"Қимылды ойындар" картотекасы

1 слайд
Картотека № 1 Қимылды ойын: «Тақия тастамақ» Мақсаты: балалардың зейінің дамыта отырып,жылдамдыққа үйрету. Ойын шарты: Тәрбиеші балаларды шеңбер бойына тұрғызады ,әуен ойнап тұрады. Тәрбиеші тақияны алып балалардың артында жүреді.Әуен тоқтағанда екі баланың ортасына тастайды.Балалар орнынан тұрып,шеңбер бойымен бір-біріне қарама- қарсы жүгіреді.Тақияны кім алса,сол женімпаз. Картотека №2 Қимылды ойын:«Аюдың апанында» Мақсаты: балалардың сөздік қорын дамыта отырып,қимыл-қозғалыс іскерліктерін жетілдіру. Ойын шарты :Бір бала бөлме ортасында орындыққа отырады.(аю)Қалған балалар бөлме ішінде ақырын жайлап басып,төмендегі өлең жолдарын қайталайды: Әне аюдың апаны,жатыр онда дәу аю. Жайлап басып барайық,саңырауқұлақ,бүлдіргенді, Білдіртпей біз алайық. Ұйықтап жатқан аюды,оятып біз алмайық. Соңғы өлең жолдарын айтқан кезде аю,оянып кетіп балаларды ұстау үшін қуады.

2 слайд
Картотека № 3 Қимылды ойын:«Көлеңке» Мақсаты: балалардың қимыл-қозғалыс, ойлау қабілетін дамыту Ойын шарты: Көлбең-көлбең көлеңкем, Көлбеңдеген көлеңкем. Аю қалай жүреді, Кім көрсете біледі? Айнұр шығып сен көрсет. Тәрбиеші балаларды кезектеп атап,ортаға шығарып түрлі жануарлардың жүрісін салып көрсетуді сұрайды. Картотека № 4 Қимылды ойын:«Ұшты-ұшты» Мақсаты: балалардың ойлау қабілетін дамыту. Ойын шарты :Ұшты-ұшты,қаз ұшты!(қол көтеріледі). Ұшты-ұшты,саз ұшты!(қол көтерілмейді) Ұшты-ұшты,үйрек ұшты(қол көтеріледі) Қателескен бала өлең айтады немесе ән салады.Жаңылыспаған ойыншы женеді.

3 слайд
Картотека № 5 Қимылды ойын:«Көжектер мен түлкі» Мақсаты: балаларды шапшандыққа,ұйымшылдыққа үйрету. Ойын шарты: Бір бала түлкі болып сайланады,қалған балалар көжек бет пердесін киіп,дөңгелене отырады. Ойын жүргізуші:Көжектерім тұршы,беттеріңді жушы Ну орманға барайық,тамақтанып алайық. Қоян:Жалмандаған қу түлкі,келіп қапты орманнан. Көжектерім қайда?-деп,еріп келеді соңымнан. Көжектер ән ырғағымен секіріп,қаша жөнеледі,түлкі қуады. Картотека № 6 Қимылды ойын:«Мысық пен тышқан» Мақсаты: балаларды шапшаңдыққа әрі шыдамдылыққа,ұйымшылдықққа үйрету. Ойын шарты: Барлық балалар айнала шеңберге тұрып, «тышқан» мен «мысық» таңдайды. «Тышқандар» «мысықтан» қашады, дөңгелек ішінде жүругеде болады . «Мысықты» балалар дөңгелек ішіне н жібермейді.

4 слайд
Картотека № 7 Қимылды ойын:«Торғайлар мен автомобиль» Мақсаты: балалардың зейінің дамыту,шапшандыққа үйрету. Ойын шарты :Балалар бөлменің немесе аланның бір жағында отырады. Олар ұяларында отырған торғайлар.Бір бала автомобиль бейнелейді.(аланның қарама-қарсы жағында)Тәрбиеші:«Жол жүріп ұшып кеттік,торғайлар»-деген сөзіне,балалар жүгіреді,құстар сияқты қанаттарын қағып. Біраз уақыт өткен сон:«Байқандар,автомобиль келе жатыр»-дейді.Балалар(торғайлар) ұяларына ұшып бара қонады. Картотека № 8 Қимылды ойын:«Күн мен түн» Мақсаты: балалардың есте сақтау қабілетін дамыту. Ойын шарты: Тәрбиеші «күн» дегенде балалар секіреді,жүгіреді. «Түн» дегенде орындарында отырып ұйықтайды .

5 слайд
Картотека № 9 Қимылды ойын:«Жасыл қияр» Мақсаты: балалардың тіл байлығын дамыту,ұйымшылдықққа үйрету. Ойын шарты: Балалар шеңбер бойымен айнала жүреді.Ал ортада орындықта тышқан ұйықтаған болып бір бала отырады.Балалар төмендегі өлең жолдарын айтады: Қияр,қияр,қиярлар Алысқа кетіп қалмандар. Ұйықтап жатыр дәу тышқан Оятып қәне алмаңдар! Оянған тышқан балаларды қуа жөнеледі,кім ұсталса сол тышқан болады. Картотека № 10 Қимылды ойын:«Аралар» Мақсаты: балалардың зейінің,есту қабілетін дамыту. Ойын шарты: Ойынды жүргізуш көзін жұмады.Балалаар қолындағы затты белгіленген бір орынға жасырады.Жүргізушіге ызылдау арқылы бағыт беріп отырадыДауысын анығырақ шығарып ызылдаса-зат жақында,ақырын дауыстаса-зат алыста.Жасырылған затты тапқан бала мадақталады,кезек келесі балаға беріледі.

6 слайд
Картотека № 1 1 Қимылды ойын:«Толқиды теңіз» Мақсаты: балаларды шыдамдылыққа тәрбиелеу. Ойын шарты: Балалар ойын алаңында айналып жүріп: «Толқиды теңіз бір, Толқиды теңіз екі, Толқиды теңіз үш, Толқиды теңіз т ө рт» -сөз жолдарын айтады. Тәрбиеші белгісі бойынша:«Толқын мұз бол»- дегенде балалар қозғалмай қалу керек. Картотека № 12 Қимылды ойын:«Айдаһардың құйрығы» Мақсаты: Балалардың дене қимылдарын жетілдіре отырып бірлесе қимылдауға, ауызбіршілікке жетелеу. Ойын шарты:Ойынға қатысушылар бірінің артынан бірі тізбектеле белдерінен ұстап тұрады. Ең бірінші тұрған адам –«айдаһардың басы». Ең соңғысы - «құйрығы» болады.Ойын кезінде көңілді музыка қойылады. «Айдаһардың басы» ең күрделі жолдармен жүре отырып өз «құйрығын» ұстап алуға тырысады. Оның мақсаты – ұстап алу, «құйрықтың» мақсаты – ұстатпау, қайткенде де қашып құтылу. Егер «құйрық» ұсталып қалса, ол - «бас» болады. Ойын өз жалғасын табады.

7 слайд
Картотека№ 13 Қимылды ойын:«Автомобильдер» Мақсаты: балаларды ұйымшылдықққа тәрбиелеу. Ойын шарты: Қатысушылардың қолдарында әр түрлі түсті рөлдер бар. Тәрбиешінің берілген дабылы бойынша әр түрлі түсті таяқшалармен балалар өзін жүргізуші ретінде санап, өз дабылы бойынша қимылдайды. Картотека № 1 4 Қимылды ойын:«Тату-тәтті отбасы» Мақсаты: балалардың танымдық қабілетін дамыту,ұйымшылдыққа тәрбиелеу. Ойын шарты: Балалар бөлме ішінде әуен ырғағымен жеңіл билеп жүреді.Тәрбиеші әуенді тоқтатып хабарлама жасайды:«Тату-тәтті жанұядаа» 3 адам н/е (2,4) адам тұрады.Балалар үштен,екіден,төртен бірігеді.Ойын осылай бірнеше рет қайталанады.

8 слайд
Картотека № 15 Қимылды ойын:«Дала және үй құстары» Мақсаты: балалардың зейінің дамыту,ұйымшылдықққа үйрету. Ойын шарты: Тәрбиеші балаларды екі топқа бөледі.Бастаушы (тәрбиеші) дала құсының суретін көрсеткенде балалар дала құсының дауысын келтіріп, ұшып келіп орындарына қонады.Ал үй құсының суретін көрсеткенде үй құыстарының дыбыстарын дыбыстап,жүрістерін келтіріп орындарына келеді. Картотека № 16 Қимылды ойын:«Айна» Мақсаты: Баланың зейіні мен байқампаздығын әрі әр түрлі дене қимылдарын жетілдіру. Ойын шарты: Әр бала – «айна» болады. Жүргізуші әр айнаға бір барып, сол «айнаға» қарап, түрлі қимылдар жасайды. «Айна – бала» сол қимылдарды үлгіріп, әрі дәл қайталауы керек. Ең дұрыс «айна-бала» - жүргізуші болады. Ойын осылай қайталана береді.

9 слайд
Картотека № 17 Қимылды ойын:« Қарлығаш» Мақсаты: балаларды шапшаңдыққа әрі шыдамдыққа,ұйымшылдықққа үйрету. Ойын шарты: Бұл ойынды өткізу үшін міндетті түрде дөңгелек қажет. Одан кейін «қарлығашты» және «күзетшіні» таңдайды, қарлығаш дөңгелек ортасында отырады, ал күзетші басқа ойыншылардың шабуылынан қорғап жүреді. «Күзетші» шабуылдың біреуін ұстап алуға тырысады. Егер ол тырысып, ойыншының біреуін ұстап алса, ол «күзетші» атанады. Картотека № 18 Қимылды ойын: «Күн,су,ауа» Мақсаты: балалардың есте сақтау қабілетін дамыту. Ойын шарты: «Күн» дегенде балалар ашық аланда ойнап жүреді,өсімдік болып өседі,ойткені өсімдіктер күнді жақсы көреді,күнмен өседі. «Су» дегенде балалар балық,кит сияқты суда жүзеді. «Ауа» дегенде балалар құстар,ұшақ сияқты қалықтап ұшады.

10 слайд
Картотека № 19 Қимылды ойын:«Киіз үй» Мақсаты: балалардың есте сақтау қабілетін дамыта отырып, шапшандыққа үйрету. Ойын шарты: Төрт орындықты қояды. Әрбір орындықтың үстінде орамал жатады. Балалар орындықты айнала жүгіріп, тәрбиешінің дабылы бойынша «киіз үй»  құрады: орамалдың бұрышынан ұстап жоғары көтереді.  Картотека № 20 Қимылды ойын:«Аңшы» Мақсаты: балаларды шапшаңдыққа ,ұйымшылдықққа үйрету. Ойын шарты: Балалардың қалауы бойынша ортаға аңшы н/е кез –келген жануарлардың біреуі аталады.Балалар шеңбер құрып тұрады.Аң қашады,ал аңшы соңынан қуып ұстап алуға тырысады.Балалар қолдарын көтеріп,анды шеңбер ішіне кіргізіп алып,ал аңшыны кіргізбеуге тырысу қажет.Ойын балаларды алмастырып отыру арқылы жалғаса береді.

11 слайд
Картотека № 21 Қимылды ойын:«Өрмекші мен шыбын» Мақсаты: балалардың қимыл- қозғалыс,бақылағыштығын дамыту. Ойын шарты:Әуен ойнағанда шыбындар ызылдап ұша бастайды.Әуен тоқтағанда шыбындар қатып қалады,ал өрмекші қозғалған шыбындарды аңдып ұстауға шығады. Картотека № 2 2 Қимылды ойын:« Жаяу көкпар » Мақсаты: балаларды шапшандыққа үйрету,өзара достық қарым-қатынаста болуға тәрбиелеу. Ойын шарты: Бақылаушы таңдалады, ол ойын ережесінің дұрыс жүрілуін бақылайды және ойын барысында тәртіп бұзбауын қадағалайды; ол ойыншыларды бір сапқа тұрғызады, сыйлықтан 30 қадам жерде финиш анықталады. Саптағы әр ойыншының міндеті  қалған ойыншыларды жығып, сыйлыққа дейін жүгіріп жетіп, оны ұстап алып, онымен бірге финишке жету керек.

12 слайд
1 «Тақия тастамақ» 12 :«Айдаһардың құйрығы» 2 :«Аюдың апанында» 13 :«Автомобильдер» 3 :«Көлеңке» 14 :«Тату-тәтті отбасы» 4 :«Ұшты-ұшты» 15:«Дала және үй құстары» 5 :«Көжектер мен түлкі» 16:«Айна» 6 :«Мысық пен тышқан» 17:« Қарлығаш» 7 :«Торғайлар мен автомобиль» 18«Күн,су,ауа» 8:«Күн мен түн» 19:«Киіз үй» 9 :«Жасыл қияр» 20 :«Аңшы» 10:«Аралар» 21:«Өрмекші мен шыбын» 11 :«Толқиды теңіз» 22:« Жаяу көкпар »