2024 ЖЫЛЫ ГРАНТҚА ҚАТТЫ КОНКУРЕНЦИЯ БОЛМАҚ

Жоғарғы оқу орнына түсетін адамдар саны жыл сайын еселеп артуда. Және әрбірі тегін оқу мүмкіндігін жібермес. Дегенмен, грант бүкіл оқушыларға жетеді ме?

Биылғы 2024 жылғы түлектер - ол 2006-2007 жылғы балалар. Статистикаға сүйенсек, 2007 жылы туылған балалар саны - 321 963, 2006 жылы - 301 756 нәресте дүниеге келген. Ал 2005 жылы 278 мың жаңа өмірге келген балалармен салыстырғанда туу көрсеткіші әлдеқайда өскен.

Грант санына келсек, 2024 жылы университеттерге жалпы 88 мың мемлекеттік грант бөлінген. 2023 жылы стоматология мамандығы бойынша ең көп сұраныс болды: 1 орынға 22 талапкер өтінішін білдірген. Журналист мамандығына 1 орын үшін 22 оқушы таласты. Ал грант саны бос қалған мамандықтардың біріне ветеринар саласы жатады.

Testcenter нәтижесі бойынша қаңтар ҰБТ-ның өзіне 2 апта ішінде 53 мыңнан астам адам тест тапсырды. Шекті балдан асқандар саны барлығының 73% пайызын құрап отыр. Ал бұл жақсы көрсеткіш. Негізгі мамыр-маусым айында болатын ҰБТ-ға тапсыратындар саны бұдан көп болып, нағыз конкуренция, грантқа талас болуы бізге мәлім.

“Сіздердің грантқа түсу немесе түспеуіңізді тек грант конкурсы анықтайды. Ал оның нәтижелері конкурсқа қатысушылардың санына және жинаған балына байланысты. Сондықтан грант конкурсына қатыспай жатып, сізге ешкім қанша балмен грант иегері атана алатыныңызды айта алмайды. Бірақ сіздерге кем дегенде бағдар болу үшін былтырғы түлектердің грант нәтижесін қарап шығуға кеңес беремін”,- дейді Ұлттық бірыңғай тестілеудің директоры - Руслан Емелбаев.

Не дегенмен, 2024 жылғы түлектерге көңілдерін түсірмеу қажет. Себебі, мемлекеттік гранттан бөлек басқа да тегін оқу жолы бар. Мысалы, әкімшілік, ректорлық, ішкі гранттарға қатысу мүмкіндіктері толып жатыр. Сонымен қатар, әрбір университет ішкі олимпиадаларды көктем айынан бастап өткізуде.