2 санына көбейту жəне бөлу кестесін бекіту.

77- сабақ. 2 санына көбейту жəне бөлу кестесін бекіту.

Тақырыбы: Қимылды ойындар. Мектеп:

Оқыту мақсаттары 2.1.2.4** 2; 3; 4; 5 сандарына көбейту мен бөлу кестесін құру, білу

жəне қолдану.

2.5.1.3.Бірдей қосылғыштардың сомасын табуға; мазмұнына қарай жəне бірдей бөліктерге бөлуге берілген есептерді талдау жəне шығару; кері есеп құру жəне шығару.

Сабақтың мақсаттары

Барлық оқушылар: •2-ге көбейту жəне бөлу кестесін біледі жəне қолданады.

Көптеген оқушылар: •көбейту жəне бөлуге берілген есептерді шығаруда амалдарды

дұрыс таңдауды іске асыра алады.

Кейбір оқушылар: •көбейту жəне бөлуге берілген есептерді өз бетінше құрастырады

жəне шығара алады.

Тілдік мақсаттар Оқушылар:2-ге көбейту кестесі қалай құрылғанын түсіндіреді, көбейту

жəне бөлуге берілген есептерді шығаруда амалдар таңдауды түсінеді.

Пəндік лексика жəне терминология:

Көбейту кестесі, көбейту мен бөлудің байланысы, көбейту мен бөлуге берілген есептер.

Диалог/жазбаша жұмысқа қажетті пайдалы фразалар топтамасы

Талқылау:

2 санына көбейту жəне бөлу кестесі қалай құрастырылғанын түсіндіре аласың ба?

Көбейту кестесін есептеулер барысында қалай қолдануға болатынын түсіндіре аласың ба?

Есепті қалай шығаратынын түсіндір?

Есептің шешуін қалай жазатынын түсіндір?

Тірек білім, білік, дағдылар

Көбейту мен бөлу амалдарының мағынасы, 2 санына көбейту жəне бөлу кестесі.

Жоспарланған іс-əрекет

Қызығушылықты ояту. 0–3

Мұғалім оқушыларды қазақтың ұлттық ойындары туралы, математиканың ойын жүргізуге қалай көмектесетіні (есеп жүргізу, командаға бөліну, ойынға керекті заттарды санау жəне т.б.) туралы əңгімеге тартады.

Өзектендіру. 4–6 «Қар лақтыру» ойыны

2-ге көбейту жəне бөлу кестесін білуден жарыс өткізіңіз. 2 санына көбейту жəне бөлуге берілген

мысалдары бар карточкалар.

Мақсат қою. 7–11 «Хан талапай» ойыны

1-тапсырманың материалымен оқушылар санауды орындайды. Оқулықтағы анықтаманы оқуды ұсынады: «2-ге қалдықсыз бөлінетін сандар жұп сандар деп аталады. 2-ге қалдықсыз бөлінбейтін сандар тақ сандар деп аталады».

Дəптердегі 1- тапсырманы бағалау критерийлерін қолданумен пайдалануға болады.

Тапсырманы жақсы орындаған оқушылар оқулықтағы 2- тапсырмаға көшеді. Оқушылар 20-ға дейінгі жұп жəне тақ сандарды өсу жəне кему реті бойынша жазады

Өздік жұмыс 12–29 «Қол күресі» ойыны. Жұптық жұмыс

3- тапсырманы бағалау критерийлерін қолданумен пайдалануға болады.

Қол күресінен жеңген оқушы берілген кестенің тапсырмаларын орындайды.

Қатені түзету

Қате жіберген оқушылар 2 санына көбейту жəне бөлу кестесімен жұмыс жасайды, ары қарай жеке

карточкалардағы тапсырмаларды (кестені білуге берілген) орындайды.

Өткенді қолдану 30–40 «Көкпар» бәйге. Топтық жұмыс

№5 тапсырма.

Мұғалім тапсырманы орындауда қысқаша жазылу формасына назар аударады. Ол əртүрлі болуы мүмкін. Мысалы, бірінші есеп үшін сызба, сұлба, сурет түрінде болғаны тиімді.

а) 18 оқушы ойнау үшін жұптасып сапқа тұрды. Неше жұп болды?

ə) Аулада 14 оқушы ойнап жүр. Олар теңдей 2 командаға бөлінді. Əр командада неше оқушыдан болды.

б) Оқушылар ойнау үшін əр командаға 3 адамнан бөлінді.

2 командада барлығы неше адам болды?

Есепті шығаруды жылдам меңгерген оқушыларға берілген сызбалар бойынша сандық деректерді өзгертіп өзбетімен есептер құрастыруды ұсынуға болады.

Өздік жұмыс. «Аламан» бәйге

Дəптердегі 6-тапсырмалар тексере отырып орындалатын сараланған өзіндік жұмысқа арналған.

.Рефлексия. 41–45

Жетістік деңгейін бағалайды.

Оқушылар:

•2-ге көбейту жəне бөлу кестесін біледі жəне қолдана алады.

•көбейту жəне бөлуге берілген есептерді шығаруда амалдарды таңдауды дұрыс жүзеге асыра алады.

•көбейту жəне бөлуге берілген есептерді өз бетінше құрастырады жəне шығарады.

Үйге тапсырма: 4- салыстыруға берілген тапсырманы орындайды.

Бағалау, мадақтау.