Ұйымдастырылған ашық тәрбиелік сағаты

Мерзімі:03.04.18ж.

Тобы: «Айгөлек» ересектер

Тақырыбы: «Елбасым-мақтанышым».
Мақсаты:Елбасымыздың туып - өскен жері, өмір жолы, қызмет еткен кезеңі туралы мағлұмат беру. Рәміздермен таныстыру, президентіміздің ұстанымымен, өмір жолын үлгі етіп, балаларды Отанын, халқын, жерін сүюге, батылдыққа, азаматтыққа, патриоттыққа тәрбиелеу.

Жылулық шеңбері:

Аспанымыз ашық болсын!

Деніміз сау болсын!

Анамыз жанымызда болсын!

Отанымыз тыныш болсын!
- Балалар, бүгінгі тәрбиелік сағатымыз тұнғыш президент, Отанымыз туралы . Тәрбиелік сағатымызда біз үш топқа бөлініп отырамыз.

- Бүгінгі тақырыптық тәрбиелік сағатымыздың тақырыбы: «Елбасым-мақтанышым».
Тәрбиелік сағатымыздың басында Президентіміз Нұрсұлтан Әбішұлы Назарбаев жайында деректі фильм көріп жіберейік./слайд/
Тосын сәт: Слайдтан ғаламшардан келген Томпақ көрінеді.
Томпақ: Сәлеметсіздер ме, балалар! Мен ғаламшардан келдім. Менің атым - Томпақ. Мен сендердің елдерің туралы білгім келеді.
Тәрбиеші:
- Сәлеметсіз бе, Томпақ! Келгеніңіз қандай жақсы болды.
Тәрбиеші:
- Балалар, Томпаққа өз еліміз туралы айтпас бұрын өз тобымыз туралы айтып өтейік.
1 - топ. «Астана»тобы.
- Астана – Қазақстан Республикасының бас қаласы. Астана қаласында – Бәйтерек, Қазақстан Республикасының президенттік мәдени орталығы, резиденциясы, «Думан» ойын – сауық орталығы бар.
2 - топ. «Алматы» тобы.
- Алматы – Қазақстанның әдемі қалаларының бірі. Алматы қаласында – Медеу мұз айдыны, Көктөбе ойын-сауық кешені, 14 театр мен 25 мұражай және апорт алмасы бар.
3 - топ. «Петропавл» тобы.
- Петропавл –Қазақстанның ескі қалаларының бірі. Оған 200 астам жыл Петропавл қаласында С. Мұқанов атындағы Солтүстік Қазақстан облыстың қазақ сазды-драма театры, Солтүстік Қазақстан облыстың қуыршақ театры, Солтүстік Қазақстан облыстық Н. Погодин атындағы орыс драма театры, мұражайлар мен кітапханалар көп.

Томпақ:
- Жарайсыңдар, балалар, Қазақстанның қалаларын біледі екенсіңдер, енді менің сендерге қояр сұрақтарым бар.
- Балалар, Отаныңыз қалай аталады?
- Біздің Отанымыз – Қазақстан Республикасы.
- Президентіңіз кім ?
- Қазақстан Республикасының президенті Н. Ә. Назарбаев.
- Н. Ә. Назарбаев Алматы облысында дүниеге келген. Мектепті жақсы оқыған, ұшқыш болуды армандаған.
Аруана:
Елбасымыз жолдайды,
Халқы оны қолдайды,
Ешқашанда орынсыз
Шешімдері болмайды.

Елбасы елді қооғайды

Халық қамын ойлайды

Осындай жақсы адамның,

Жақсылығы тарайды.

Ұлпан:

Отан деген –атамекен

Отан деген -туған жер

Отан-ана, Отан-үлкен

Қазақстан –туған ел!

- Өте жақсы балалар, келесі менің білгім келетіні, Қазақстан Республикасының рәміздерін білесіңдер ме?

Ислам:
- Қазақстан Республикасының рәміздері: ту, елтаңба, гимн.
- Қазақстан Республикасының Мемлекеттік Туы 1992 жылы маусым айында бекітілді. Тудың авторы: Шәкен Ниязбеков.

Айым:
- Қазақстан Республикасының Мемлекеттік Елтаңбасы 1992 жылы 4 маусымда бекітілді, авторы: Мәлібаев және Уәлиханов.

Арлан:
- Қазақстан Республикасының Мемлекеттік Гимнінің әнін жазған Шәмші Қалдаяқов сөзін жазғандар: Жұмекен Нәжімеденов, Нұрсұлтан Әбішұлы Назарбаев.
Тәрбиеші:
- Жарайсыңдар, балалар, шаршап қалған болармыз, сергіту сәтімен бір сергіп алайық.
Сергіту сәті:
Балалар слайдтағы балалармен бірге «Қазақ жігіттері» әніне билейміз.
- Көрдің бе, Томпақ, біздің балалар өз елінің президенті, рәміздері жайлы барлығын біледі.
- Енді балалар, қазақтың салт - дәстүрі бойынша келген қонақты құр жібермейік, Томпаққа өз қолымызбен естелік жасап берейік.
«Астана» тобы- домбыраны әшекелейді

«Алматы»тобы - ақ қағаздың ортасына күнді, жан - жағындағы шуағына әр ұлттың суреттерін жапсырамыз.
«Алматы» тобының балалары ақ қағазға күнді, жан - жағындағы шуағына әр ұлттың өкілдерінің суреттерін жапсырады.
«Петропавл» тобы - ақ қағазға трафаретпен қазақтың ою - өрнектерін басамыз.
«Петропавл» тобының балалары
Трапаретты пайдаланып, губкамен қазақтың ұлттық оюын жасайды.

- Томпақ, біз саған естелікке қазақтың музыкалық аспабын береміз.

- Ал біз Қазақстанда барлық ұлттың өкілдерімен тату - тәтті өмір сүріп жатқанымызды бейнеледік.

Біз Томпаққа қазақтың ою - өрнектерін сыйлаймыз.
Томпақ:
- Рахмет, сіздерге балалар, мен қатты қуанып тұрмын сіздердің берген сыйлықтарыңды мен өз ғаламшарыма алып кетемін. Сау болыңыздар!
Балалар Томпақпен қоштасады.
Тәрбиеші:
Егеменді ел болып, тәуелсіздіктің көк байрағын көтерген сәт - Қазақстанның әр азаматы үшін қуаныш, тарихтың үлкен бетбұрысы болғаны анық. Осының бәрі - еліміздің тұңғыш президенті - Н. Ә. Назарбаевтың арқасында!
Осымен тәрбиелік сағатымыз аяқталды. Келген қонақтармен қоштасайық. Сау болыңыздар!
- Балалар, бүгін бізге қонаққа кім келді?
- Томпақ бізге риза болды ма?
- Томпаққа сыйлыққа не беріп жібердік?
Балалар сұрақтарға жауап береді