішкі және сыртқы жағдайлардың бөгет болуына байланысты патша үкіметінің Ұлы жүз қазақтарын империя құрамына алуы тоқтатылды.

4 слайд

#5 слайд
Империя құрамына кірген жерлерде 1835 жылы Ақтау, Ұлытау, 1846 жылы Қапал, 1831 жылы Сергиополь сияқты бекіністер бой көтеріп, олар Жетісу өлкесіндегі тірек пунктерге айналды. 1854 жылы Алматы шатқалында Верный бекінісінің негізі қаланды. 1859 жылы Қастек бекінісі салынды. Ресейдің Қазақстанның оңтүстік өңірлерін басып алуға бағытталған әскери соғыс қимылдары осы жерлерден басталды.

5 слайд

#6 слайд
Қоқан хандығы Ресейдің Жетісу аймағын басып алуына мейлінше қарсы болды. Сол орайда Әулие-атадағы, Шымкенттегі әскер күштерін барынша нығайтуға кірісті. 1860 жылы патша әскерлерінің Қоқандықтарға қарсы әскери қимылдары үдей түсті.

6 слайд

#7 слайд
Осы жылы 26 тамызда Тоқмақ, 4 қыркүйекте Бішкек басып алынды. 1860 жылы қазан айында Ұзынағашқа таяу жерде Алатау округінің билеушісі Колпаковский басқарған орыс әскерлері Қоқандықтарды талқандады. 1864 жылы патша үкіметінің әскери күштері Меркі, Әулие-ата, Түркістан, Шымкент сияқты елді-мекендерді басып алды. Патша үкіметі 1867 жылдың маусым айында орталығы Ташкент қаласы болатын Түркістан генерал-губернаторлығын құру туралы заң қабылдады.

7 слайд

#8 слайд
Оның құрамына жаңадан құрылған Жетісу және Сырдария облыстары енді. Сонымен, Ресей империясының бір жарым ғасырға созылған отаршылдық әрекеттерінің нәтижесінде ХІХ ғасырдың екінші жартысында Қазақ сахарасы тұтастай патша үкіметінің бодандығына өтті.

8 слайд

#9 слайд
НАЗАРЛАРЫҢЫЗҒА РАҚМЕТ!

9 слайд