3 санымен танысу жыл мезгілдері

Білім беру саласы: «Таным»
Бөлімнің аты: Математика
Тақырыбы: 3 санымен танысу жыл мезгілдері
Мақсаты:
Білімділік: Балаларды 3 саны мен цифрымен таныстыру. Заттарды санауға машықтандыру, 3 цифрын тану және бейнелеуге үйрету. Балаларға табиғаттағы құбылыстар жөнінде жалпылама және нақты түсініктерді қалыптастыру. Жылдың төрт мезгілін айыра білу дағдыларын бекіту.
Тәрбиелік: Балалардың қызығушылығын арттыру, тиянақтылыққа, бірін - бірі тыңдай білуге тәрбиелеу. Балаларды табиғатты қорғауға, оның сұлулығын сезіне білуге тәрбиелеу.
Дамытушылық: Балаларды заттың санын сәйкестендіре білу дағдыларын қалыптастыру, есте сақтау қабілетін дамыту. Балалардың сөздік қорын, ауызекі сөйлеу мәдениетін жетілдіру. Есте сақтау қабілетін арттыру. Зейінділікке, ұстамдылыққа, тапқырлыққа баулу.
Көрнекілігі: АКТ, үлестірмелі материалдар
Әдісі: әңгімелеу, түсіндіру, сұрақ - жауап.
Пәнаралық байланыс: Көркем әдебиет
Шаттық шеңбері:

Дос болайық бәріміз

Жарасып тұр әніміз

Тыныштықты сақтаймыз

Атсын күліп таңымыз.

-Балалар,бүгін бізде қарапайым математикалық ұғымдар туралы оқу қызметі.

Өткен оқу қызметін сұрау

1. Тура және кері санап шық. 0 1 2 2 1 0
2. «0» саны мен цифры нені білдіреді?
3. 2 санына байланысты не білесің?
4. Қандай фигураларды білесің?
5. 1 және 2 қайсысы үлкен, қайсысы кіші
6. Бақытта 2 шие бар еді. Ол біреуін Раминаға берді. Бақытта неше шие қалды?

Мен сендерге «Бүгінгі күндерің сәтті болсын» деймін.

-қазір жылдың қай мезгілі?

-Күз мезгілі екенін қайдан білдіңдер?

-балалар,бүған дейін біз 1,2 сандарымен танысқанбыз,бүгін тағы жаңа сан  үйренеміз.

(Тақтаға санамақ көрнекілігі ілінеді)

Санамақ. 

1 дегенім-бөрік

Басқа кисең көрік.

2 дегенім-етік,

Киер сәнді етіп.

-балалар, бұл киімдерді жылдың қай мезгілінде киеміз?

( Тақтаға 2 күлтелі гүл суреті ілінеді.)

-Балалар,гүлдің сәні болмай тұр. Күлтесі екеу екен. Құрастыру арқылы әдемі қалпына келтірейік. Күлтелерді бірлесе санап көрейік. Соңғысы жаңа сан екеніне көңіл аудара отырып,3 санымен таныстыру.

Екіден кейін қараңдар,

3 саны шықты,жараңдар

Үшінші орын тұрағы,

Үш ілмекті қосып тұрады.

-3 саны үш бірліктен тұрады.

-балалар , мен сендерге жұмбақ жасырмақпын.

Жұмбақ

Күндіз-түні жанамын.

Дабыл беріп бәріне.

Үш түрлі түсім бар,

Белгілі жас пен кәріге.

-дұрыс айтасыңдар,бағдаршамның үш көзі бар екен,олардың түстері қандай? 1-ші көзінің түсін айт.

2-ші көзінің түсі қандай?

3-ші көзінің түсі ше?

-жарайсыңдар түстерді жақсы айырады екенсіңдер.

3 санымен басталатын қандай ертегілерді білесіндер?

Енді бәріміз тақтаға назар аударайықшы, тақтада төрт жыл мезгілдің суреті көрсетілген. Күз, қыс, көктем, жаз.
- Балалар күз мезгілінде қандай өзгерістер болады?
(балалардың жауабы)
- Қыс мезгілінде қандай өзгерістер болады?
(балалардың жауабы)
- Көктем мезгілінде қандай өзгерістер болады?
(балалардың жауабы)
- Жаз мезгілінде қандай өзгерістер болады?
(балалардың жауабы)

-қане,балалар,бойымызды сергітіп алайық.

Сергіту сәті

Музыкамен қимылдарды орындау.

-балалар,тыңдандаршы бізге  біреулер келе жатқан сияқты.

Тосын сәт.

(Мақта қыз бен мысық кіріп келеді.)

-сәлеметсіңдер ме? Біздің топқа қош келдіңдер.

Мақта қыз бен мысық:

-сәлеметсіңдер ме,балалар.

-мысық сен неге  ренжіп тұрсың?

-ал,Мақта қыз, сенің қолыңдағы  не зат?

Мақта  қыз. Мысықтың құйрығы,ол менің тапсырмамды орындаған жоқ.

Мысық: Ой, ол сондай қиын ғой, балалар маған көмектесіңдерші.

-балалар, мысыққа көмектесіміз бе?

-ал,кәне, тапсырманы бере ғой.

(Мысық тапсырманы ұсынады.)

1 тапсырма : «Жануарларға байланысты Сан қою»

2 тапсырма:

«Тірі және өлі табиғат» ойыны.
- Балалар, сендер жыл мезгілдерін таптыңдар, енді «Тірі және өлі табиғат» деген ойын ойнап жіберейік. Бұл ойында мен тір табиғатты айтқанда қол шапалақтайсыңдар, ал өлі табиғатты айтқанда аяқтарыңмен топылдатасыңдар.
- Қарлығаш.(Қол шапалақтау)
- Тау.(Аяқпен топылдату)
- Ағаш. (Қол шапалақтау)
- Күн. (Аяқпен топылдату)
- Қоян. (Қол шапалақтау)
- Су. (Аяқпен топылдату)

-тамаша барлық тапсырмаларды орындадық. Мысық саған ұнады ма?

Мысық: Ия

-мақта қыз,енді мысықтың құйрығын қайтарып бере ғой және мысықпен достас.

Мақта қыз. Жарайды.

Логикалық ойын.

Құмырсқаның  туған күні болады. 1-ші жыбырлап қоңыз келеді,2-ші  асығып көбелек келеді. 3-ші  ара ұшып келеді.

-сонымен  балалар құмырсқаның туған күніне неше қонақ келеді?

-1-ші не келді?

-2-ші келген не?

— 3-ші қонағы кім?

- Құмырсқаның туған күніне неше қонақ келді?

Қорытынды:

‑өте жақсы. Бәрің де жақсы қатысып,көңілді болдыңдар.

Рахмет сендерге.