10-сынып БЖБ№1, 2-тоқсан. Әдебиет. ҚГБ

10-сынып БЖБ №1. 2-тоқсан

«Прозадағы көркем ой» бөлімі Жүсіпбек Аймауытов «Ақбілек» романы

Оқушының аты-жөні:

Сынып жұмысы:

1-тапсырма. Үзіндіні оқып, сұрақтарға жауап беріңіз

...«Мамырбайдың орыс талқылаған қызын қара!» деп, ақсақалды көзге шұқыған тәрізденді. Енді Ақбілегі әкесіне масыл болды. Бала ұстаған емес, жұртқа тамашалауға маймыл ұстап отырған кісі тәрізденді. Ақбілектің қырсығынан ақсақал масқара боп абыройынан, адамдығынан айырылғандай болды. Міне, ақсақалдың баласына түзу қарай алмай, қашқақтап жүргені сол еді. Қызғаныш, жиреніш, өкініш, аяныш, ыза, қорлық — бәрі ұласып, оның тірі қалып, көзге күйік болғанына бармағын шайнап, зығырланар еді. Бірақ өз қолын өзі кессін бе? Өз ішіне өзі пышақ ұрып, жарылып өлсін бе? У жеген қасқырдай іші алау-жалау боп өртеніп, шықпаған сүлдесін сүйретіп жүр еді.

1. Берілген сөйлемде сипатталатын кейіпкер: «У жеген қасқырдай іші алау-жалау боп өртеніп, шықпаған сүлдесін сүйретіп жүр еді.» [1]

A) Бекболат- Ақбілектің жігіті

B) Мамырбай- Ақбілектің әкесі

C) Мұқаш- сатқын жігіт

D) Қара мұртты- орыс офицері

2. Ақбілектің тағдырын тәлкек еткен: жарбақтау, кірпі шаш, қарыс маңдай, қара сұр жігіт [1]

A) Мұқаш

B) Офицер

C) Балташ

D) Бекболат

3. Мәтіндегі: «. Бала ұстаған емес, жұртқа тамашалауға маймыл ұстап отырған кісі тәрізденді.» деген сөйлем арқылы жазушы кейіпкердің қандай көңіл күйін суреттейді? [1]

A) Сүйініш

B) Өкініш

C) Шарасыз

D) Қорқыныш

4.Үзіндінің негізгі ойы [1]

A) Орыс офицерінің қорлығы

B) Әкенің шарасыз күйі

C) Перзент өкініші

D) Дала халқының тағдыры

5-тапсырма. «Ақбілек» романында халық тұрмысы мен өмірінен алынған ащы шындық суреттеледі. Елдегі болып жатқан осы оқиғаларға кім кінәлі? Романда көтерілген мәселе жалпыадамзаттық мәселеге жата ма? Шығармадағы көтерілген басты мәселелерді басшылыққа алып, ғаламдық сипатын ашып, сұраққа жауап беріңіз. [5]