21ғасырда мейірімділікті
ұмытпайық
Жүрек – ең нәзік әрі мейірімді жаратылыс. Адам
бойындағы шынайы құндылықтар мен жақсы қасиеттердің барлығы
жүректе. Сол қасиеттердің ішіндегі ең асылы –
ізгілік.
Ізгілік – мейірімділік, махаббат пен игі істердің
жиынтығы. Оны жүректе сақтау үшін көп нәрсе қажет емес. Біз
күнделікті өмірде өзіміз байқамастан игі істер жасаймыз: біреуге
көмектесу, жақсы сөз айту, айналаға жанашырлық таныту – осылардың
бәрі қарапайым, бірақ жүректен шыққан шынайы әрекеттер. Ізгі адам
ешкімге қастандық жасамайды, керісінше, қиындықта бірге болып,
адамдарға жанашыр қолдау көрсетеді.
Алайда қазіргі қоғамда қатігездік пен
немқұрайлылық жиі кездеседі. Жанашырлықтың азаюы – теріс
әрекеттердің көбеюіне әкелуі мүмкін. Жаңалықтардан
зорлық-зомбылық,әділетсіздік пен адамдардың бір- біріне жасаған
қиянатын көргенде,жүректегі ізгіліктің қаншалықты маңызды екенін
түсінеміз.Елімізде де мұндай жағдайлар бар.Мысалы тұрмыстық
зорлық-зомбылық, әлеуметтік теңсіздік немесе жастар арасындағы
қатігездік мәселелері қоғамды алаңдатып отыр.Осындай қиындықтарды
жеңудің бірден- бір жолы жүректегі ізгіліктің шамын мәңгі
сөндірмеу. Қазақстанда да игі істер жасауға шақыратын азаматтар аз
емес. Мәселен, түрлі қайырымдылық қорлары, еріктілер ұйымдары
мұқтаж жандарға көмектесіп, әділеттілікке, мейірімділік пен
ізгілікке негізделген қарым-қатынас орнатуда. Егер адамдар
бір-біріне жанашырлықпен қарап, шынайы көмек қолын созса, қоғам да
жақсара түседі.
Әр
адам өмірге таза жүрекпен келеді. Бірақ өмірдің қиындықтары мен
сынақтары кейде жүректегі жылуды суытып жіберуі мүмкін. Дегенмен,
ізгілік – адам болмысының ажырамас белгісі. Ол кез келген адамның
жүрегінің түбінде болсын бар және өшпейді.
Ізгілік – адамдар арасындағы сенім мен
сыйластықтың ірге тасы. Егер айналамызға мейірім мен жылулық
сыйласақ, өміріміз де шуаққа толады. Сондықтан жақсылық пен
ізгілікке жол ашып, бір-бірімізге жүрек жылуын
сыйлайық
№177
Мектеп- гимназияның 11 сынып оқушысы.
Авторы:
Амал Дана Табиғатқызы
Ассистент
30 Наурыз 2025
210
