16 желтоқсан Қазақстан Республикасының Тәуелсіздік күніне арналған «Тәуелсіздік тұғырым» атты ертеңгілік

Ынтазина М.Қ.

«QAMQOR» Мүгедектерге

медициналық-әлеуметтік

көмек көрсету» ҚБ

тәрбиеші Семей қаласы

Абай облысы

16 желтоқсан Қазақстан Республикасының Тәуелсіздік күніне арналған «Тәуелсіздік тұғырым» атты ертеңгілік

Тақырыбы: «Тәуелсіздік тұғырым»

Мақсаты:1) Балаларға тәуелсіз мемлекет туралы түсінік беру балалардың Отанға деген сүйспеншіліктерін арттыру. Қазақстан Республикасының мемлекетік рәміздері: Елтаңба, ту, әнұран туралы білімдерін қалыптастыру. Отан туралы тақпақ. Мақал-мәтелді жатқа айтуға үйрету. Патриоттық сезімге баулу.

2) Балалардың тіл байлығын ой-өрісін, сөзді байланыстырып сөйлеу қабілетін дамыту.

3) Елімізді, жерімізді қадірлеуге, сүюге тәрбиелеу.

Көк тудың желбірегені әнінің әуенімен балалар залға қолдарына көк туларын желбіретіп кіреді.

Тәрбиеші: Сәлеметсіздер ме құрметті Ұстаздар!

Барша халық таныған,

Біздің үміт тілекті.

Шырқалғанда әнұран,

Шаттық кернер жүректі.

ҚР мемлекеттік әнұраны орындалады.

Тәрбиеші: Балалар, біздің Отанымыз қалай аталады?

Балалар: Қазақстан республикасы.

Жүргізуші: Қазақстан қандай мемлекет?

Балалар: Қазақстан тәуелсіз, егеменді мемлекет.

Жүргізуші: Балалар, бүгін міне осы Тәуелсіздік мерекесі күні. Еліміздің тұңғыш елбасы кім?

Балалар: Нұрсұлтан Әбішұлы Назарбаев.

Жүргізуші: Еліміздің елордасы қай қала?

Балалар: Астана.

Ойынайықта ойлайық: “Қыран мен күн”

Шарты: Үстелдің үстіндегі пазлдарды құрастырып, “Қыран мен күн” бейнесін құрастыру.

Топ басшылары: Арсен мен Измир

Тәрбиеші: Мұз жастанып азаматтық жолында,

Тәуелсіздік туы тұрды қолында.

Жеңіп шықты, бас имеді, қасарып

Сойыл таяқ ойнаса да жолында

Желтоқсан-ау, ұмтылмайсың жүректе

Ұрпақ өсер айналатын тірекке

Егемендік тиді міне еншіме

Желтоқсаным, жеткіздің ақ тілекке.

Біздің Отанымыз Қазақстан - тәуелсіз, егеменді мемлекет.

Тәуелсіздік үшін қаншама азаматтарымыз, ардақты ағаларымыз, ақылды жастарымыз ғұмырларын күреске арнап Тәуелсіздік жолында құрбан болған Ләззат, Сабира, Ербол, Қайрат есімді азаматтарымыздың рухына бас иіп орнымыздан тұрып 1 минут еске алайық!

«Көңілді эстафета»

Мақсаты: Балалардың көтеріңкі көңіл-күйін туғызу. Балалардың денесін шыңдап күш-қуатын нығайту, шапшаңдыққа, ептілікке тәрбиелеу. Балаларды ойындар арқылы ақыл-ойының толысып өсуіне ықпал жасау. Жарыс кезінде ойынға қызыға қатысуына жағдай жасау, бір-біріне достық қарым-қатынастарын дамыту.

Түрлі-түсті шеңберлерді түстерімен бөліп, таяқшаларға салады.

Балаларды екі топқа бөлу. Топ басшылары: Рамазан мен Ислам

Тәрбиеші: Қазақ елім!

Туды жастық дәуірің.

жұлдызыңның жарығын.

Тәуелсіздік құтты болсын, қымбаттым,

Туған күнің құтты болсын, алыбым!

Рефлексия: Түрлі-түсті үлестірмелер , эмоция спектірінің бейнелері;

Бет жүздері бейнеленген үлестірмелер;

Көңіл-күйді білдіретін түрлі-түсті бейнелер таратылады балалр бүгінгі сабақты қалай түсінгендерін смайлик арқылы білдіреді.

Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік. Осымен біздің сабағымыз аяқталды, сау болыңыздар!

©Ынтазина М.Қ.