Адамның шыр етіп жерге түскен минутынан бастап оның өмірін, денсаулығын, тыныштығын, қуанышын қорғап отыратын заң бар. Бұл Заң қалай аталады? (Конвенция). - 1989 жылы 20 қарашада «Балалар құқығы туралы Конвенция қабылданды». Қазірде бұған 191 мемлекет кірген. Конвенция дегеніміз - арнаулы мәселелер жөніндегі келісім шарт. Осы конвенция негізінде 2002 жылы Қазақстанда Қ.Р-дағы балалардың құқығы туралы Заң қабылданды. Бұл Заң 9-тарау, 53 баптан тұрады. Бап дегеніміз-ереже. Осы ережелерді бұлжытпай орындау, біздің Отанымыз, еліміз, халқымыз алдындағы парызымыз. Ал ендеше, өз құқығымызды біліп, басқаның құқығын бұзбауға үйрену үшін, Отанымызға, елімізге , халқымызға деген патриоттық сезімдерімізді ояту мақсатында білімдеріңді кеңейтуге уақыт келді. Жұмысқа кіріспес бұрын бір-бірімізге жақсы көңіл күй сыйлайық (оқушылар дөңгелене тұрып хормен айтады).