3-ТОҚСАН БОЙЫНША ЖИЫНТЫҚ БАҒАЛАУҒА АРНАЛҒАН ТАПСЫРМАЛАР

«Қазіргі қоғам: әлеуметтік теңсіздік. Тілдік жүйе және стиль», «Сәулет өнері. Стильдік ерекшеліктер» бөлімі бойынша жиынтық бағалау

№ 2 БЖБ қазақ тілі 10-сынып гуманитарлық бағыт

Оқу мақсаты:

10.2.1.1 әртүрлі графиктік мәтіндердегі (кесте, диаграмма, сызба, шартты белгі) мәліметтерді талдау, негізгі үрдістерді анықтау;

10.4.4.1 сөзжасамдық және синтаксистік нормаларды сақтай білу.

Бағалау критерийі:

• мәтіндердегі мәліметтерді талдап, негізгі үрдістерді анықтап жазады;

• сөзжасамдық және синтаксистік нормаларды сақтап жазады.

Ойлау дағдыларының деңгейі: Жоғары деңгей дағдылары

Орындау уақыты: 15-20 минут

Тапсырма.

Мәтінді мұқият оқыңыз.

Байлыққа жетудің кілті

Өзін-өзі дамыту ғылымының білікті сарапшысы американдық Брайан Трейси бар өмірін осы тақырыпты зерттеуге арнаған екен. Өз еңбегімен байлыққа жеткендердің өмір тәжірибелерін сараптай келе ол мынадай қортынды жасайды: байлыққа жету үшін мына қағиданы берік ұстансаңыз жеткілікті: тапқан табысыңызды үнемді жұмсап, бір бөлігін сақтауды берік әдетке айналдырыңыз және сақтаған ақшаңызды банк депозиті, құнды қағаздар және т.б. құралдар арқылы көбейтуге көңіл бөліңіз. Міне, сонда сіз белгілі уақыт өткен соң міндетті түрде байлыққа жетесіз.

Осыдан мынадай түйін жасауға болады, байлыққа жетудің формуласы мынадай: ТАБЫС – САҚТАУ – КӨБЕЙТУ. Сіз тапқан жалақыңыздың бір бөлігін үнемі қалдырып, депозитке салып, болмаса құнды қағаз сатып алып отырасыз, осылайша ақшаңыздың бір бөлігі сақталып және көбейе береді. Ұлы данышпан Альберт Эйнштейннің айтқан «күрделі процент – әлемдегі ең құдыретті күш» деген қағидасына сай, сіз сақтаған ақшаңыз күрделі процент арқылы тез арада өсіп, жылдар өте келе мол қаржыға айналады. Браиан Трейсидің пайымынша, жылына сақтаған ақшаңызды 8-10 процент көбейтіп отырсаңыз, 10-15 жылда байлыққа қол жеткізесіз. Бұл 2х2=4 деген сияқты айнымас қағида.

Жоғарыда келтірген байлыққа жетудің формуласы мүлтіксіз жұмыс істейді. Осы ақиқатты түсініп, соны іс жүзінде қолданғандар байлыққа жетіп, ал алғашқы жолды таңдап, жеңіл өмір сүргілері келгендер керісінше, өмір үнемі алға тартып отыратын қиындықтардан көз ашпай, тауқыметпен тірлік кешеді.

Мынаған ақыл-оймен барлап қараңызшы: кедейлік адам өмірін жеңілдете ме? Жоқ. Ешқашан да. Кедей адамның күн сайын алдынан шығатын проблемалары көп болады және оның бәрін шешуге пенденің мүмкіндігі жетпейді және ол проблемалардың көбі ақшаны талап етеді. Осыған орай, ақшаны жаратуды жақсы көретін ол пенде ақша табудың жалғыз жолы ретінде біреуден қарыз алуды, болмаса банк кредитіне сүйенуді ғана біледі. Осылайша ол қарыздың құрдымына құлап, ешқашан кедейлік шырмауынан шыға алмайды.

Түйін: Бұл екі жолдың қайссын таңдаған және сол жолмен жүрген болсаңыз да, ол жолды өзгерту ешқашан кеш болмайтынын есіңізде ұстаңыз. Өткен шақты өзгерту мүмкін емес, бірақ болашақта қай бағытқа бағдар ұстанасыз, ол сіздің өз еркіңіздегі шаруа. Егер кедейшілік тауқыметінен құтылғыңыз келсе, байлыққа бастар екінші жолға түсуіңізге әлі де кеш емес. Тағдырыңызды өзгерту ӨЗ ҚОЛЫҢЫЗДА.

1-тапсырма. «9 алмаз» әдісі. Мәтіндегі ақпаратты маңыздылығына қарай іріктеп орналастырыңыз.( төменгі бөліктерге 3 маңыздылығы төмен ақпарат жазады, жоғарғы бөліктерге 6 маңыздылығы жоғары ақпарат анықтап жазады).

«9 алмаз» әдісі.

2-тапсырма. Сөзжасамдық және синтаксистік нормаларды сақтап, берілген сөздермен сөйлем құрастырыңдар.

Депозит, банк кредиті, байлыққа жетудің формуласы

_________________________________________________________________________

_________________________________________________________________________

______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

3-тапсырма. Кіріс, ырыс, несібе, үнемшілдік, ысырапшылдық, ақшаға қатысты

берілген мақал-мәтелдердің жалғасын табыңдар.

1. Жеті рет өлшеп, .......................................................................................................................

2.     Есептей білгеннің ....................................................................................................................

3.     Судың да ...................................................................................................................................

4.     Теңге .........................................................................................................................................

5.     Көрпеңе қарай ..........................................................................................................................

6.     Ақыл азбайды ...........................................................................................................................

7.     Ақшаны табудан .......................................................................................................................

8.    Ақша кетуге тырысады,

Есеп ..............................................................................................................................................

Ықтимал жауаптар

1-тапсырма. «9 алмаз» әдісі. Мәтіндегі ақпаратты маңыздылығына қарай іріктеп орналастырыңыз.( төменгі бөліктерге 3 маңыздылығы төмен ақпарат жазады, жоғарғы бөліктерге 6 маңыздылығы жоғары ақпарат анықтап жазады).

«9 алмаз» әдісі. 6 маңызды ақпарат: 1.Тапқан табысыңызды үнемді жұмсау; 2.ТАБЫС – САҚТАУ – КӨБЕЙТУ; 3.Ақшаны депозитке салу; 4. Құнды қағаздар алу; 5. Ақшаңыздың бір бөлігі сақтау; 6.«Күрделі процент – әлемдегі ең құдыретті күш».

3 маңызды емес ақпарат: 1. Жеңіл өмір сүру; 2. Қиындықтардан көз ашпау; 3. Ақшаны жарату

2-тапсырма. Сөзжасамдық және синтаксистік нормаларды сақтап, берілген сөздермен сөйлем құрастырыңдар.

Депозит, банк кредиті, байлыққа жетудің формуласы

Депозит инвестицияның ең қауіпсіз түрі болып табылады. Жақсы табыс көзіне қол жеткізгің келсе, банк кредитіне сүйенбей әрекет жасағаның жөн. Байлыққа жетудің формуласы - тапқан табысыңызды үнемді жұмсап, бір бөлігін сақтауды берік әдетке айналдыру.

_________________________________________________________________________

_________________________________________________________________________

______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

3-тапсырма. Кіріс, ырыс, несібе, үнемшілдік, ысырапшылдық, ақшаға қатысты

берілген мақал-мәтелдердің жалғасын табыңдар.

1. Жеті рет өлшеп, ......... (бір рет кес).

2.     Есептей білгеннің ....... (есесі кетпейді).

3.     Судың да ................... (сұрауы бар).

4.     Теңге ................ (тиыннан құралады).

5.     Көрпеңе қарай ......... (көсіл).

6.     Ақыл азбайды ........ (білім тозбайды).

7.     Ақшаны табудан ....... (шашу оңай).

8.    Ақша кетуге тырысады,

Есеп ...... (ұстауға тырысады).