5-сынып оқушыларына арналған қазақ тілі мен қазақ әдебиеті пәндерінен олимпиада тапсырмасы

Қазақ тілі мен қазақ әдебиеті пәнінен олимпиада тапсырмасы

І ТУР, 1 КЕЗЕҢ

5-СЫНЫП

1. Қарасөзді оқып, тапсырмаларды орындаңдар.

ОТЫЗ БІРІНШІ ҚАРАСӨЗ

Естіген нәрсені ұмытпастыққа төрт түрлі себеп бар: әуелі – көкірегі байлаулы берік болмақ керек; екінші – сол нәрсені естігенде я көргенде ғибрәтлану керек, көңілденіп, тұшынып, ынтамен ұғу керек; үшінші – сол нәрсені ішінен бірнеше уақыт қайтарып ойланып, көңілге бекіту керек; төртінші – ой кеселді нәрселерден қашық болу керек. Егер кез болып қалса, салынбау керек. Ой кеселдері: уайымсыз, салғырттық, ойыншы-күлкішілдік, я бір қайғыға салыну, я бір нәрсеге құмарлық пайда болу. Бұл төрт нәрсе –күллі ақыл мен ғылымды тоздыратұғын нәрселер.

1. 31-қарасөздің тақырыбы мен негізгі түйіні не?

2. Естіген нәрсені есте сақтау үшін өздерің қандай жаттығуды білесіңдер?

3. Ғибрәтлану, тұшынып ұғу, көңілге бекіту деген сөздер мен сөз

тіркестерінің мағынасын жазыңдар, осы тілдік бірліктерді қатыстырып

сөйлем құрастырыңдар.

4. Ой кеселдері деген не? Неге олар ойға кесел болады?

5 . Синоним сөздермен ауыстырып жазыңдар.

Ынтамен ұғу –

уайымсыз –

салғырттық –

ойыншы-күлкішілдік –

бір қайғыға салыну –

бір нәрсеге құмарлық пайда болу –

6. «Ақыл мен ғылымды не оздырады?» тақырыбына эссе жазыңдар. 50-60 сөз

7. Сөйлемдегі сөздердің құрамына талдау жасаңдар.

Бұл төрт нәрсе – күллі ақыл мен ғылымды тоздыратұғын нәрселер