Тақырыбы: «Тәуелсіздік бастауы-Желтоқсан»

Мақсаты: Балаларды өз елінің тәуелсіздігі үшін күрескен қаһармандарын құрметтеуге, адамгершілік сезімдерді қалыптастыру арқылы отаншылдыққа, еліміздің рәміздерін қастерлеуге, туған жеріне, еліне деген сүйіспеншіліктерін арттыруға тәрбиелеу. Жас ұрпақ бойына еліне,жеріне,ұлтына деген патриоттық сезімін қалыптастыру.

Балалар музыка әуенімен музыка залына кіріп, белгіленген орындарына отырады(балалардың қолдарында жалауша)
Сахнаға жүргізуші шығады

 Жүргізуші:

Армысыздар, құрметті қонақтар, балалар! Еліміздің  тәуелсіздік күні баршаңызға құтты болсын! Мемлекетіміздің өсіп-өніп, шыңға жетіп өркендеуі –біздің жетістігіміз, сондықтан бүгінгі ойын сауық ертеңгілігін бастауға рұхсат етіңіздер!

Шайқалмасын ешкімнің шаңырағы, 
Бақыт көрсін Отанның сан ұланы. 
Енді ағайын, көгінде қалықтасын, 
Қазағымның қастерлі - Әнұраны!

Қазақстан Республикасының әнұраны орындалады

Жүргізуші: Мен казір сендерге Желтоқсан оқиғасы туралы қысқаша айтып беремін.

1986 жылы Желтоқсан оқиғасында  Ербол Сыпатаев, Қайрат Рысқұлбеков, Ләззат Асанова, Сабира Мұғаметжанова тағы басқа жап-жас аға-апаларымыз құрбан болды.  Содан бері талай жыл өтсе де бұл азаматтарды ұмытпай әр жыл сайын басымызды иіп, еске аламыз.

Өздері өмірлерін қисада,арттарында өшпес іздері қалды. Олардың арман тілегі орындалды. Қазір біздің еліміз тыныш, жақсы өмір сүріп жатырмыз.Қазақстан Республикасында биыл Бүкіл Дүние Жүзілік ЭКСПО көрмесі өтті.Біздің еліміз дамыған елдер қатарына қосылды.

Есік қағылады.

Бүгінгі біздің мерекемізге, Алдар көсе келіпті.

Музыкамен залға қонақ кіреді.

Алдар көсе

Он алтыншы желтоқсан 
Тәуелсіздік алған күн 
Ерекше боп мәңгілік 
Ел жадында қалған күн!

Сәлеметсіздерме, балалар! Мен Алдар көсемін.Сендерді тәуелсіздіктерініңізбен құттықтауға келдім.

Жүргізуші: сәлеметсізбе, Алдар көсе. Олай болса, сізді біздің балаларымыздың өнерін бірге тамашалауға шақырамыз.

Жүргізуші: Ендігі кезекті балаларға берейік. Ортаға тақпақтарын оқуға Айша, Нұрасыл,Айсұлу,Аян,Руана шығады.

Гүлдене бер, Отаным!

Көтерген туын Нұр ағам!

Көбейткен достық қатарын,

Нұр аға біздің ұлы адам (АЙША)

Елбасымыз жолдайды,

Халқы оны қолдайды.

Ешқашанда орынсыз,

Шешімдері болмайды. (НҰРАСЫЛ)

Казахстан – земля родная

Очень любим мы тебя,

Море, горы, даль степная-

Это Родина моя!                   (АЙСҰЛУ)

Отан деген – атамекен

Отан деген туған жер,

Отан – ана

Отан –үлкен

Қазақстан туған ел (АЯН)

Өзіңдікі туыңда

От пен ауа,суың да

Жаса Қазақстаным

Белді бекем буын да! (РУАНА)
Жүргізуші: «Балбөбек» тобының орындауында : «Отаным» әнін қабыл алыңыздар.

Жүргізуші: Жарайсыңдар балалар! Келесі кезекте топ қыздарының орындауындағы «Қамажай» биін қабыл алыңыздар!

Жүргізуші : Ортаға тақпақ оқуға Эльдана,А.Айару ,Даяна шығады

Он алтыншы желтоқсан

Ел мерейі тасыған

Қазақ деген қалың жұрт

Бәрін кешті басынан (ЭЛЬДАНА)

Мереке бүгін ұлы күн,

Бабалар рухы көксеген

Азатты елдің ұлымын

Теңескен төбем көкпенен. (К.АЙАРУ)

Елбасы елді қорғайды,

Халық қамын ойлайды.

Осындай жақсы адамның,

Жақсылығы тарайды. (А.АЙАРУ)

Тәуелсіздік – ел болу

Ынтымақпен өрге озу.

Еркін және өзге елмен,

Терезесі тең болу. (ДАЯНА)

Алдар көсе: Олай болса, мен балаларды ойын ойнауға шақырамын.

Ойын «Теңге алу»

Жүргізуші: Ұлдардың орындауындағы биді қабыл алыңыздар.

Қонақ:Онда мен де ұлдармен билегім келіп тұр.

Жарайсыңдар, балалар. Қандай өнерлі едіңдер. Қане, балаларым сендерге тілек айтайын

Құтты болсын тәуелсіздік мерекесі, 
Мықты болсын елімнің керегесі. 
Татту-тәтті боп халқымыз әрқашан, 
Кетпесін туған жердің берекесі.

Балалар мен сендерге алыс жолдан сыйлықтар әкелдім. (сыйлықтар таратады.)

Жүргізуші: Аумин айтқаныңыз келсін Алдар көсе. Сыйлықтарыңызға көп көп рахмет. Біз бұл сыйлықтарды топқа оралған соң дәм татамыз.

Жүргізуші:

Бақтың құсы әр адамға қонып бір, -

О, тәңірім, бізді баққа жолықтыр.

Бүгін міне Тәуелсіздік, ағайын!

Әр қазақтың жүрегінде соғып тұр!

Осымен 16- желтоқсан Тәуелсіздік күніне арналған ««Тәуелсіздік бастауы-Желтоқсан»» атты «Балбөбек» 2 кіші тобының шағын ертеңгілігі аяқталды. Назарларыңызға рахмет!

КМҚК «Дәншік» балабақшасы

«Балбөбек» екінші сәбилер тобының

«Президент ел тірегі»

атты ойын-сауық ертеңгілігінің сценарийі

Жауапты: Габитова Г.К.

Самар ауылы

2018 жыл