Туберкулез ауруына қарсы санаторлық түрдегі «Нұр» балабақшасы

Тақырыбы: «Ел қорғауға дайынбыз!»

Тәрбиеші: Бимашева Г.Б

2023-2024ж оқу жылы

Тақырыбы: «Ел қорғауға дайынбыз!»

Мақсаты:  Балаларға 7 – мамыр Отан қорғаушылар күні мерекесі жөнінде түсінік беру. Ұлы Отан соғысының мазмұнын әңгімелеп осы соғыста ерлік көрсеткен батырлардың ерліктерін, жыл сайын жеңіс күнінің мерейлі мерекесін бүкіл халық тойлап отыратынын айтып, жеңіс салтанатын көре алмай кеткен боздақтардың, бүгінде саны азайып қалған майдангерлердің рухына бас ие отырып, балаларды Отан қорғауға, Ұлы Отан соғысының батырларының ерлік істеріне тағзым етуге, батыл да ержүрек болуға үйрету. Елін, жерін жаудан қорғай білуге, елінің патриоты болуға тәрбиелеу. 

Тәрбиеші: - Құрметті балалар. Бүгінгі 7-мамыр Отан қорғаушылар күнімен және де 9-мамыр жеңіс күнімен құттықтаймыз. «Ел қорғауға дайынбыз!» атты мерекемізді бастауға рұқсат етіңіздер.

Тәрбиеші:-Балалар ,жер шары балаларының тілегі не?

Балалар:-Бейбітшілік болсын!

-Соғыс болмасын!

-Достық болсын!

-Адамдар бір-бірімен тату, дос болсын!

Ән: «Достық» хормен

Тәрбиеші: (буклеттегі суретке назар аударамыз)

Әлия Молдағұлова (шын есімі Әлия) Нұрмұхамедқызы 1924 жылы 15 маусымда Қобда ауданы Көкбұлақ деген жерде туған. Әлияның әкесі Нұрмұхамбет Сарқұлов кезінде бай тұқымынан шыққан ұрпақ ретінде қудалаған адам. Ал анасы Маржан 1932 - 1933 жылдары ашаршалақ кезінде кортоп еккен бақша күзетшісінің оғынан қаза болған. Сегіз жасында жетім қалып, Әубәкі деген ағасы өз тәрбиесіне алады. Кейін ол ағасы Санкт - Петебург(Ленинград) қаласын көшіп келді де Әлия сол қалада оқиды. Отбасының жағдайын байланысты Әлия кейін балалар үйінде тәрбиеленеді. Әлия ерекше ұстамды, зерек, жаңалыққа бой ұрғыш болып өседі.

Мәншүк Мәметова Жансығалиқызы 1922 жылы 23 қазанда Орал обылысы, Жасқұтта Нарын ауданында туған. Отбасында 5-еу болған. Әке-шешесі қайтыс болғаннан кейін Алматыда апасының қолында болады. Мектепте оқиды, одан кейін Мединститутта оқиды. 1942 жылы Алматыдағы медицина институтын бітіріп, 1942 жылы тамызда соғысқа өзі сұранып аттанады.

Бауыржан Момышұлы (24 желтоқсан 1910 — 10 маусым 1982) — қазақтың әйгілі әскери қолбасшысы, Ұлы Отан соғысында даңқы шыққан стратег және тактик, жазушы, Кеңес Одағының Батыры, Халық қаһарманы.

Батыс майданындағы 16 армияның 316-атқыштар дивизиясындағы (1941 жылдың қарашасынан бастап 8-ші гвардиялық атқыштар дивизиясы) 1073 атқыштар полкінің (1941 жылдың қарашасынан 19 Гвардия полкі) және батальон командирі. Ұлы Отан соғысына генерал-майор И.В. Панфилов басқарған әйгілі дивизиясының құрамында 1941 жылдың қыркүйек айынан бастап қатысты.

Дидактикалық ойын: «Бірдей заттарды біріктір»

Шарты: Суретте берілген әскери құрал- саймандарды тауып, қарындашпен сызық арқылы көрсетуі керек.

Тәрбиеші:

Әскери мамандықтар бөлінеді:

-Ұшқыш;

-Әуе әскері;

-Теңізші;

-Полиция;

-Шегарашы;

-Өрт сөндіруші;

Дидактикалық ойын: Әскери мамандықтар

Ойын шарты: Берілген суреттегі әскери мамандықтарға тиесілі көліктерін дұрыс тауып, жабыстырып, қастарына қойып шығады. Мамандық иесі қандай қызмет жасайтынын айтып береді.

«Пазлдарды құрастыр» ойыны

Ойын шарты: Бірнеше бөлікке бөлінген әскери көліктер мен мамандық иелерінің пазлдарын дұрыс жалғап, бір бүтін сурет шығарады.

«Көлеңкесін тап» ойыны:

Ойын шарты: Әскери құрал- жабдықтарды көлеңкесінің үстіне дұрыс тауып, қойып шығулары керек. Суреттегі таныс заттарды атап беріп, не үшін керек екенін айтып береді.

Дидактикалық ойын: Әскери көліктер

Ойын шарты: Әскери көліктерді көлеңкесіне қарай отырып, дұрыс қойып шығулары керек. Көліктердің өздеріне таныс түрлерін атайды. Маңыздылығын біледі, түсінеді.

Тәрбиеші: Алдарыңызға берілген боямақ суреттерді бояймыз. Бояп жатқан суретте кімдер бейнеленгенін айтып өтейікші?

Ән «Әрқашан күн сөнбесін» хормен.

Тәрбиеші: Осымен «Ел қорғауға дайынбыз!» атты мерекелік ашық тәрбие сағаты аяқталды. Аспанымыз ашық болсын, бейбітшілік болсын, еліміз тыныш болсын!